ಇಂದಿನ ಪಂಚಾಂಗ ವಿಶೇಷ
ಫಾಲ್ಗುಣ ಮಾಸ, ಶುಕ್ಲ ಪಕ್ಷ, ತಿಥಿ: ಪ್ರತಿಪತ್ , ನಕ್ಷತ್ರ: ಶತಭಿಷಾ, ಸೂರ್ಯೋದಯ: 06:47 am, ಸೂರ್ಯಾಸ್ತ: 06:28 pm, ರಾಹುಕಾಲ: 12:38 – 14:06 (ಈ ಸಮಯದಲ್ಲಿ ಶುಭ ಕಾರ್ಯಗಳು ಬೇಡ)
ಮೇಷ ರಾಶಿ: ಬರಬೇಕಾದ ಬಾಕಿ ಹಣದ ಬಗ್ಗೆ ಅತೀವ ಚಿಂತೆ ಕಾಡಬಹುದು. ನೀವು ಎಷ್ಟೇ ದೊಡ್ಡ ಸಮಸ್ಯೆಯನ್ನಾದರೂ ಚಾಣಾಕ್ಷತನದಿಂದ ಯಾರಿಗೂ ತಿಳಿಯದಂತೆ ಬಗೆಹರಿಸುವ ಕಲೆ ನಿಮ್ಮಲ್ಲಿದೆ. ಬೇರೆಯವರಿಂದ ಶ್ಲಾಘನೆ ಸಿಗದಿದ್ದಾಗ ಆತ್ಮಪ್ರಶಂಸೆ ಮಾಡಿಕೊಳ್ಳುವಿರಿ. ಗೌಪ್ಯತೆ ಕಾಪಾಡುವುದರಲ್ಲಿ ನೀವು ಸೈ ಎನಿಸಿಕೊಳ್ಳುವಿರಿ.
ವೃಷಭ ರಾಶಿ: ಇಂದು ಕಾರ್ಯಕ್ಷಮತೆಯ ಕಡೆಗೆ ಹೆಚ್ಚಿನ ಗಮನ ಹರಿಸುವುದು ಉತ್ತಮ. ಆಮದು-ರಫ್ತು ವ್ಯವಹಾರಗಳಲ್ಲಿ ಸಣ್ಣಪುಟ್ಟ ಅಡೆತಡೆಗಳು ಎದುರಾಗಬಹುದು. ಸುಲಭವಾಗಿ ಮುಗಿಯುವ ಕೆಲಸಗಳನ್ನು ನೀವೇ ಸಂಕೀರ್ಣಗೊಳಿಸಿಕೊಳ್ಳಬೇಡಿ. ನಿಮ್ಮ ಬೆಲೆಬಾಳುವ ವಸ್ತುಗಳ ಬಗ್ಗೆ ಎಚ್ಚರವಿರಲಿ, ಕಳೆದುಹೋಗುವ ಸಂಭವವಿದೆ. ಬೆನ್ನು ನೋವಿನಂತಹ ಆರೋಗ್ಯ ಸಮಸ್ಯೆ ಕಾಡಬಹುದು.
ಮಿಥುನ ರಾಶಿ: ಲೆಕ್ಕಪತ್ರ ವ್ಯವಹಾರಗಳಲ್ಲಿ ನಿಖರತೆಯನ್ನು ಕಾಪಾಡಿಕೊಳ್ಳುವಿರಿ. ದಾಂಪತ್ಯದಲ್ಲಿನ ಮುನಿಸು ದೂರವಾಗಿ ಮನೆಯಲ್ಲಿ ಸಂತಸದ ವಾತಾವರಣ ನೆಲೆಸಲಿದೆ. ನಿಮ್ಮ ದಕ್ಷತೆಯಿಂದಾಗಿ ನಿಮ್ಮ ಕೆಳಗಿನ ನೌಕರರಿಗೆ ಭಡ್ತಿ ಸಿಗುವ ಸಾಧ್ಯತೆಯಿದೆ. ಅಸಾಧ್ಯವಾದ ಗುರಿಗಳ ಹಿಂದೆ ಬಿದ್ದು ಸಮಯ ವ್ಯರ್ಥ ಮಾಡಬೇಡಿ.
ಕರ್ಕಾಟಕ ರಾಶಿ: ಸಂಗಾತಿಯ ಉದ್ಯೋಗಕ್ಕಾಗಿ ಇಂದು ಸಾಕಷ್ಟು ಅಲೆದಾಟ ನಡೆಸುವಿರಿ. ನಿಮ್ಮ ಬಳಿ ಸಂಪನ್ಮೂಲಗಳಿದ್ದರೂ ಪರರ ಸೊತ್ತಿನ ಮೇಲೆ ಆಸೆ ಪಡುವುದು ಸರಿಯಲ್ಲ. ಪ್ರಭಾವಿ ವ್ಯಕ್ತಿಗಳ ಪರಿಚಯವಾಗಲಿದೆ. ಇಷ್ಟವಿಲ್ಲದಿದ್ದರೂ ಕೆಲವು ಕೆಲಸಗಳನ್ನು ಅನಿವಾರ್ಯವಾಗಿ ಮಾಡಬೇಕಾದ ಪರಿಸ್ಥಿತಿ ಬರಬಹುದು.
ಸಿಂಹ ರಾಶಿ: ನಿಮ್ಮ ಸಕಾರಾತ್ಮಕ ಆಲೋಚನೆಗಳಿಗೆ ಇಂದು ಉತ್ತಮ ಬೆಂಬಲ ಸಿಗಲಿದೆ. ಆದರೆ ಕಚೇರಿಯ ಒತ್ತಡ ಮನೆಯ ನೆಮ್ಮದಿಯನ್ನು ಕೆಡಿಸಬಹುದು. ಹಳೆಯ ಸ್ನೇಹಿತರ ಭೇಟಿ ಮನಸ್ಸಿಗೆ ಹೊಸ ಚೈತನ್ಯ ನೀಡಲಿದೆ. ಅತಿಯಾದ ಕೆಲಸದ ಆಯಾಸದಿಂದ ಆರೋಗ್ಯದಲ್ಲಿ ಏರುಪೇರಾಗಬಹುದು, ವಿಶ್ರಾಂತಿಗೆ ಆದ್ಯತೆ ನೀಡಿ.
ಕನ್ಯಾ ರಾಶಿ: ಪಾಲುದಾರಿಕೆ ವ್ಯವಹಾರಗಳಲ್ಲಿ ಹೊಸಬರ ಸೇರ್ಪಡೆಯಾಗುವ ಸಾಧ್ಯತೆ ಇದೆ. ಕುಟುಂಬದ ಸದಸ್ಯರೊಂದಿಗೆ, ವಿಶೇಷವಾಗಿ ಸಹೋದರಿಯರ ಜೊತೆ ಭಿನ್ನಾಭಿಪ್ರಾಯ ಮೂಡಬಹುದು. ದುರಭ್ಯಾಸಗಳಿಗೆ ಬಲಿಯಾಗದಂತೆ ಎಚ್ಚರವಹಿಸಿ. ಆಸ್ತಿ ವಿಚಾರದಲ್ಲಿ ಜಗಳಗಳು ತಾರಕಕ್ಕೇರಬಹುದು, ತಾಳ್ಮೆಯಿಂದಿರಿ.
ತುಲಾ ರಾಶಿ: ದಾಂಪತ್ಯ ಸುಖಕ್ಕಾಗಿ ಇಂದು ಮೌನವಾಗಿರುವುದೇ ಲೇಸು. ಗಿಡಮರಗಳನ್ನು ನೆಡುವಂತಹ ಪರಿಸರ ಸ್ನೇಹಿ ಕಾರ್ಯಗಳಲ್ಲಿ ತೊಡಗುವಿರಿ. ನಿಮ್ಮ ಸ್ವಭಾವಕ್ಕೆ ತಕ್ಕ ವ್ಯಕ್ತಿಯ ಗೆಳೆತನ ದೊರೆಯಲಿದೆ. ಉದ್ಯಮಿಗಳಿಗೆ ನಿರೀಕ್ಷಿತ ಲಾಭ ಸಿಗುವುದು ಕೊಂಚ ಕಷ್ಟವಾಗಬಹುದು. ಸ್ತ್ರೀಯರೊಂದಿಗೆ ವ್ಯವಹಾರ ಮಾಡುವಾಗ ಜಾಗರೂಕರಾಗಿರಿ.
ವೃಶ್ಚಿಕ ರಾಶಿ: ದಿನವಿಡೀ ಕಠಿಣ ಪರಿಶ್ರಮ ಪಟ್ಟರೂ ಫಲಿತಾಂಶವು ದಿನದ ಅಂತ್ಯಕ್ಕೆ ಸಿಗಲಿದೆ. ಉದ್ಯೋಗ ಬದಲಾವಣೆಯ ಯೋಚನೆ ಇರುವವರಿಗೆ ಇಂದು ಗೊಂದಲದ ದಿನ. ದಾಂಪತ್ಯದಲ್ಲಿ ಅನುಮಾನ ಮೂಡದಂತೆ ನೋಡಿಕೊಳ್ಳಿ. ಖಾಸಗಿ ಸಂಸ್ಥೆಗಳಲ್ಲಿ ಉದ್ಯೋಗ ಹುಡುಕುತ್ತಿರುವವರಿಗೆ ಸಕಾರಾತ್ಮಕ ಸ್ಪಂದನೆ ಸಿಗಬಹುದು.
ಧನು ರಾಶಿ: ನಿಮ್ಮ ಹಳೆಯ ಮನೆಯನ್ನು ನವೀಕರಿಸುವ ಆಲೋಚನೆ ಮಾಡುವಿರಿ. ಕೆಲವು ಆಪ್ತರ ನಿಜ ಬಣ್ಣ ಇಂದು ಬಯಲಾಗಬಹುದು. ಕೊಟ್ಟ ಮಾತನ್ನು ಉಳಿಸಿಕೊಳ್ಳಲು ಹೆಣಗಾಡಬೇಕಾದೀತು. ವಾಹನ ಸಂಚಾರದಲ್ಲಿ ಅಡೆತಡೆಗಳು ಎದುರಾಗಬಹುದು. ದೈಹಿಕ ಶ್ರಮ ಹೆಚ್ಚಿದ್ದರೂ ಹಣಕಾಸಿನ ಲಾಭ ಸಮಾಧಾನ ತರಲಿದೆ.
ಮಕರ ರಾಶಿ: ಪ್ರಯಾಣದ ವೇಳೆ ಅನಿರೀಕ್ಷಿತವಾಗಿ ಹಳೆಯ ಬಂಧುಗಳ ಭೇಟಿಯಾಗಲಿದೆ. ಮದುವೆ ಮಾತುಕತೆಗಳು ಸಫಲವಾಗುವ ಮುನ್ಸೂಚನೆ ಇದೆ. ನಿಮ್ಮ ಒಳ್ಳೆಯತನವನ್ನು ದುರುಪಯೋಗಪಡಿಸಿಕೊಳ್ಳುವವರು ಇರುತ್ತಾರೆ, ಎಚ್ಚರ. ಜವಾಬ್ದಾರಿಗಳು ಹೆಚ್ಚಾಗುವುದರಿಂದ ಹಣದ ವ್ಯರ್ಥವಾಗದಂತೆ ನೋಡಿಕೊಳ್ಳಿ.
ಕುಂಭ ರಾಶಿ: ಜವಾಬ್ದಾರಿಗಳಿಂದ ದೂರವಿರಲು ಬಯಸುವಿರಿ. ಸ್ನೇಹಿತರ ಸಕಾಲಿಕ ಸಹಾಯವನ್ನು ಮರೆಯಬೇಡಿ. ವಿದೇಶದಿಂದ ತಾಯ್ನಾಡಿಗೆ ಮರಳುವ ಚಿಂತನೆ ನಡೆಸುವಿರಿ. ಅತಿಯಾದ ಪರಾವಲಂಬನೆ ನಿಮ್ಮ ಸ್ವಾಭಿಮಾನಕ್ಕೆ ಧಕ್ಕೆ ತರಬಹುದು. ಪ್ರಯಾಣದ ವೇಳೆ ಆರೋಗ್ಯದ ಕಡೆ ಗಮನವಿರಲಿ.
ಮೀನ ರಾಶಿ: ಉದ್ಯಮಿಗಳಿಗೆ ಇಂದು ಆರ್ಥಿಕ ನಷ್ಟದ ಭೀತಿ ಇದೆ. ಕುಟುಂಬ ಮತ್ತು ಪ್ರೀತಿಯ ನಡುವೆ ಸಮತೋಲನ ಕಾಯ್ದುಕೊಳ್ಳುವುದು ಸವಾಲಾಗಲಿದೆ. ಕಾನೂನಾತ್ಮಕವಾಗಿ ವ್ಯವಹಾರ ನಡೆಸುವುದು ಉತ್ತಮ. ಆದಾಯದ ಮೂಲಗಳನ್ನು ಭದ್ರಪಡಿಸಿಕೊಳ್ಳಿ. ಹಣಕಾಸಿನ ವಿಚಾರದಲ್ಲಿ ಪಾರದರ್ಶಕತೆ ಇರಲಿ.
