ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್
ಗುಲಾಬಿ ಬೇಬಿ ಅಂತ ನಿನ್ನ ಕರಿಬೋದ ಸಾಲಿನಿಂದ ಆರಂಭವಾಗುವ ಆಲ್ಫಾ ಚಿತ್ರದ ಲವ್ ಸಾಂಗ್ ಬಿಡುಗಡೆ ಆಗಿದೆ. ಹಣ, ಅಧಿಕಾರ.. ರಾಕ್ಷಸರ ಕಾಳಗದ ನಡುವೆ ಸಿಂಪಲ್ ಲವ್ ಸ್ಟೋರಿ ಸೃಷ್ಟಿಸಿಕೊಂಡಿದ್ದು ಹೇಗೆ..? ಸದ್ಯ ಬಿಡುಗಡೆ ಆಗಿರುವ ಆಲ್ಫಾ ಮೇಕಿಂಗ್ ಝಲಕ್ ಹೇಗಿದೆ ಅನ್ನೋದರ ಕಂಪ್ಲೀಟ್ ಸ್ಟೋರಿ ಇಲ್ಲಿದೆ ನೋಡಿ.
ಕಲೆ ಯಾರಪ್ಪನ ಸ್ವತ್ತೂ ಅಲ್ಲ. ಟ್ಯಾಲೆಂಟ್ ಇದ್ದವನಿಗೆ ಒಳ್ಳೆಯ ವೇದಿಕೆ ಸಿಕ್ರೆ ಹಂಡ್ರೆಡ್ ಪರ್ಸೆಂಟ್ ಸಕ್ಸಸ್ ಆಗ್ತಾನೆ. ಅದ್ರಲ್ಲೂ ಹೊಸದಾಗಿ ಬರೋ ಸಿನಿಮೋತ್ಸಾಹಿಗಳಲ್ಲಿ ಹಸಿವು ಕೊಂಚ ಜಾಸ್ತಿನೇ ಇರಲಿದೆ. ಅದಕ್ಕೆ ಪ್ರತ್ಯಕ್ಷ ಸಾಕ್ಷಿ ಇಲ್ಲಿರೋ ಆಲ್ಫಾ- ಮೆನ್ ಲವ್ ವೆಂಜನ್ಸ್ ಅನ್ನೋ ಚಿತ್ರತಂಡ. ಯೆಸ್.. ಚಿತ್ರದ ಸಾಂಗ್ ವೊಂದು ಬಿಡುಗಡೆ ಆಗಿದ್ದು ಅನೂಪ್ ಸೀಳಿನ್ ಸಂಗೀತ.. ನಾಗಾರ್ಜುನ ಶರ್ಮ ಸಾಹಿತ್ಯ.. ರಾಹುಲ್ ಹಾಗು ಅಂಕಿತಾ ಕುಂದು ಧ್ವನಿ ಯಲ್ಲಿ ಮೂಡಿಬಂದಿರೋ ಗುಲಾಬಿ ಬೇಬಿ ಸಾಂಗ್ ಮ್ಯೂಸಿಕ್ ಪ್ರಿಯರ ಮನಸ್ಸು ಗೆಲ್ಲುತ್ತಿದೆ.
ನ್ಯೂ ಟ್ಯಾಲೆಂಟ್ ಹೇಮಂತ್ ಕುಮಾರ್ KFIಗೆ ಎಂಟ್ರಿ
ಗುಲಾಬಿ ಬೇಬಿ ಆಲ್ಫಾ ಸಾಂಗ್ ಸಖತ್ ಇಂಪ್ರೆಸ್ಸೀವ್
ಹಣ, ಅಧಿಕಾರ.. ರಾಕ್ಷಸರ ಕಾಳಗ.. ಆಲ್ಫಾ ಟೀಂ ವೆಂಜನ್ಸ್
LA ಪ್ರೊಡಕ್ಷನ್ಸ್ ಬ್ಯಾನರ್ನಡಿ ಆನಂದ್ ಕುಮಾರ್ ನಿರ್ಮಾಣದ, ವಿಜಯ್ ನಿರ್ದೇಶನದ ಚಿತ್ರ ಈ ಆಲ್ಫಾ. ಹೇಮಂತ್ ಕುಮಾರ್ ಅನ್ನೋ ನ್ಯೂ ಟ್ಯಾಲೆಂಟ್ ನಾಯಕನಟನಾಗಿ ಚಿತ್ರರಂಗಕ್ಕೆ ಇಂಟ್ರಡ್ಯೂಸ್ ಆಗ್ತಿದ್ದು, ಸಖತ್ ಪ್ರಾಮಿಸಿಂಗ್ ಆಗಿ ಅಪಿಯರೆನ್ಸ್ ನೀಡಿದ್ದಾರೆ. ಇನ್ನು ನೆಗಟಿವ್ ಶೇಡ್ನಲ್ಲಿ ಬಿಗ್ ಬಾಸ್ ಖ್ಯಾತಿಯ ಕಾರ್ತಿಕ್ ಮಹೇಶ್ ನಟಿಸಿದ್ದು, ನಾಯಕಿಯರಾಗಿ ಆಯನಾ, ಗೋಪಿಕಾ ಸುರೇಶ್ ಬಣ್ಣ ಹಚ್ಚಿದ್ದಾರೆ. ಇದಲ್ಲದೆ ನಟ ಬಾಲು ನಾಗೇಂದ್ರ, ಅಚ್ಯುತ್, ರಮೇಶ್ ಇಂದಿರಾ ರಂತಹ ಅದ್ಭುತ ಕಲಾವಿದರು ಈ ಸಿನಿಮಾದ ತಾರಾಗಣದಲ್ಲಿದ್ದಾರೆ.
ವಿಜಯ್ ನಿರ್ದೇಶನದ ಆಲ್ಫಾ ಸಿನಿಮಾದ ಮೇಕಿಂಗ್ ಇಂಟರೆಸ್ಟಿಂಗ್ ಹಾಗೂ ಇಂಪ್ರೆಸ್ಸೀವ್ ಆಗಿದ್ದು, ಹೇಮಂತ್ ಚಿತ್ರರಂಗದ ಭರವಸೆಯ ನಾಯಕನಟನಾಗುವ ಸೂಚನೆ ನೀಡಿದ್ದಾರೆ. ಮೆಲೋಡಿ ಸಾಂಗ್ ಜೊತೆಗೆ ಮೇಕಿಂಗ್ ವಿಡಿಯೋ ಕೂಡ ರಿವೀಲ್ ಆಗಿದ್ದು, ಇಡೀ ಟೀಂ ಸಿಕ್ಕಾಪಟ್ಟೆ ಎಫರ್ಟ್ ಹಾಕಿ ಚಿತ್ರಿಸಿದೆ. ಹೀರೋ, ಡೈರೆಕ್ಟರ್ ಅಷ್ಟೇ ಇಲ್ಲಿ ಹೊಸಬರು. ಉಳಿದಂತೆ ಎಲ್ಲಾ ಕಲಾವಿದರು ಹಾಗೂ ತಂತ್ರಜ್ಞರು ಸಾಕಷ್ಟು ಅನುಭವ ಹೊಂದಿದ್ದು, ಸಿನಿಮಾದ ಗೆಲುವಿಗೆ ಬೆಂಬಲವಾಗಿ ನಿಂತಿದ್ದಾರೆ. ಸಿನಿಮಾ ಇದೇ ಫೆಬ್ರವರಿ 20ಕ್ಕೆ ತೆರೆಗೆ ಬರ್ತಿದೆ.