ಬಿಗ್ ಬಾಸ್ ಕನ್ನಡ ಸೀಸನ್ 12ರಲ್ಲಿ ಈ ವಾರ ಭಾರೀ ಟ್ವಿಸ್ಟ್. ತಾನೇ ಸ್ವಯಂ ಎಲಿಮಿನೇಷನ್ ಮಾಡಿಕೊಂಡು ಹೊರಗೆ ಹೋಗಬೇಕು ಎಂದು ಕ್ಯಾಮೆರಾ ಮುಂದೆ ಕಣ್ಣೀರು ಹಾಕಿ ಬೇಡಿಕೊಂಡಿದ್ದ ನಟ ಧ್ರುವಂತ್ ಅವರೇ ಶನಿವಾರದ ಸಂಚಿಕೆಯಲ್ಲಿ ಎಲ್ಲರಿಗಿಂತ ಮೊದಲು ಸೇಫ್ ಆದರು, “ನನಗೆ ಶೋನಲ್ಲಿ ಇರಲು ಇಷ್ಟವಿಲ್ಲ, ದಯವಿಟ್ಟು ಬಿಟ್ಟುಬಿಡಿ” ಎಂದು ಮನವಿ ಮಾಡಿಕೊಂಡವರನ್ನು ಜನರು ಭರ್ಜರಿ ವೋಟ್ ಹಾಕಿ ಉಳಿಸಿಕೊಂಡಿದ್ದಾರೆ.
ಈ ವಾರ ನಾಮಿನೇಟ್ ಆಗಿದ್ದವರು, ಧ್ರುವಂತ್, ಸೂರಜ್ ಸಿಂಗ್, ರಾಶಿಕಾ ಶೆಟ್ಟಿ, ಮಾಳು ನಿಪನಾಳ, ಕಾವ್ಯಾ ಶೈವ, ಅಭಿಷೇಕ್, ಗಿಲ್ಲಿ ನಟ, ರಕ್ಷಿತಾ ಶೆಟ್ಟಿ, ಸ್ಪಂದನಾ ಒಟ್ಟು 9 ಸ್ಪರ್ಧಿಗಳು.
ಎಲ್ಲರೂ ಧ್ರುವಂತ್ ಈ ವಾರ ಎಲಿಮಿನೇಟ್ ಆಗ್ತಾರೆ ಎಂದುಕೊಂಡಿದ್ದರು. ಆರಂಭದಿಂದಲೂ ಅವರು ಆಟದಲ್ಲಿ ಆಸಕ್ತಿ ತೋರದೇ, ಒಂಟಿಯಾಗಿ ಕೂತು, “ನನ್ನನ್ನು ಕಳಿಸಿಬಿಡಿ” ಎಂದು ಪದೇ ಪದೇ ಹೇಳುತ್ತಿದ್ದರು. ಶನಿವಾರದ ಸಂಚಿಕೆಯಲ್ಲಿ ಬ್ರೇಕ್ ಸಮಯದಲ್ಲಿ ಧ್ರುವಂತ್ ಸ್ವತಃ ಕ್ಯಾಮೆರಾ ಮುಂದೆ ಬಂದು ನಿಂತು, “ದಯವಿಟ್ಟು ನನ್ನನ್ನು ಕಳಿಸಿಕೊಡಿ. ಇಷ್ಟು ದಿನ ಆಗಿರುವುದೇ ಸಾಕು. ನನಗೆ ಇಲ್ಲಿ ಇರಲು ಇಷ್ಟವಿಲ್ಲ” ಎಂದು ಕಣ್ಣೀರು ಹಾಕಿ ಮನವಿ ಮಾಡಿಕೊಂಡರು.
ಆದರೆ ಬ್ರೇಕ್ ಮುಗಿದ ತಕ್ಷಣ ಕಿಚ್ಚ ಸುದೀಪ್ ಅವರು ಮೈಕ್ ಹಿಡಿದು ಘೋಷಿಸಿದರು, “ಧ್ರುವಂತ್.. ಯೂ ಆರ್ ಸೇಫ್” ಪೂರ್ತಿ ಹೌಸ್ ಶಾಕ್. ಧ್ರುವಂತ್ ಅವರ ಮುಖದಲ್ಲಿ ಆಶ್ಚರ್ಯ ಮತ್ತು ನಿರಾಶೆ ಒಟ್ಟಿಗೇ ಕಂಡುಬಂದಿತು.
ಸುದೀಪ್ ಅವರು ತಮ್ಮದೇ ಶೈಲಿಯಲ್ಲಿ ಕ್ಲಾಸ್ ತೆಗೆದುಕೊಂಡರು. “ಧ್ರುವಂತ್, ಇಲ್ಲಿ ಬಂದಿದ್ದು ಲಕ್ಷಾಂತರ ಜನರ ಕನಸು. ನೀನು ಒಳಗೆ ಬಂದಿದ್ದು ದೊಡ್ಡ ಅವಕಾಶ. ಗೆಲುವ ತನಕ ಸೋಲಬೇಡ. ಆಟ ಮುಗಿಯುವ ತನಕ ಆಡು. ಸೆಲ್ಫ್ ಎಲಿಮಿನೇಷನ್ ಎಂಬ ಆಯ್ಕೆ ಇಲ್ಲಿ ಇಲ್ಲ. ನಿಯಮಗಳ ಪ್ರಕಾರಂಭದಲ್ಲಿ ಎಲ್ಲರೂ ಸೈ ಹೇಳಿದ್ದೀರಿ. ಈಗ ಹೊರಗೆ ಹೋಗಲು ಬಯಸಿದರೂ ಅದಕ್ಕೆ ಅವಕಾಶ ಇಲ್ಲ. ಜನರು ನಿನ್ನನ್ನು ಪ್ರೀತಿಸಿ ವೋಟ್ ಹಾಕಿದ್ದಾರೆ. ಅವರ ಬೆಂಬಲಕ್ಕೆ ಗೌರವ ಕೊಡು.”
ಇನ್ನೊಂದು ಎಮೋಷನಲ್ ಮೂಮೆಂಟ್, ಧ್ರುವಂತ್ ಅವರ ತಂದೆಯವರ ಆಡಿಯೋ ಸಂದೇಶವನ್ನು ಪ್ಲೇ ಮಾಡಲಾಯಿತು. “ಮಗೂ, ನೀನು ಯಾವಾಗಲೂ ಯಾವ ಕೆಲಸವನ್ನೂ ಅರ್ಧಕ್ಕೆ ಬಿಟ್ಟು ಬಂದಿಲ್ಲ. ಈಗಲೂ ನಿನ್ನಲ್ಲಿ ಅದೇ ಗುಣ ಇದೆ ಎಂದು ನಂಬಿದ್ದೇನೆ. ನಿನ್ನ ಆಟದ ರೀತಿ ನೋಡಿ ನಮಗೆ ತುಂಬಾ ಹೆಮ್ಮೆ ಆಗುತ್ತಿದೆ. ಮುಂದುವರಿಸು ಬಿಡು” ಎಂದು ತಂದೆಯವರ ಧ್ವನಿ ಕೇಳಿ ಬಂದಿತು. ಈ ಮಾತು ಕೇಳಿ ಧ್ರುವಂತ್ ಅವರ ಕಣ್ಣಂಚಿಗೆ ನೀರು ತುಂಬಿಕೊಂಡಿತು.
ಈಗ ಪ್ರಶ್ನೆ ಒಂದೇ ಧ್ರುವಂತ್ ಮುಂದೆ ಆಟವನ್ನು ಗಂಭೀರವಾಗಿ ಆಡುತ್ತಾರಾ? ಅಥವಾ ಇದೇ ರೀತಿ ಒಂಟಿಯಾಗಿ ಇರುತ್ತಾರಾ? ವೀಕ್ಷಕರ ವೋಟ್ ಅವರನ್ನು ಉಳಿಸಿದೆ. ಆದರೆ ಆಟದಲ್ಲಿ ಸಕ್ರಿಯವಾಗದಿದ್ದರೆ ಮುಂದಿನ ವಾರಗಳಲ್ಲಿ ಏನಾಗುತ್ತದೆ ಎಂಬುದು ಕುತೂಹಲ.