5 ಸ್ಟಾರ್ ಹೋಟೆಲ್‌ನಲ್ಲಿ ಕಿಟಕಿ ಪರದೆ ಹಾಕೋದನ್ನೇ ಮೈಮರೆತ ಜೋಡಿ, ಫ್ರೀ ಶೋಗೆ ಟ್ರಾಫಿಕ್ ಜಾಮ್!

ರಾಜಸ್ಥಾನದ ಜೈಪುರದ 22 ಗೋಡೌನ್ ಬಳಿಯ ಹಾಲಿಡೇ ಇನ್ ಎಂಬ 5 ಸ್ಟಾರ್ ಹೋಟೆಲ್‌ನಲ್ಲಿ ನಡೆದ ಒಂದು ಆಘಾತಕಾರಿ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಒಂದು ನವಜೋಡಿಯು ತಮ್ಮ ಕೋಣೆಯ ಬೃಹತ್ ಕಿಟಕಿಗಳಿಗೆ ಪರದೆ ಹಾಕದೆ ಖಾಸಗಿ ಕ್ಷಣಗಳಲ್ಲಿ ತೊಡಗಿರುವುದು ಹೊರಗಿನ ಫ್ಲೈಓವರ್‌ನಿಂದ ಸಾರ್ವಜನಿಕರಿಗೆ ಕಾಣಿಸಿದೆ. ಇದರ ಪರಿಣಾಮವಾಗಿ, ಹೋಟೆಲ್ ಎದುರಿನ ಫ್ಲೈಓವರ್‌ನಲ್ಲಿ ಕಿಲೋಮೀಟರ್‌ಗಟ್ಟಲೆ ಟ್ರಾಫಿಕ್ ಜಾಮ್ ಉಂಟಾಯಿತು.

ಜೂನ್ 17, 2025ರ ರಾತ್ರಿ 10 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ ಎಂದು ವರದಿಯಾಗಿದೆ. ಹೋಟೆಲ್ ಕೋಣೆಯ ಕಿಟಕಿಗಳಿಗೆ ಪರದೆಗಳಿರದ ಕಾರಣ, ರಸ್ತೆಯಲ್ಲಿದ್ದ ಜನರು ಕೋಣೆಯ ಒಳಗಿನ ಚಟುವಟಿಕೆಗಳನ್ನು ಸುಲಭವಾಗಿ ನೋಡಬಹುದಾಗಿತ್ತು. ಕೆಲವರು ಈ ದೃಶ್ಯವನ್ನು ವಿಡಿಯೋ ರೆಕಾರ್ಡ್ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ, ಇದು ಕ್ಷಿಪ್ರವಾಗಿ ವೈರಲ್ ಆಗಿದೆ. ವಿಡಿಯೋದಲ್ಲಿ ರೆಕಾರ್ಡ್ ಮಾಡಿದ ವ್ಯಕ್ತಿಯೊಬ್ಬರು “ಘೋಡಿ ಬನಾ ದಿಯಾ ಭ್******” ಎಂದು ಕಾಮೆಂಟ್ ಮಾಡಿರುವುದು ಕೂಡ ದಾಖಲಾಗಿದೆ. ಫ್ಲೈಓವರ್‌ನಲ್ಲಿ ಜನಸಮೂಹ ಜಮಾಯಿಸಿದ್ದು, ದಂಪತಿಗಳ ಕಡೆಗೆ ಅನುಚಿತ ಟಿಪ್ಪಣಿಗಳನ್ನು ಮಾಡಿರುವುದು ವಿಡಿಯೋದಲ್ಲಿ ಕೇಳಿಬಂದಿದೆ.

ಈ ಘಟನೆಯಿಂದ ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ಚರ್ಚೆ ಆರಂಭವಾಗಿದೆ. ಕೆಲವರು ಹೋಟೆಲ್ ಆಡಳಿತವನ್ನು ದೂಷಿಸಿದ್ದಾರೆ, ಕೋಣೆಗಳಲ್ಲಿ ಪರದೆಗಳಿಲ್ಲದೆ ಗೌಪ್ಯತೆಯನ್ನು ಖಾತರಿಪಡಿಸದಿರುವುದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಇನ್ನು ಕೆಲವರು ವಿಡಿಯೋ ರೆಕಾರ್ಡ್ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡವರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. “ಇದು ವೈಯಕ್ತಿಕ ಗೌಪ್ಯತೆಯ ಆಕ್ರಮಣ. ಇಂತಹ ವಿಡಿಯೋ ರೆಕಾರ್ಡ್ ಮಾಡಿ ವೈರಲ್ ಮಾಡುವುದು ಕಾನೂನುಬಾಹಿರ” ಎಂದು ಕೆಲವು ಯೂಸರ್‌ಗಳು ಟೀಕಿಸಿದ್ದಾರೆ. ಜೈಪುರ್ ಪೊಲೀಸ್ ಇಲಾಖೆಯನ್ನು ಟ್ಯಾಗ್ ಮಾಡಿ, ವಿಡಿಯೋ ರೆಕಾರ್ಡ್ ಮಾಡಿದವರ ವಿರುದ್ಧ ಕಾನೂನು ಕ್ರಮಕ್ಕೆ ಒತ್ತಾಯಿಸಲಾಗಿದೆ.

ಈ ಘಟನೆಗೆ ಸಂಬಂಧಿಸಿದಂತೆ ಹಾಲಿಡೇ ಇನ್ ಹೋಟೆಲ್ ಆಡಳಿತದಿಂದ ಯಾವುದೇ ಅಧಿಕೃತ ಹೇಳಿಕೆ ಬಂದಿಲ್ಲ. ಜೋಡಿಯ ಗುರುತು ಸಹ ಇನ್ನೂ ಬಹಿರಂಗವಾಗಿಲ್ಲ, ಮತ್ತು ಈ ವಿಷಯದಲ್ಲಿ ಯಾವುದೇ ದೂರು ದಾಖಲಾಗಿಲ್ಲ. ಆದರೆ, ಈ ಘಟನೆಯು ಗೌಪ್ಯತೆ ಮತ್ತು ಸಾರ್ವಜನಿಕ ನೀತಿಗಳ ಬಗ್ಗೆ ಗಂಭೀರ ಚರ್ಚೆಗೆ ಕಾರಣವಾಗಿದೆ.