ಟಾಕ್ಸಿಕ್‌‌‌‌ನಲ್ಲಿದ್ಯಾ ಯಶ್-ಕಿಯಾರಾ ರೋಮ್ಯಾಂಟಿಕ್ ಸೀನ್..?

ರಾಕಿಂಗ್ ಸ್ಟಾರ್‌ ಯಶ್ ನಟನೆಯ ಟಾಕ್ಸಿಕ್‌: ಎ ಫೇರಿಟೇಲ್‌ ಫಾರ್‌ ಗ್ರೌನ್‌-ಅಫ್ಸ್‌ ಸಿನಿಮಾದ ಕೆಲಸಗಳು ಬಿರುಸಿನಿಂದ ಸಾಗಿವೆ. ಈವರೆಗೂ ಒಂದು ಸಣ್ಣ ಟೀಸರ್ ಬಿಟ್ಟರೆ, ಚಿತ್ರದ ಬಗ್ಗೆ ಏನೊಂದು ಮಾಹಿತಿಯನ್ನು ಕೂಡ ಚಿತ್ರತಂಡ ಹಂಚಿಕೊಂಡಿಲ್ಲ. ಸದ್ಯ ಈ ಚಿತ್ರದಲ್ಲಿ ನಟಿ ಕಿಯಾರಾ ಅಡ್ವಾಣಿ ನಟಿಸುತ್ತಿದ್ದಾರೆ ಎಂಬುದು ಕನ್ಫರ್ಮ್ ಆಗಿತ್ತು. ಲೇಟೆಸ್ಟ್ ಅಪ್‌ಡೇಟ್ ಏನಪ್ಪ ಅಂದ್ರೆ ಟ್ಯಾಕ್ಸಿಕ್ ಸೆಟ್ ನಿಂದ ಕಿಯಾರಾ ಹಾಗು ಯಶ್ ಫೋಟೋ ಲೀಕ್ ಆಗಿದೆ.

ಕೆಜಿಎಫ್ 2 ಬಳಿಕ ಯಶ್ ಅಳೆದು ತೂಗಿ ಟಾಕ್ಸಿಕ್ ಆಯ್ಕೆ ಮಾಡಿಕೊಂಡಿದ್ದಾರೆ. ಕೆಜಿಎಫ್ 2 ಅಂತ ಮೆಗಾ ಬ್ಲಾಕ್‌ಬಸ್ಟರ್ ಸಿನಿಮಾ ಮೂರುವರೆ ನಾಲ್ಕು ವರ್ಷಗಳಾಗುತ್ತಾ ಬಂದಿದೆ. ಇಷ್ಟೊಂದು ತಡ ಮಾಡಿದ್ದಕ್ಕೆ ಯಶ್ ಅಭಿಮಾನಿಗಳು ಕಾದು ಕಾದೂ ಸುಸ್ತಾಗಿದ್ದಾರೆ. ಸದ್ಯ ನೇರವಾಗಿ ಗ್ಲೋಬಲ್ ಬಾಕ್ಸಾಫೀಸ್‌ಗೆ ಲಗ್ಗೆ ಇಡುವುದಕ್ಕೆ  ಸಿದ್ಧತೆಗಳು ನಡೆಯುತ್ತಿದೆ. ಹೀಗಾಗಿ ಅಂತರಾಷ್ಟ್ರೀಯ ಫಿಲ್ಮ್‌ ಮೇಕರ್ಸ್ ಈ ಸಿನಿಮಾದಲ್ಲಿ ಕೆಲಸ ಮಾಡಿದ್ದಾರೆ.

ಟಾಕ್ಸಿಕ್ ಸೆಟ್ ನಿಂದ ಮತ್ತೊಂದು ಫೋಟೋ ವೈರಲ್

ರಾಕಿಭಾಯ್ ನ ತಬ್ಬಿಕೊಂಡ ಕಿಯಾರಾ ಫೋಟೋ ಲೀಕ್

ಅಂದಹಾಗೆ ಟಾಕ್ಸಿಕ್ ಸಿನಿಮಾ ಬೇಜಾನ್ ಹೈಪ್ ಕ್ರಿಯೇಟ್ ಮಾಡಿದೆ. ಬಹಳ ಅದ್ಧೂರಿಯಾಗಿ ಸಿನಿಮಾ ಚಿತ್ರೀಕರಣ ನಡೀತಿದೆ. ಈ ವೇಳೆ ಸೆಟ್ ನಿಂದ ಫೋಟೋವೊಂದು ಲೀಕ್ ಆಗಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗ್ತಿದೆ. ಎಸ್, ಈ ಹಿಂದೆ ಸಹ ಟ್ಯಾಕ್ಸಿಕ್ ಸೆಟ್ ನಿಂದ ವಿಡಿಯೋ.. ಫೋಟೋಗಳು ವೈರಲ್ ಆಗಿತ್ತು ಅದರ ಬೆನ್ನಲೇ ಇದೀಗ ಯಶ್ ಹಾಗು ಕಿಯಾರಾ ಜೊತೆಗಿರುವ ಫೋಟೋ ವೈರಲ್ ಆಗ್ತಿದೆ.

ಟಾಕ್ಸಿಕ್ ನಲ್ಲಿದ್ಯಾ ಯಶ್-ಕಿಯಾರಾ ರೋಮ್ಯಾಂಟಿಕ್ ಸೀನ್..?

ಕಿಯಾರಾ ರಾಕಿಭಾಯ್ ರೊಮ್ಯಾನ್ಸ್.. ಟಾಕ್ಸಿಕ್ ಹವಾ

ಹೆಣ್ಣು ಮಗುವಿನ ತಾಯಿಯಾದ ಕಿಯಾರಾ.. ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಅದ್ರಲ್ಲೂ ಟಾಕ್ಸಿಕ್ ನಲ್ಲಿ ಕಿಯಾರಾ ಅಭಿಯಿಸುತ್ತಿದ್ದಾರೆ ಎಂಬ ಅಂತೇ ಕಂತೆಗಳು ಕೇಳಿ ಬರ್ತಿತ್ತು ಆದ್ರೆ ಚಿತ್ರತಂಡದಿಂದ ಅಧಿಕೃತ ಅಪ್ಡೇಟ್ ಹೊರಬಿದಿಲ್ಲ. ಇದೀಗ ಟಾಕ್ಸಿಕ್ ಸೆಟ್ ನಿಂದ ಬಾಲಿವುಡ್ ನಟಿ ಕಿಯಾರಾ ಹಾಗು ಯಶ್ ಜೊತೆಗೆ ನಿಂತಿರುವ ಫೋಟೋ ವೈರಲ್ ಆಗಿದೆ. ಈ ಫೋಟೋ ನೋಡ್ತಿದ್ರೆ ಯಶ್ ಜೊತೆ ಕಿಯಾರಾ ರೋಮ್ಯಾಂಟಿಕ್ ಆಗಿ ಕಾಣಿಸಿಕೊಳ್ಳೋದು ಪಕ್ಕಾ ಅನ್ನಿಸ್ತಿದೆ.

ಅದ್ರಲ್ಲೂ ಟಾಕ್ಸಿಕ್‌ ಸಿನಿಮಾದಲ್ಲಿ ಅಭಿನಯಿಸೋಕೆ ಕಿಯಾರಾ ಅಡ್ವಾಣಿ 15 ಕೋಟಿ ಸಂಭಾವನೆ ಪಡೆದಿದ್ದಾರೆ ಎನ್ನಲಾಗ್ತಿದೆ, ಇದು ಅವರ ವೃತ್ತಿ ಬದುಕಿನಲ್ಲೇ ಅತೀ ದೊಡ್ಡ ಮೊತ್ತವಾಗಿದೆ ಎಂಬ ಟಾಕ್ ಕೂಡ ಕೇಳಿಬಂದಿದೆ. ಇನ್ನು ಟಾಕ್ಸಿಕ್ ಸಿನಿಮಾವನ್ನು ದುಬಾರಿ ಬಜೆಟ್‌ನಲ್ಲಿ ನಿರ್ಮಾಣ ಮಾಡಲಾಗುತ್ತಿದೆ. ಜೊತೆಗೆ ಈ ಸಿನಿಮಾದಲ್ಲಿ ನಯನತಾರಾ, ಕಿಯಾರಾ ಅಡ್ವಾಣಿ, ಹುಮಾ ಖುರೇಷಿ, ತಾರಾ ಸುತಾರಿಯಾ ಮುಂತಾದವರು ನಟಿಸುತ್ತಿರದ್ದಾರೆ.

ಟಾಕ್ಸಿಕ್‌ ಸಿನಿಮಾವು ಕನ್ನಡದ ಜೊತೆ ಏಕಕಾಲಕ್ಕೆ ಇಂಗ್ಲಿಷ್‌ ಭಾಷೆಯಲ್ಲೂ ನಿರ್ಮಾಣಗೊಳ್ಳುತ್ತಿದೆ. ಜೊತೆಗೆ ಹಿಂದಿ, ತೆಲುಗು, ತಮಿಳು ಮತ್ತು ಮಲಯಾಳಂ ಸೇರಿದಂತೆ ಹಲವಾರು ಭಾರತೀಯ ಹಾಗೂ ಅಂತಾರಾಷ್ಟ್ರೀಯ ಭಾಷೆಗಳಲ್ಲಿಯೂ ಬಿಡುಗಡೆಯಾಗಲಿದೆ. ಅಂದುಕೊಂಡ ದಿನದಂದೆ ಅಂದ್ರೆ ಮಾರ್ಚ್ 19, 2026ಕ್ಕೆ ಟಾಕ್ಸಿಕ್ ದರ್ಬಾರ್ ಶುರುವಾಗಲಿದೆ.

ಕೀರ್ತಿ ಪಾಟೀಲ್, ಫಿಲ್ಮ್ ಬ್ಯೂರೋ, ಗ್ಯಾರಂಟಿ ನ್ಯೂಸ್