ದಿ ವೆಯ್ಟ್ ಈಸ್ ಓವರ್.. ಬರ್ತ್ ಡೇ ಸಂಭ್ರಮದಲ್ಲಿ ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಬಹುನಿರೀಕ್ಷಿತ ಹಾಲಿವುಡ್ ಸ್ಟ್ಯಾಂಡರ್ಡ್ ಮೂವಿಯ ಟೈಟಲ್ ಕೊನೆಗೂ ಬಯಲಾಗಿದೆ. ರಾಕಾ ಅನ್ನೋ ರಾ ಟೈಟಲ್ ಇಟ್ಟಿರೋ ಚಿತ್ರತಂಡ, ನೋಡುಗರನ್ನ ಹೊಸ ಪ್ರಪಂಚದೊಳಗೆ ಕರೆದೊಯ್ಯುವ ಮುನ್ಸೂಚನೆ ನೀಡಿದೆ. ಎಲ್ಲಾ ಓಕೆ.. ಆದ್ರೆ ಕನ್ನಡ ಪೋಸ್ಟರ್ ಮಿಸ್ ಆಗಿದ್ಯಾಕೆ ಅನ್ನೋದೂ ಸೇರಿದಂತೆ ರಾಕಾ ಹೈಲೈಟ್ಸ್ ಇಲ್ಲಿದೆ ನೋಡಿ..
- ಅಲ್ಲು ಅರ್ಜುನ್-ಅಟ್ಲೀ ಸಿನಿಮಾಗೆ ರಾಕಾ ಟೈಟಲ್ ಫಿಕ್ಸ್
- ಬನ್ನಿಗೆ ಬರ್ತ್ ಡೇ ಸಂಭ್ರಮ.. ಶುಭಾಶಯಗಳ ಸುರಿಮಳೆ
- ಫ್ಯಾಂಟಸಿ ಸಿನಿಮಾ ವರ್ಲ್ಡ್ನಲ್ಲೊಂದು ಹೊಸ ಅಧ್ಯಾಯ
- ಕನ್ನಡ ಪೋಸ್ಟರ್ ನಾಪತ್ತೆ.. ಕನ್ನಡಿಗರಿಂದ ತೀವ್ರ ಆಕ್ರೋಶ
ಮೆಗಸ್ಟಾರ್ ಕುಟುಂಬದ ಕುಡಿ ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್, ಸದ್ಯ ಐಕಾನ್ ಸ್ಟಾರ್ ಆಗಿ ಇಂಟರ್ ನ್ಯಾಷನಲ್ ಮಾರ್ಕೆಟ್ನಲ್ಲಿ ಓಡುವ ಕುದುರೆಯಾಗಿ ರಾರಾಜಿಸ್ತಿದ್ದಾರೆ. ಪುಷ್ಪ-2 ಸಿನಿಮಾದ ಬಳಿಕ ಅಲ್ಲು ಅರ್ಜುನ್ ಕರಿಯರ್ ಕಂಪ್ಲೀಟ್ ಬದಲಾಗಿ ಹೋಯ್ತು. ಅವ್ರ ಆಯ್ಕೆ, ರೆಮ್ಯುನರೇಷನ್, ನಟನೆ, ಸ್ಟಾರ್ಡಮ್ ಹೀಗೆ ಎಲ್ಲವೂ ಅಪ್ಡೇಟ್ ಆಗಿವೆ. ಸದ್ಯ ಜವಾನ್ ಡೈರೆಕ್ಟರ್ ಅಟ್ಲೀ ಜೊತೆ 22ನೇ ಸಿನಿಮಾ ಮಾಡ್ತಿದ್ದ ಅಲ್ಲು, ಇಂದು 44ನೇ ಬರ್ತ್ ಡೇಗೆ ಕಾಲಿಟ್ಟ ಹಿನ್ನೆಲೆ ಚಿತ್ರದ ಫಸ್ಟ್ಲುಕ್ ಪೋಸ್ಟರ್ ಜೊತೆ ಟೈಟಲ್ ಕೂಡ ರಿವೀಲ್ ಆಗಿದೆ. ಸಿನಿಮಾಗೆ ರಾಕಾ ಅಂತ ಟೈಟಲ್ ಇಟ್ಟಿದೆ ಟೀಂ.
ರಾಕಾ.. ಔಟ್ ಅಂಡ್ ಔಟ್ ಸೈನ್ಸ್ ಫಿಕ್ಷನ್ ಥ್ರಿಲ್ಲರ್ ಜಾನರ್ ಮೂವಿ ಆಗಿದ್ದು, ಸನ್ ಪಿಕ್ಚರ್ಸ್ ಬ್ಯಾನರ್ನಡಿ 800 ಕೋಟಿ ಬಜೆಟ್ನಲ್ಲಿ ತಯಾರಾಗ್ತಿದೆ. ಕಂಪ್ಲೀಟ್ ಫ್ಯಾಂಟಸಿ ಎಂಟರ್ಟೈನರ್ ಇದಾಗಲಿದ್ದು, ಇಲ್ಲಿ ಕಮರ್ಷಿಯಲ್ ಎಲಿಮೆಂಟ್ಸ್ ಜೊತೆ ಎಮೋಷನಲ್ ಅಂಶಗಳು ಕೂಡ ಚೆನ್ನಾಗಿ ಬ್ಲೆಂಡ್ ಆಗಲಿವೆಯಂತೆ. ಭಾರತೀಯ ಫ್ಯಾಂಟಸಿ ಜಾನರ್ ಸಿನಿಮಾಗಳಿಗೆ ಹೊಸ ಆಯಾಮ ಕೊಡುವ ಚಿತ್ರ ಇದಾಗುತ್ತೆ ಅನ್ನೋದು ಚಿತ್ರತಂಡದ ಕಾನ್ಫಿಡೆನ್ಸ್.
ರಾಕಾ ಚಿತ್ರಕ್ಕೆ ಪೌರಾಣಿಕ ಸ್ಪರ್ಶ ನೀಡಿರೋ ಡೈರೆಕ್ಟರ್, ಅದ್ದೂರಿ ಆಕ್ಷನ್ ದೃಶ್ಯಗಳು, ಭಾವನಾತ್ಮಕ ಕಥಾಹಂದರ, ಹೈ-ಎಂಡ್ VFX ತಂತ್ರಜ್ಞಾನದಿಂದ ನೋಡುಗರಿಗೆ ನಿರೀಕ್ಷೆಗೂ ಮೀರಿದ ಮನರಂಜನೆ ನೀಡಲಿದ್ದಾರೆ. ಅಂತರಾಷ್ಟ್ರೀಯ ಮಟ್ಟದ ತಂತ್ರಜ್ಞಾನ ಬಳಸಿ ತಯಾರಾಗ್ತಿರೋ ಈ ಸಿನಿಮಾಗೆ ದೊಡ್ಡ ಮಟ್ಟದ ಪ್ರೊಡಕ್ಷನ್ ವ್ಯಾಲ್ಯೂಸ್ ಇದೆ. ಸದ್ಯ ಪೋಸ್ಟರ್ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಸಂಚಲನ ಮೂಡಿಸಿದ್ದು, ಚಿತ್ರಪ್ರೇಮಿಗಳನ್ನ ಅಕ್ಷರಶಃ ಮಂತ್ರಮುಗ್ಧಗೊಳಿಸಿದೆ.
ಅಲ್ಲು ಅರ್ಜುನ್ ಸೀಕ್ರೆಟ್ ಹಾಗೂ ಪವರ್ಫುಲ್ ಲುಕ್, ಡಾರ್ಕ್ ಫ್ಯಾಂಟಸಿ ಥೀಮ್ನಲ್ಲಿ ಬಹುದೊಡ್ಡ ಸಿನಿಮ್ಯಾಟಿಕ್ ಎಕ್ಸ್ಪೀರಿಯೆನ್ಸ್ ನೀಡಲಿದೆ. ಈ ಸಿನಿಮಾದಲ್ಲಿ ಅಲ್ಲು ಅರ್ಜುನ್ ಕಂಪ್ಲೀಟ್ ನ್ಯೂ ಲುಕ್ನಲ್ಲಿ ಕಾಣಸಿಗಲಿದ್ದಾರೆ. ಹಾವ, ಭಾವಗಳಿಂದ ಹಿಡಿದು ಆಂಗಿಕ ಭಾಷೆ ಕೂಡ ಬದಲಾಗಲಿದೆ. ಸಿನಿಮಾಗಾಗಿ ಬೀಸ್ಟ್ ಮೋಡ್ಗೆ ಜಾರಿರೋ ಅಲ್ಲು, ರಾಕಾ ಮೊದಲ ಲುಕ್ನಿಂದ ಕಿಕ್ಕೇರಿಸಿದ್ದಾರೆ. ಇದು ಅವ್ರ ಕರಿಯರ್ನಲ್ಲೇ ಮತ್ತೊಂದು ಮೈಲುಗಲ್ಲಾಗುವ ಲಕ್ಷಣ ತೋರಿದೆ.
ಅಟ್ಲೀ ಹಾಗೂ ಅಲ್ಲು ಅರ್ಜುನ್ ಸನ್ ಪಿಕ್ಚರ್ಸ್ ಜೊತೆಗೂಡಿ ರಾಕಾ ಸಿನಿಮಾನ ಸಾಕಷ್ಟು ಭಾಷೆಗಳಲ್ಲಿ ತೆರೆಗೆ ತರೋಕೆ ಸಜ್ಜಾಗಿದ್ದಾರೆ. ಫಸ್ಟ್ಲುಕ್ ಅನ್ನು ಒಂದಷ್ಟು ಭಾಷೆಗಳಲ್ಲಿ ರಿವೀಲ್ ಮಾಡಿದ್ದು, ಅದ್ರಲ್ಲಿ ಕನ್ನಡ ನಾಪತ್ತೆ ಆಗಿರೋದು ಕನ್ನಡಿಗರ ಕೆಂಗಣ್ಣಿಗೆ ಗುರಿಯಾಗುವಂತಾಗಿದೆ ಚಿತ್ರತಂಡ. ಹೌದು.. ತೆಲುಗು ಸಿನಿಮಾಗಳ ದೊಡ್ಡ ಮಾರುಕಟ್ಟೆ ಅಂದ್ರೆ ಅದು ಕರ್ನಾಟಕ & ಬೆಂಗಳೂರು. ಆದ್ರೆ ಕನ್ನಡದ ಪೋಸ್ಟರ್ ಬಿಟ್ಟು ಬೇರೆಲ್ಲಾ ಭಾಷೆಗಳಲ್ಲಿ ರಾಕಾ ರಾರಾಜಿಸ್ತಿರೋದು ಚಿತ್ರತಂಡಕ್ಕೆ ಮಾರಕವಾಗುವ ಸಾಧ್ಯತೆ ಜೋರಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್