ಬಿಗ್ ಬಾಸ್ ಕನ್ನಡ ಸೀಸನ್ 12 ಈಗ ಮುಗಿಯುವ ಹಂತಕ್ಕೆ ಬಂದು ನಿಂತಿದೆ. ಮತ್ತೊಂದು ವೀಕೆಂಡ್ ಎಪಿಸೋಡ್ನಲ್ಲಿ ಮನೆಯಲ್ಲಿ ಕಿಚ್ಚನ ಪಂಚಾಯ್ತಿ ಭರ್ಜರಿಯಾಗಿ ನಡೆಯಿತು. ಈ ವಾರ ಧ್ರುವಂತ್ ಮತ್ತು ಅಶ್ವಿನಿ ಗೌಡ ಅವರಿಗೆ ಕಿಚ್ಚನ ಚಪ್ಪಾಳೆ ಸಿಕ್ಕಿದ್ದು ಎಲ್ಲರ ಗಮನ ಸೆಳೆದಿದೆ. ಆದರೆ ಇದು ಗಿಲ್ಲಿ ನಟ ಅಭಿಮಾನಿಗಳಿಗೆ ದೊಡ್ಡ ಏಟು ತಾಗಿದೆ. ಸೋಷಿಯಲ್ ಮೀಡಿಯಾದಲ್ಲಿ ಇದೀಗ ಟ್ರೆಂಡ್ ಆಗುತ್ತಿದೆ. “ಗಿಲ್ಲಿಗೂ ಚಪ್ಪಾಳೆ ಸಿಗಬೇಕಿತ್ತು”
ಸುದೀಪ್ ಅವರು ಈ ವಾರದ ಆಟವನ್ನು ವಿಶ್ಲೇಷಿಸಿ, ಹುಲಿ, ಸಿಂಹ ಮತ್ತು ಕತ್ತೆಯ ಕಥೆ ಹೇಳಿ ಸ್ಪರ್ಧಿಗಳನ್ನು ತಿದ್ದಿ ಬುದ್ಧಿ ಹೇಳಿದರು. ನಾಮಿನೇಷನ್ ಪ್ರಕ್ರಿಯೆಯ ಬಗ್ಗೆ ರಕ್ಷಿತಾ ಶೆಟ್ಟಿ ಮತ್ತು ರಾಶಿಕಾ ಶೆಟ್ಟಿ ಅವರಿಗೆ ಕಿಚ್ಚನ ಮಾತಿನ ಚಾಟಿ ಬೀಸಿದರು. ಎಲಿಮಿನೇಷನ್ ಭಯವನ್ನು ಮನೆಯಲ್ಲಿ ಹುಟ್ಟಿಸಿದರು.
ಈ ವಾರ ಕಿಚ್ಚನ ಚಪ್ಪಾಳೆಗೆ ಅರ್ಹರು ಎಂದು ಪ್ರಶಂಸಿಸಲ್ಪಟ್ಟವರು ಧ್ರುವಂತ್ ಮತ್ತು ಅಶ್ವಿನಿ. ಅಶ್ವಿನಿ ಆರಂಭದಲ್ಲಿ ಎಡವಿದರೂ ನಂತರ ಛಲ, ಫೋಕಸ್ ಮತ್ತು ತಾಳ್ಮೆಯಿಂದ ಆಡಿ ಯಶಸ್ಸು ಕಂಡರು. ಸುದೀಪ್ ಅವರನ್ನು ಒಪ್ಪಿಕೊಂಡು ಕೊಂಡಾಡಿದರು. ಧ್ರುವಂತ್ ಆರಂಭದಲ್ಲಿ ಆಟ ಅರ್ಥ ಮಾಡಿಕೊಳ್ಳಲು ಹೆಣಗಾಡಿದರೂ ಎರಡೇ ವಾರಕ್ಕೆ ಹೊರಬರುತ್ತಾರೆ ಎಂದು ಭಾವಿಸಲಾಗಿತ್ತು. ಆದರೆ ಫಿನಾಲೆಯವರೆಗೂ ಉಳಿದುಕೊಂಡು ಬಂದರು. ಇಡೀ ಸೀಸನ್ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ್ದಕ್ಕೆ ಧ್ರುವಂತ್ಗೆ ವಿಶೇಷ ಚಪ್ಪಾಳೆ ಸಿಕ್ಕಿದೆ.
ಇದು ಬಿಗ್ ಬಾಸ್ ಕನ್ನಡದ 12 ಸೀಸನ್ಗಳಲ್ಲಿ ಮೊದಲ ಬಾರಿಗೆ ಇಡೀ ಸೀಸನ್ನ ಅತ್ಯುತ್ತಮ ಪ್ರದರ್ಶನಕ್ಕೆ ಕಿಚ್ಚನ ಚಪ್ಪಾಳೆ ನೀಡಿದ ಘಟನೆ. ಆದರೆ ಗಿಲ್ಲಿ ನಟ ಅಭಿಮಾನಿಗಳು ಇದನ್ನು ಸ್ವೀಕರಿಸಲು ಸಿದ್ಧರಿಲ್ಲ. “ಧ್ರುವಂತ್ಗೆ ಏನು ಪ್ರತ್ಯೇಕತೆ? ಗಿಲ್ಲಿಗೆ ಕೊಡಬೇಕಿತ್ತು” ಎಂದು ಸೋಷಿಯಲ್ ಮೀಡಿಯಾದಲ್ಲಿ ಚರ್ಚೆ ತೀವ್ರವಾಗಿದೆ. “ಇಡೀ ಕರ್ನಾಟಕದ ಚಪ್ಪಾಳೆ ಗಿಲ್ಲಿಗೆ ಸಿಕ್ಕಿದೆ, ಇದಕ್ಕಿಂತ ದೊಡ್ಡದೇನು ಬೇಕು?” ಎಂಬ ಕಾಮೆಂಟ್ಗಳು ಟ್ರೆಂಡ್ ಆಗಿವೆ. ಕೆಲವರು “ಗಿಲ್ಲಿ ವಿನ್ನರ್ ಆಗುತ್ತಾರೆ, ಟ್ರೋಫಿ ಸಿಗೋವಾಗ ಚಪ್ಪಾಳೆ ದೊಡ್ಡ ವಿಷಯವಲ್ಲ” ಎಂದು ಪ್ರತಿಕ್ರಿಯಿಸುತ್ತಿದ್ದಾರೆ.
ಮನೆಯಲ್ಲಿ ಸದ್ಯ 8 ಮಂದಿ ಉಳಿದುಕೊಂಡಿದ್ದಾರೆ. ಈ ವೀಕೆಂಡ್ ಒಬ್ಬರು ಎಲಿಮಿನೇಟ್ ಆಗಲಿದ್ದಾರೆ. ಮುಂದಿನ ವಾರದಲ್ಲಿ ಮತ್ತೊಬ್ಬರು ಹೊರಬರುವ ಸಾಧ್ಯತೆಯಿದೆ. ಫೈನಾಲೆಗೆ 6 ಜನ ತಲುಪಲಿದ್ದಾರೆ. ಧನುಷ್ ಈಗಾಗಲೇ ಫಿನಾಲೆ ಟಿಕೆಟ್ ಪಡೆದಿದ್ದಾರೆ. ಗಿಲ್ಲಿ “ನಾನೇ ಮೊದಲು ಫಿನಾಲೆಗೆ ಹೋಗಬೇಕಿತ್ತು” ಎಂದು ಹೇಳಿದ್ದಾರೆ. ಧನುಷ್ ಫಿನಾಲೆಗೆ ಹೋದುದು ತನಗೆ ಇಷ್ಟವಾಗಲಿಲ್ಲ ಎಂದು ತಿಳಿಸಿದ್ದಾರೆ. ಕಾವ್ಯಾ ಮತ್ತು ಇತರರಲ್ಲಿ ಯಾರು ಸೇಫ್ ಆಗಬೇಕು ಎಂಬ ಸುದೀಪ್ ಪ್ರಶ್ನೆಗೆ ಗಿಲ್ಲಿ “ನಾನು” ಎಂದು ಹೇಳಿದರು. ರಕ್ಷಿತಾ ಕೂಡ ಇದೇ ಮಾತು ಹೇಳಿದರು. ಸುದೀಪ್ “ಮನೆಯಲ್ಲಿ ಸಂಬಂಧಗಳು ಬೇಡ” ಎಂದು ಸಲಹೆ ನೀಡಿದರು.