ಎಲ್‌ಪಿಜಿ ಸಿಲಿಂಡರ್ ಸೋರಿಕೆಯಿಂದ ಮನೆಯೊಳಗೆ ಭಾರೀ ಬೆಂಕಿ ಹೊತ್ತಿಕೊಂಡಿದ್ದು, ಇಬ್ಬರು ಕೂದಲೆಳೆ ಅಂತರದಲ್ಲಿ ಪ್ರಾಣಾಪಾಯದಿಂದ ಪಾರಾಗಿರುವ ಭಯಾನಕ ವೀಡಿಯೊ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ. ಈ ಘಟನೆಯ ಸಿಸಿಟಿವಿ ದೃಶ್ಯಾವಳಿಗಳು ಬುಧವಾರ ಮಧ್ಯಾಹ್ನ 3 ಗಂಟೆ ಸುಮಾರಿಗೆ ಸಂಭವಿಸಿದೆ. ಆದರೆ ನಿಖರವಾದ ಸ್ಥಳ ತಿಳಿದಿಲ್ಲ.
ವೀಡಿಯೊದಲ್ಲಿ, ಸಿಲಿಂಡರ್‌ಗೆ ಜೋಡಿಸಲಾದ ಪೈಪ್‌ನಿಂದ ಅನಿಲ ಸೋರಿಕೆಯಾಗುತ್ತಿರುವುದು ಕಂಡುಬರುತ್ತದೆ. ಮನೆಯೊಳಗಿನ ಮಹಿಳೆಯೊಬ್ಬರು ಸೋರಿಕೆಯನ್ನು ತಡೆಯಲು ಶತಪ್ರಯತ್ನ ನಡೆಸುತ್ತಾರೆ. ಆದರೆ, ಭಾರೀ ಸೋರಿಕೆಯನ್ನು ನಿಯಂತ್ರಿಸಲು ಸಾಧ್ಯವಾಗದೆ, ಸಹಾಯಕ್ಕಾಗಿ ಹೊರಗೆ ಓಡುತ್ತಾರೆ. ಕೆಲವು ನಿಮಿಷಗಳ ಬಳಿಕ, ಒಬ್ಬ ಪುರುಷನೊಂದಿಗೆ ಮರಳಿ ಬಂದು ಸಿಲಿಂಡರ್‌ನ ನಾಬ್ ಮುಚ್ಚಲು ಪ್ರಯತ್ನಿಸುತ್ತಾರೆ. ಈ ಸಮಯದಲ್ಲಿ, ಕೋಣೆಯೊಳಗೆ ಅನಿಲ ತುಂಬಿಕೊಂಡಿದ್ದು, ಅಡುಗೆಮನೆಯಲ್ಲಿ ಭಾರೀ ಸ್ಫೋಟ ಸಂಭವಿಸುತ್ತದೆ.
ಅದೃಷ್ಟವಶಾತ್, ಸೋರಿಕೆಯ ಸಮಯದಲ್ಲಿ ಮಹಿಳೆ ಮನೆಯ ಬಾಗಿಲು ಮತ್ತು ಕಿಟಕಿಗಳನ್ನು ತೆರೆದಿಟ್ಟಿದ್ದರಿಂದ ಸ್ಫೋಟದ ತೀವ್ರತೆ ಕೊಂಚ ಕಡಿಮೆಯಾಯಿತು. ಈ ಕಾರಣದಿಂದಾಗಿ, ಮಹಿಳೆ ಮತ್ತು ಪುರುಷ ಇಬ್ಬರೂ ಯಾವುದೇ ಗಾಯಗಳಿಲ್ಲದೆ ಪವಾಡಸದೃಶವಾಗಿ ಪಾರಾದರು. ವೀಡಿಯೊದಲ್ಲಿ, ಇಬ್ಬರೂ ಸಿಲಿಂಡರ್ ಬಳಿಯಿಂದ ತಕ್ಷಣವೇ ಹೊರಗೆ ಓಡಿಹೋಗುವ ದೃಶ್ಯ ಕಾಣಿಸುತ್ತದೆ.
They were lucky that all the doors and windows were open, which allowed much of the gas to escape outside and significantly reduced the impact of the explosion. pic.twitter.com/HhS9TTz6m8
— Satyam Raj (@Satyamraj_in) June 22, 2025
ಸಿಲಿಂಡರ್‌ನಿಂದ ಸಣ್ಣ ಸೋರಿಕೆಯಾದರೂ ತಕ್ಷಣ ಕ್ರಮ ಕೈಗೊಳ್ಳಬೇಕು. ಸೋರಿಕೆಯನ್ನು ಗಮನಿಸಿದಾಗ, ಗ್ಯಾಸ್ ಸ್ಟವ್‌ನ ಸ್ವಿಚ್ ಆಫ್ ಮಾಡಿ, ಬಾಗಿಲು-ಕಿಟಕಿಗಳನ್ನು ತೆರೆಯಿರಿ, ಮತ್ತು ತಕ್ಷಣವೇ ವೃತ್ತಿಪರರಿಂದ ಪರಿಶೀಲನೆ ಮಾಡಿಸಿ. ವಿದ್ಯುತ್ ಸಾಡ್‌ಗಳನ್ನು ಆನ್ ಅಥವಾ ಆರ್ ಮಾಡದಿರಿ, ಏಕೆಂದರೆ ಇದು ಸ್ಪೋಟಕ್ಕೆ ಕಾರಣವಾಗಬಹುದು.
ಈ ವೀಡಿಯೊ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ. ಅನೇಕರು ಇಬ್ಬರ ಜೀವ ಉಳಿದಿದ್ದಕ್ಕೆ ದೇವರಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ. ಇದೇ ವೇಳೆ, ಕೆಲವರು ಗ್ಯಾಸ್ ಸಿಲಿಂಡರ್‌ನ ಸುರಕ್ಷತಾ ಕ್ರಮಗಳ ಬಗ್ಗೆ ಜಾಗೃತಿ ಮೂಡಿಸುವಂತೆ ಒತ್ತಾಯಿಸಿದ್ದಾರೆ. ಗೃಹಿಣಿಯರು ಮತ್ತು ಮನೆಯವರಿಗೆ ಗ್ಯಾಸ್ ಸಿಲಿಂಡರ್‌ನ ಸರಿಯಾದ ಬಳಕೆ ಮತ್ತು ನಿರ್ವಹಣೆಯ ಬಗ್ಗೆ ತಿಳಿವಳಿಕೆ ನೀಡುವುದು ಅತ್ಯಗತ್ಯವಾಗಿದೆ.