ಬಿಗ್ ಬಾಸ್ ಕನ್ನಡ ಸೀಸನ್ 12ರಲ್ಲಿ ಈ ವಾರ ಫ್ಯಾಮಿಲಿ ವೀಕ್ ಆರಂಭವಾಗಿದ್ದು, ಸ್ಪರ್ಧಿಗಳ ಮನೆಯವರು ಒಬ್ಬೊಬ್ಬರಾಗಿ ಮನೆಗೆ ಆಗಮಿಸುತ್ತಿದ್ದಾರೆ. ಈ ಸಂದರ್ಭದಲ್ಲಿ ಧನುಷ್ ಗೌಡ ಅವರ ಕುಟುಂಬ ಸದಸ್ಯರು ಬಂದಿದ್ದು, ಬಿಗ್ ಬಾಸ್ ನೀಡಿದ ಭಯಂಕರ ಟ್ವಿಸ್ಟ್‌ನಿಂದ ಧನುಷ್ ಭಾವುಕರಾಗಿ ಕಣ್ಣೀರು ಹಾಕಿದ್ದಾರೆ.
ಫ್ಯಾಮಿಲಿ ರೌಂಡ್‌ನಲ್ಲಿ ಸ್ಪರ್ಧಿಗಳಿಗೆ ಮನೆಯವರನ್ನು ಭೇಟಿಯಾಗುವ ಅವಕಾಶ ನೀಡಲಾಗುತ್ತದೆ. ಆದರೆ ಈ ಬಾರಿ ಬಿಗ್ ಬಾಸ್ ಟ್ವಿಸ್ಟ್ ಮೇಲೆ ಟ್ವಿಸ್ಟ್ ಕೊಟ್ಟಿದ್ದಾರೆ. ರಾಶಿಕಾ ಶೆಟ್ಟಿ ಅವರ ಸಹೋದರ ಮತ್ತು ತಾಯಿ ಬಂದ ಬಳಿಕ ಧನುಷ್ ಗೌಡ ಅವರ ಕುಟುಂಬ ಸದಸ್ಯರು ಮನೆಗೆ ಆಗಮಿಸಿದ್ದಾರೆ.
ಧನುಷ್‌ಗೆ ಭಯಂಕರ ಟ್ವಿಸ್ಟ್:
ಧನುಷ್ ಗೌಡ ಅವರ ಅಮ್ಮ ಮತ್ತು ಹೆಂಡತಿ ಸಂಜನಾ ಗೌಡ ಇಬ್ಬರೂ ಬಿಗ್ ಬಾಸ್ ಮನೆಗೆ ಬಂದಿದ್ದಾರೆ. ಆದರೆ ಬಿಗ್ ಬಾಸ್ ನಿಯಮದಂತೆ ಧನುಷ್‌ಗೆ ಇಬ್ಬರಲ್ಲಿ ಒಬ್ಬರನ್ನು ಮಾತ್ರ ಭೇಟಿಯಾಗುವ ಅವಕಾಶ ನೀಡಲಾಗಿದೆ. ಈ ದ್ವಂದ್ವ ಸ್ಥಿತಿಯಲ್ಲಿ ಸಿಲುಕಿ ಧನುಷ್ ಭಾವುಕರಾಗಿ ಕಣ್ಣೀರು ಹಾಕಿದ್ದಾರೆ. ಮಾತೇ ಬಾರದೆ ನಲುಗಿ ಹೋಗಿದ್ದಾರೆ.
ಕಳೆದ ಬಾರಿ ಲೆಟರ್ ಟಾಸ್ಕ್‌ನಲ್ಲಿ ಧನುಷ್ ತ್ಯಾಗ ಮಾಡಿ ಗೆಳೆಯ ಅಭಿಷೇಕ್‌ಗೆ ಚಾನ್ಸ್ ಕೊಟ್ಟಿದ್ದರು. ಈ ಬಾರಿ ಅಮ್ಮ ಮತ್ತು ಹೆಂಡತಿಯ ನಡುವೆ ಆಯ್ಕೆ ಮಾಡಬೇಕಾದ ಸ್ಥಿತಿ ಬಂದಿದ್ದು, ಮನೆಯ ಇತರ ಸದಸ್ಯರು ಟೆನ್ಷನ್‌ನಲ್ಲಿದ್ದಾರೆ.
ರಾಶಿಕಾ ಶೆಟ್ಟಿ ಖುಷಿ ಕ್ಷಣಗಳು:
ರಾಶಿಕಾ ಶೆಟ್ಟಿ ಅವರ ಸಹೋದರ ಹೆಲ್ಮೆಟ್ ಧರಿಸಿ ಮನೆಗೆ ಬಂದು ಆಶ್ಚರ್ಯ ನೀಡಿದ್ದಾರೆ. ಮನೆಯಲ್ಲಿ ಓಡಾಡಿದ ಬಳಿಕ ರಾಶಿಕಾ ಅವರನ್ನು ತಬ್ಬಿಕೊಂಡು ಖುಷಿ ಪಟ್ಟಿದ್ದಾರೆ.
ನಂತರ ರಾಶಿಕಾ ಅವರ ಅಮ್ಮ ಮನೆಗೆ ಕಾಲಿಟ್ಟಿದ್ದು, ಅಮ್ಮನನ್ನು ಕಂಡು ರಾಶಿಕಾ ಎಮೋಷನಲ್ ಆಗಿ ತಬ್ಬಿಕೊಂಡಿದ್ದಾರೆ. ಈ ಸಂದರ್ಭದಲ್ಲಿ ಗಿಲ್ಲಿ ನಟ ಕಾಮಿಡಿ ಮಾಡುತ್ತಾ “ಯಾರು ಇಷ್ಟ?” ಎಂದು ಕೇಳಿದಾಗ ರಾಶಿಕಾ ಅಮ್ಮ “ಎಲ್ಲರೂ ಇಷ್ಟ” ಎಂದು ಮುದ್ದಾಗಿ ಉತ್ತರಿಸಿದ್ದಾರೆ.
ಸೂರಜ್ ಸಿಂಗ್ ಅಮ್ಮನಿಗಾಗಿ ಅಡುಗೆ:
ಸೂರಜ್ ಸಿಂಗ್ ಅವರ ತಾಯಿ ಮನೆಗೆ ಬರುವ ಮೊದಲು ಲೆಟರ್ ಕಳುಹಿಸಿದ್ದಾರೆ. “ನೀನು ಇಲ್ಲದೆ ಮನೆಯಲ್ಲಿ ಅಡುಗೆ ಮಾಡಲು ಮನಸ್ಸು ಬರುತ್ತಿಲ್ಲ. ನನಗಾಗಿ ಅಡುಗೆ ಮಾಡು” ಎಂದು ಬರೆದಿದ್ದಾರೆ. ತಾಯಿ ಬಂದ ಬಳಿಕ ಸೂರಜ್ ಅವರಿಗಾಗಿ ಅಡುಗೆ ಮಾಡಿ ಖುಷಿ ಪಡಿಸಿದ್ದಾರೆ.
ಬಿಗ್ ಬಾಸ್ ಮನೆಯಲ್ಲಿ ಫ್ಯಾಮಿಲಿ ವೀಕ್ ಎಮೋಷನಲ್ ಕ್ಷಣಗಳನ್ನು ತಂದಿದ್ದು, ಧನುಷ್ ಗೌಡ ಅವರ ಟ್ವಿಸ್ಟ್ ಎಲ್ಲರ ಗಮನ ಸೆಳೆದಿದೆ. ಮುಂದೆ ಏನಾಗುತ್ತದೆ ಕಾಯುತ್ತ ನೋಡಬೇಕು.
