ತಿಂಡಿಗಾಗಿ ಗಂಡನಿಗೆ ಚಾಕು ಇರಿದ ಹೆಂಡತಿ: ವಿಡಿಯೋ ವೈರಲ್

ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುವ ವಿಡಿಯೋಗಳು ಆಗಾಗ ಬೆಚ್ಚಿಬೀಳಿಸುವಂತಹ ಘಟನೆಗಳನ್ನು ತೋರಿಸುತ್ತವೆ. ಆದರೆ, ಇತ್ತೀಚಿನ ಒಂದು ವಿಡಿಯೋ ಎಲ್ಲರನ್ನೂ ದಿಗ್ಭ್ರಮೆಗೊಳಿಸಿದೆ. ಈ ಆತಂಕಕಾರಿ ಕ್ಲಿಪ್‌ನಲ್ಲಿ ಒಬ್ಬ ಮಹಿಳೆ ತಿಂಡಿ (ಸ್ನಾಕ್ಸ್) ತರಲಿಲ್ಲ ಎಂಬ ಕಾರಣಕ್ಕೆ ತನ್ನ ಗಂಡನ ಮೇಲೆ ಚಾಕುವಿನಿಂದ ದಾಳಿ ಮಾಡುತ್ತಿರುವ ದೃಶ್ಯ ಕಂಡುಬಂದಿದೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಈ ಘಟನೆಯಲ್ಲಿ ಕ್ಯಾಮೆರಾ ನಿರಂತರವಾಗಿ ಚಲಿಸುತ್ತಿರುವಾಗ, ದಾಳಿಯ ಭೀಕರ ದೃಶ್ಯ ಸೆರೆಯಾಗಿದೆ. ಈ ಸಂದರ್ಭದಲ್ಲಿ ದಂಪತಿಯ ಚಿಕ್ಕ ಮಗು ಕಿರುಚುತ್ತಾ, ತನ್ನ ತಾಯಿಯನ್ನು ತಡೆಯಲು ಯತ್ನಿಸುತ್ತಿರುವ ದೃಶ್ಯವು ವೀಕ್ಷಕರ ಮನಸ್ಸನ್ನು ಕಲಕುತ್ತದೆ. ಈ ಕ್ಲಿಪ್ ‘ಘರ್ ಕೆ ಕಲಾಶ್’ ಎಂಬ ಎಕ್ಸ್ ಖಾತೆಯಿಂದ ಪೋಸ್ಟ್ ಆಗಿದ್ದು, “ತಿಂಡಿಗಾಗಿ ಪತ್ನಿಯೊಬ್ಬರು ತನ್ನ ಗಂಡನ ಮೇಲೆ ದಾಳಿ ಮಾಡುತ್ತಿರುವ ದೃಶ್ಯ” ಎಂದು ಶೀರ್ಷಿಕೆಯೊಂದಿಗೆ ಹಂಚಿಕೊಳ್ಳಲಾಗಿದೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್‌ ಆಗಿದ್ದು, ಕೆಲವರು ಇದನ್ನು ಕೇವಲ ಆಘಾತಕಾರಿ ಘಟನೆಯಾಗಿ ನೋಡಿದರೆ, ಇನ್ನೂ ಕೆಲವರು ಇದರ ಹಿಂದಿನ ಕಾರಣಗಳನ್ನು ತಿಳಿಯಲು ಆಸಕ್ತಿ ತೋರಿದ್ದಾರೆ. ಕೆಲವರು ಈ ಘಟನೆಯನ್ನು ಖಂಡಿಸಿದರೆ, ಇನ್ನು ಕೆಲವರು ಈ ದಂಪತಿಗೆ ಸಹಾಯದ ಅಗತ್ಯವಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.