ಬಿಗ್ ಬಾಸ್ ಕನ್ನಡ ಸೀಸನ್ 12ರಲ್ಲಿ ತನ್ನ ಧೈರ್ಯ, ಆಟ ಮತ್ತು ಒಂಟಿ ಹೋರಾಟದಿಂದ ಗಮನ ಸೆಳೆದ ಧ್ರುವಂತ್ ಮನೆಯಿಂದ ಹೊರಬಂದ ನಂತರ ತನ್ನ ಲುಕ್ನಲ್ಲಿ ಭರ್ಜರಿ ಬದಲಾವಣೆ ಮಾಡಿಕೊಂಡಿದ್ದಾರೆ. ಮನೆಯಲ್ಲಿ ಉದ್ದದ ತಲೆಕೂದಲು ಬಿಟ್ಟು, ಆಗಾಗ ಜುಟ್ಟು ಕಟ್ಟಿಕೊಂಡು ಓಡಾಡುತ್ತಿದ್ದ ಧ್ರುವಂತ್ ಈಗ ಶಾರ್ಟ್ ಹೇರ್ಸ್ಟೈಲ್ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಮಿಡ್-ವೀಕ್ ಎಲಿಮಿನೇಶನ್ನ ನಂತರ ಹೊರಬಂದ ಧ್ರುವಂತ್ ಮೊದಲು ಮಾಡಿದ ಕೆಲಸವೇ ಹೇರ್ಕಟ್. ಫಿನಾಲೆ ವೀಕ್ನಲ್ಲಿ ಹೇರ್ಕಟ್ ಮಾಡಿಸಿಕೊಳ್ಳುವ ಪ್ಲಾನ್ ಇದ್ದರೂ, ಮಿಡ್-ವೀಕ್ನಲ್ಲೇ ಮನೆಯಿಂದ ಹೊರಬಂದ ಅವರು ತಕ್ಷಣ ಸಲೂನ್ಗೆ ತೆರಳಿ ಹೊಸ ಲುಕ್ ಪಡೆದಿದ್ದಾರೆ. ಸಲೂನ್ನಲ್ಲಿ ಫೋಟೋಕ್ಕೆ ಪೋಸ್ ನೀಡಿರುವ ವಿಡಿಯೋವನ್ನು ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಮಾಡಿರುವ ಅವರು ಕ್ಯಾಪ್ಷನ್ನಲ್ಲಿ ಬರೆದಿದ್ದಾರೆ. “ಇದು ಅಂತ್ಯವಲ್ಲ..ಇದು ಆರಂಭ”
ಅಭಿಮಾನಿಗಳು ಈ ಹೊಸ ಲುಕ್ಗೆ ಭರ್ಜರಿ ರೆಸ್ಪಾನ್ಸ್ ಕೊಟ್ಟಿದ್ದು, “ಬಿಗ್ ಬಾಸ್ಗೆ ಈ ಲುಕ್ನಲ್ಲೇ ಎಂಟ್ರಿ ಕೊಡಬೇಕಿತ್ತು”, “ಸೂಪರ್ ಹ್ಯಾಂಡ್ಸಮ್”, “ಫ್ರೆಶ್ ಲುಕ್ ಸೂಪರ್” ಎಂದು ಕಾಮೆಂಟ್ ಮಾಡುತ್ತಿದ್ದಾರೆ.
ಧ್ರುವಂತ್ರ ಆಟದ ಸಂಕ್ಷಿಪ್ತ ನೋಟ ನೋಡಿದರೆ. ಒಂಟಿಯಾಗಿ ಎಂಟ್ರಿ ನೀಡಿ ಒಂಟಿಯಾಗಿಯೇ ಆಟ ಆಡಿದರು ಧ್ರುವಂತ್. ಸೀಕ್ರೆಟ್ ರೂಮ್ನಲ್ಲಿ ಕೆಲ ದಿನಗಳ ಕಾಲ ಇದ್ದರು. ನಂತರ ಮಲ್ಲಮ್ಮನ ಜೊತೆ ಆರಂಭದಲ್ಲಿ ಹೆಚ್ಚು ಕಾಣಿಸಿಕೊಂಡರು. ರಕ್ಷಿತಾ ಜೊತೆ ಜಗಳ, ನಂತರ ಅಶ್ವಿನಿ ಜೊತೆ ಹತ್ತಿರವಾದರು. ಫಿನಾಲೆ ವೀಕ್ಗೆ ಎಂಟ್ರಿ ನೀಡಿದ್ದರೂ ಮಿಡ್-ವೀಕ್ನಲ್ಲಿ ಎಲಿಮಿನೇಟ್ ಆದ ಧ್ರುವಂತ್.
ಕಿಚ್ಚನ ಚಪ್ಪಾಳೆ–ಧ್ರುವಂತ್ರ ಆಸೆ ಈಡೇರಿಕೆ ಇಡೀ ಸೀಸನ್ನಲ್ಲಿ ಕಿಚ್ಚ ಸುದೀಪ್ ಅವರ ಚಪ್ಪಾಳೆಗೆ ಧ್ರುವಂತ್ ತುಂಬಾ ಆಸೆಪಟ್ಟಿದ್ದರು. 15ನೇ ವಾರದಲ್ಲಿ ಇದಕ್ಕಾಗಿ ನೊಂದುಕೊಂಡಿದ್ದರು. ಆದರೆ ಕೊನೆಗೂ ಫಿನಾಲೆ ವೀಕ್ನಲ್ಲಿ ಕಿಚ್ಚ ಸುದೀಪ್ ಅವರು ಧ್ರುವಂತ್ ಅವರನ್ನು “ಇಡೀ ಸೀಸನ್ನ ಅತ್ಯುತ್ತಮ ಆಟಗಾರ” ಎಂದು ಹೊಗಳಿ, ಚಪ್ಪಾಳೆ ನೀಡಿದ್ದಲ್ಲದೆ ಸ್ಪೆಷಲ್ ಗಿಫ್ಟ್ ಕೂಡ ನೀಡಿದ್ದರು. ಈ ಮಾತುಗಳು ಧ್ರುವಂತ್ಗೆ ಡಬಲ್ ಕಾನ್ಫಿಡೆನ್ಸ್ ನೀಡಿದ್ದವು.
ಈಗ ಹೊಸ ಲುಕ್ನೊಂದಿಗೆ ಹೊಸ ಆರಂಭಕ್ಕೆ ಸಿದ್ಧರಾಗಿರುವ ಧ್ರುವಂತ್ ಮುಂದಿನ ದಿನಗಳಲ್ಲಿ ಯಾವ ಪ್ರಾಜೆಕ್ಟ್ಗಳೊಂದಿಗೆ ಕಾಣಿಸಿಕೊಳ್ಳುತ್ತಾರೋ ಎಂಬುದು ಕುತೂಹಲಕ್ಕೆ ಕಾರಣವಾಗಿದೆ.