ಮೆಲೋಡಿ ಹಾಗೂ ಡ್ಯಾನ್ಸಿಂಗ್ ನಂಬರ್ಗಳಿಂದ ಸೌಂಡ್ ಮಾಡ್ತಿದ್ದ ಅಯೋಗ್ಯ-2 ಇದೀಗ ಮೂರನೇ ಸಾಂಗ್ನಿಂದ ಕೊಂಚ ಜೋರಾಗಿಯೇ ಸುದ್ದಿಯಲ್ಲಿದೆ. ಹುಡ್ಗೀರ್ ಡೇಂಜರಸ್ ಅಂತಿರೋ ನೀನಾಸಂ ಸತೀಶ್ ಜೊತೆ ಶಿವರಾಜ್ ಕೆಆರ್ ಪೇಟೆ ಹಾಗೂ ಗಿರಿ ನೀವೆಂದೂ ಕಂಡು, ಕೇಳರಿಯದ ರೇಂಜ್ಗೆ ಡ್ಯಾನ್ಸ್ ಮಾಡಿ, ಅಚ್ಚರಿ ಮೂಡಿಸಿದ್ದಾರೆ. ಇದರ ಇಂಟ್ರೆಸ್ಟಿಂಗ್ ಸ್ಟೋರಿ ಇಲ್ಲಿದೆ..
- ಹುಡ್ಗೀರ್ ಡೇಂಜರಸ್.. ಸತೀಶ್ ಜೊತೆ ಶಿವು, ಗಿರಿ ಸ್ಟೆಪ್..!
- ರಾಬರ್ಟ್ ಸಂತು ಕೊರಿಯೋಗ್ರಫಿಯ ಡ್ಯಾನ್ಸಿಂಗ್ ನಂಬರ್
- ಅಯೋಗ್ಯ-2 ಆಲ್ಬಮ್ನ 3ನೇ ಸಾಂಗ್ ಔಟ್.. ರಚ್ಚು ರಂಗು
- ಆ-7ಕ್ಕೆ ಬೆಳ್ಳಿತೆರೆಗೆ ಅಯೋಗ್ಯ.. ಸದ್ಯದಲ್ಲೇ ರಚಿತಾ ಡಬ್ಬಿಂಗ್
ಹುಡುಗ್ರು ಲವ್ ಮಾಡೋಕ್ ಫೇಮಸ್.. ಆದ್ರೆ ಹುಡ್ಗೀರು ನೋವು ನೀಡೋಕ್ ಫೇಮಸ್.. ಹೀಗಂತ ಶುರುವಾಗೋ ಅಯೋಗ್ಯ ಹೊಚ್ಚ ಹೊಸ ಸಾಂಗ್ ಹುಡ್ಗೀರ್ ಡೇಂಜರಸ್. ಯೆಸ್.. ಇಲ್ಲಿ ತನಕ ಮುದ್ ಮುದ್ದು ಪುಟ್ಟಲಕ್ಷ್ಮೀ ಅನ್ನೋ ಮೆಲೋಡಿ ಡುಯೆಟ್ ಹಾಗೂ ಅಣ್ಣ ಬಂದ್ರೆ ಅನ್ನೋ ಡ್ಯಾನ್ಸಿಂಗ್ ನಂಬರ್ಸ್ ರಿಲೀಸ್ ಆಗಿದ್ದವು. ಇದೀಗ 3ನೇ ಹಾಡು ಕೂಡ ಕಿಕ್ ಕೊಡ್ತಿದೆ. ಅದೂ ಲೋಕಲ್ ಫ್ಲೇವರ್ನಲ್ಲಿ ಅನ್ನೋದು ಸ್ಪೆಷಲ್.
ಹುಡ್ಗ-ಹುಡ್ಗಿ ಲವ್ ಮೇಲೆ ಕೇಂದ್ರೀಕೃತವಾಗಿರೋ ಈ ಸಾಂಗ್ನಲ್ಲಿ ನೀನಾಸಂ ಸತೀಶ್ ಜೊತೆ ರಚಿತಾ ರಾಮ್ ಗ್ಲಾಮರ್ ಮಸ್ತ್ ಇದೆ. ಇಂಟರೆಸ್ಟಿಂಗ್ ಅಂದ್ರೆ ಸತೀಶ್ ಜೊತೆ ಆಪ್ತಮಿತ್ರರಾದ ಶಿವರಾಜ್ ಕೆಆರ್ ಪೇಟೆ ಹಾಗೂ ಗಿರಿ ಕೂಡ ಹುಬ್ಬೇರಿಸಿ ನೋಡೋ ರೇಂಜ್ಗೆ ಕುಣಿದು ಕುಪ್ಪಳಿಸಿದ್ದಾರೆ. ಪ್ರೊಫೆಷನಲ್ ಡ್ಯಾನ್ಸರ್ಸ್ ಜೊತೆ ವ್ಹಾವ್ ಪೀಲ್ ತರಿಸುವಂತೆ ಡ್ಯಾನ್ಸ್ ಮಾಡಿರೋದೇ ಹೈಲೈಟ್.
ಬಹದ್ದೂರ್ ಚೇತನ್ ಕುಮಾರ್ ಸಾಹಿತ್ಯ ರಚಿಸಿರೋ ಈ ಹಾಡಿಗೆ ಅರ್ಜುನ್ ಜನ್ಯ ಸಂಗೀತ ಸಂಯೋಜಿಸಿದ್ದು, ಗಾಯಕ ವಿಜಯ್ ಪ್ರಕಾಶ್ ಕಂಠದಲ್ಲಿ ಅಷ್ಟೇ ಸೊಗಸಾಗಿ ಮೂಡಿಬಂದಿದೆ. ವಿಶ್ವಜಿತ್ ರಾವ್ ಸಿನಿಮಾಟೋಗ್ರಫಿಯಲ್ಲಿ ಹಾಡು ಸೆರೆಯಾಗಿದ್ದು, ರಾಬರ್ಟ್ ಸಿನಿಮಾ ಖ್ಯಾತಿಯ ಕೊರಿಯೋಗ್ರಾಫರ್ ಸಂತೋಷ್ ನೃತ್ಯ ಸಂಯೋಜನೆ ಮಾಡಿದ್ದಾರೆ. ಸಿನಿಮಾ ಇದೇ ಆಗಸ್ಟ್ 7ಕ್ಕೆ ಗ್ರ್ಯಾಂಡ್ ಆಗಿ ತೆರೆಗೆ ಬರ್ತಿದ್ದು, ಒನ್ಸ್ ಅಗೈನ್ ಅಯೋಗ್ಯ ಬಾಕ್ಸ್ ಆಫೀಸ್ ಲೂಟಿ ಮಾಡೋ ಲಕ್ಷಣ ತೋರಿದ್ದಾನೆ.
ಮಹೇಶ್ ಕುಮಾರ್ ಎಸ್ ನಿರ್ದೇಶನದ ಅಯೋಗ್ಯ-2 ಚಿತ್ರಕ್ಕೆ ಮುನೇಗೌಡ ಬಂಡವಾಳ ಹೂಡಿದ್ದು, ಸಿನಿಮಾ ಸದ್ಯ ಟೀಸರ್ ಹಾಗೂ ಸಾಂಗ್ಸ್ನಿಂದ ನೋಡುಗರಲ್ಲಿ ಕೌತುಕತೆ ಹೆಚ್ಚಿಸಿದೆ. ಅಚ್ಚರಿ ಅಂದ್ರೆ ರಚಿತಾ ರಾಮ್ ಈ ಸಿನಿಮಾಗೆ ಇನ್ನೂ ಡಬ್ಬಿಂಗ್ ಮುಗಿಸಿಕೊಟ್ಟಿಲ್ಲವಂತೆ. ಈ ತಿಂಗಳಾಂತ್ಯಕ್ಕೆ ವಾಯ್ಸ್ ಡಬ್ ಮಾಡೋದಾಗಿ ಹೇಳಿರೋ ರಚ್ಚು, ಸದ್ಯ ಮೆಗಾಸ್ಟಾರ್ ಚಿರಂಜೀವಿ ನಟನೆಯ ಚಿತ್ರದ ಶೂಟಿಂಗ್ನಲ್ಲಿ ಬ್ಯುಸಿ ಆಗಿದ್ದಾರೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್