ಹೊಸ ವರ್ಷದ ಆರಂಭಿಕ ತಿಂಗಳು ಮುಗಿಯುತ್ತಾ ಬಂದಂತೆ, ಗ್ರಹಗತಿಗಳ ಬದಲಾವಣೆ ನಮ್ಮ ಜೀವನದ ಮೇಲೆ ಗಾಢ ಪ್ರಭಾವ ಬೀರುತ್ತವೆ. 2026ರ ಜನವರಿ 25, ಭಾನುವಾರದಂದು ನಿಮ್ಮ ರಾಶಿಗೆ ಶುಭವಾಗಲಿದೆಯೇ ? ಎಂಬುದರೊಂದಿಗೆ ಇಂದಿನ ಪಂಚಾಂಗದ ಜೊತೆಗೆ ಸಂಪೂರ್ಣ ದಿನ ಭವಿಷ್ಯ ಇಲ್ಲಿದೆ.
ಮೇಷ ರಾಶಿ: ಇಂದು ನೀವು ಅಂದುಕೊಂಡ ದಿಕ್ಕಿನಲ್ಲಿ ಸಾಗಿದರೆ ಯಶಸ್ಸು ಖಚಿತ. ಹೊಸ ಅನ್ವೇಷಣೆಗಳ ಬಗ್ಗೆ ಕುತೂಹಲ ಮೂಡಲಿದೆ. ಆದರೆ, ಮನಸ್ಸಿನಲ್ಲಿ ಅನಗತ್ಯ ಅಪನಂಬಿಕೆ, ಭಯ ಬೇಡ. ನಿಮ್ಮ ಕೆಲಸಗಳು ಇತರರ ಸಹಾಯದಿಂದ ಸುಗಮವಾಗಿ ಸಾಗಲಿವೆ.
ವೃಷಭ ರಾಶಿ: ಮೌನವಾಗಿದ್ದರೆ ಯಶಸ್ಸು ನಿಮ್ಮತ್ತ ಬರದು, ಸಂವಹನ ಮುಖ್ಯ. ಸಂಗಾತಿಯ ನಿರೀಕ್ಷೆಗಳು ಇಂದು ಹುಸಿಯಾಗಬಹುದು. ಆಲಸ್ಯದಿಂದ ದೂರವಿರಿ, ಇದು ನಿಮ್ಮ ಸಾಮರ್ಥ್ಯ ಕುಂದಿಸಬಹುದು. ಮಕ್ಕಳ ಆಸೆಗಳನ್ನು ಪೂರೈಸುವಿರಿ. ಸಣ್ಣ ವಿಷಯಗಳಿಗೆ ಸಿಟ್ಟಾಗುವುದನ್ನು ಬಿಟ್ಟರೆ ದಿನವು ಸುಖಮಯವಾಗಿರಲಿದೆ.
ಮಿಥುನ ರಾಶಿ: ನಕಾರಾತ್ಮಕ ಯೋಚನೆಗಳನ್ನು ಬಿಟ್ಟು ಸಕಾರಾತ್ಮಕವಾಗಿರಿ. ಸಾಲ ತೀರಿಸಲು ಉತ್ತಮ ಯೋಜನೆ ರೂಪಿಸಿ. ವಿವಾಹ ಅಥವಾ ಆಸ್ತಿ ವ್ಯವಹಾರಗಳಲ್ಲಿ ದುಡುಕಿ ನಿರ್ಧಾರ ತೆಗೆದುಕೊಳ್ಳಬೇಡಿ. ಇಂದು ಇತರರ ವಿಷಯಗಳಲ್ಲಿ ಭಾಗಿಯಾಗದೆ ನಿಮ್ಮ ಕೆಲಸದಲ್ಲಿ ಮಗ್ನರಾಗಿರುವುದು ಒಳಿತು.
ಕರ್ಕಾಟಕ ರಾಶಿ: ಹಣಕಾಸಿನ ವಿಚಾರದಲ್ಲಿ ಸಹೋದರರೊಂದಿಗೆ ಭಿನ್ನಾಭಿಪ್ರಾಯ ಮೂಡಬಹುದು. ಆದರೆ, ವ್ಯಾಪಾರಸ್ಥ ಮಹಿಳೆಯರಿಗೆ ಇಂದು ಲಾಭದಾಯಕ ದಿನ. ಮದುವೆಯ ಪ್ರಸ್ತಾಪಗಳು ಬಂದರೆ ನಿರ್ಲಕ್ಷಿಸಬೇಡಿ. ಸಮಯ ಪ್ರಜ್ಞೆಯಿಂದ, ಕಡಿಮೆ ಶ್ರಮದಲ್ಲಿ ಇಂದು ಹೆಚ್ಚು ಲಾಭ ಗಳಿಸುವಿರಿ.
ಸಿಂಹ ರಾಶಿ: ಸಾಹಿತ್ಯ ಮತ್ತು ಕಲಾ ಕ್ಷೇತ್ರದಲ್ಲಿರುವವರಿಗೆ ಗೌರವ ಸಿಗಲಿದೆ. ಹೊಸ ಮನೆ ಖರೀದಿಯ ಬಗ್ಗೆ ಚರ್ಚೆಗಳು ನಡೆಯಲಿವೆ. ಮಾತು ನಿಮ್ಮ ಆದಾಯದ ಮೂಲವಾಗಲಿದೆ. ಆದರೆ, ಸಂಗಾತಿ ಮತ್ತು ಮಕ್ಕಳ ವಿಚಾರದಲ್ಲಿ ಸ್ವಲ್ಪ ಅಸಮಾಧಾನ ಇರಬಹುದು. ಸಭ್ಯತೆಯಿಂದ ವರ್ತಿಸಿ ಸಮಸ್ಯೆಗಳನ್ನು ಬಗೆಹರಿಸಿಕೊಳ್ಳಿ.
ಕನ್ಯಾ ರಾಶಿ: ಕೋಪವನ್ನು ನಿಯಂತ್ರಿಸುವುದು ಇಂದಿನ ತುರ್ತು ಅಗತ್ಯ. ಹತಾಶೆ ಕಾಡಿದರೆ ಅಧ್ಯಾತ್ಮದ ಕಡೆ ಮನಸ್ಸು ಹರಿಸುವುದು ಉತ್ತಮ. ಆರೋಗ್ಯದ ಬಗ್ಗೆ ಅತಿಯಾದ ಚಿಂತೆ ಬೇಡ. ಆಸ್ತಿ ವಿಚಾರದಲ್ಲಿ ನೆರೆಹೊರೆಯವರೊಂದಿಗೆ ಜಗಳವಾಗುವ ಸಾಧ್ಯತೆ ಇದೆ, ತಾಳ್ಮೆಯಿಂದಿರಿ.
ತುಲಾ ರಾಶಿ: ಹಣ ಹೂಡಿಕೆ ಮಾಡುವ ಮೊದಲು ಎಚ್ಚರಿಕೆ ಇರಲಿ. ಉದ್ಯೋಗದಲ್ಲಿ ಒತ್ತಡವಿದ್ದರೂ ಸಹೋದ್ಯೋಗಿಗಳ ಸಹಾಯ ಸಿಗಲಿದೆ. ಹಿರಿಯರೊಂದಿಗೆ ಕಾಲ ಕಳೆಯುವುದರಿಂದ ಮಾನಸಿಕ ನೆಮ್ಮದಿ ಮತ್ತು ಉಪಯುಕ್ತ ಸಲಹೆಗಳು ದೊರೆಯಲಿವೆ. ಹಠಾತ್ ನಿರ್ಧಾರಗಳು ಬೇಡ.
ವೃಶ್ಚಿಕ ರಾಶಿ: ಸೋಲನ್ನು ಸವಾಲಾಗಿ ಸ್ವೀಕರಿಸುವ ಶಕ್ತಿ ನಿಮ್ಮದಾಗಲಿದೆ. ಕುಟುಂಬದವರೊಂದಿಗೆ ಪಾರದರ್ಶಕವಾಗಿರಿ. ತಾಯಿಯ ಆರೋಗ್ಯದ ಬಗ್ಗೆ ಗಮನವಿರಲಿ. ನೂತನ ಉದ್ಯಮಕ್ಕೆ ಆದ್ಯತೆ ನೀಡುವಿರಿ. ವಾಹನ ಚಾಲನೆಯಲ್ಲಿ ಜಾಗರೂಕರಾಗಿರಿ, ಖರ್ಚು ಹೆಚ್ಚಾಗುವ ಸಂಭವವಿದೆ.
ಧನು ರಾಶಿ: ವ್ಯಾವಹಾರಿಕ ಚತುರತೆಯಿಂದ ಲಾಭ ಪಡೆಯುವಿರಿ. ಹಳೆಯ ಗುರುಗಳು ಅಥವಾ ಸ್ನೇಹಿತರ ಭೇಟಿಯಾಗುವ ಸಾಧ್ಯತೆ ಇದೆ. ಆಸ್ತಿ ಖರೀದಿ ವಿಚಾರದಲ್ಲಿ ಧೈರ್ಯ ಬೇಕಾಗಬಹುದು. ಇಂದು ಆರ್ಥಿಕವಾಗಿ ಇತರರ ಸಹಾಯದ ಮೊರೆ ಹೋಗಬೇಕಾದ ಸಂದರ್ಭ ಬರಬಹುದು.
ಮಕರ ರಾಶಿ: ನಿಮ್ಮ ಶ್ರಮಕ್ಕೆ ಕುಟುಂಬದಲ್ಲಿ ಉತ್ತಮ ಹೆಸರು ಸಿಗಲಿದೆ. ಸಾಲದ ವ್ಯವಹಾರದ ಬಗ್ಗೆ ಜಾಗೃತರಾಗಿರಿ. ಉನ್ನತ ಶಿಕ್ಷಣದ ಕನಸು ನನಸಾಗಬಹುದು. ಕಚೇರಿಯಲ್ಲಿ ಸಣ್ಣ ತಪ್ಪುಗಳ ಬಗ್ಗೆ ಎಚ್ಚರವಿರಲಿ. ಇಂದು ಕೆಲಸದ ಒತ್ತಡದಿಂದ ವೈಯಕ್ತಿಕ ಕೆಲಸಗಳಿಗೆ ವಿರಾಮ ಸಿಗುವುದು ಕಷ್ಟ.
ಕುಂಭ ರಾಶಿ: ಸಹೋದರರ ಪ್ರಗತಿ ಕಂಡು ಅಸೂಯೆ ಬೇಡ. ಮನಸ್ತಾಪಗಳಿದ್ದರೆ ಮಾತನಾಡಿ ಬಗೆಹರಿಸಿಕೊಳ್ಳಿ. ಹೊಸ ಕೆಲಸಗಳಿಗೆ ವಿಘ್ನ ಬರುವ ಸೂಚನೆ ಇದೆ, ಹಾಗಾಗಿ ಜಾಗರೂಕತೆಯಿಂದ ಹೆಜ್ಜೆ ಇಡಿ. ಅಂತರ್ಜಾಲದ ಮೂಲಕ ಬರುವ ವಂಚನೆಯ ಕರೆಗಳ ಬಗ್ಗೆ ಎಚ್ಚರವಿರಲಿ.
ಮೀನ ರಾಶಿ: ವ್ಯಾಪಾರದಲ್ಲಿ ಆಕಸ್ಮಿಕ ಬದಲಾವಣೆಗಳು ಕಂಡುಬರಲಿವೆ. ಆಸ್ತಿ ದಾಖಲೆಗಳನ್ನು ಸರಿಯಾಗಿ ಪರಿಶೀಲಿಸಿ. ವೃತ್ತಿ ಬದಲಾವಣೆಯ ಆಸೆ ಮೂಡಬಹುದು. ನಿಮ್ಮ ಪ್ರಾಮಾಣಿಕತೆಯ ಹಾದಿಯನ್ನು ಬಿಡಬೇಡಿ, ಕೊಟ್ಟ ಜವಾಬ್ದಾರಿಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸುವಿರಿ.
