ಐಫೋನ್ ಬಾಕ್ಸ್‌ನಲ್ಲಿ ಶಾಲೆಗೆ ಬಿಸಿ ಪರಾಠಾ ತಂದ ವಿದ್ಯಾರ್ಥಿ, ಶಿಕ್ಷಕಿ ಫುಲ್‌ ಶಾಕ್‌‌..!

ಶಾಲಾ ದಿನಗಳಲ್ಲಿ ಮಕ್ಕಳ ತುಂಟಾಟಕ್ಕೆ ಕೊನೆಯಿಲ್ಲ. ಆದರೆ ಕೆಲವು ಚೇಷ್ಟೆಗಳು ಇಡೀ ಜಾಲತಾಣವನ್ನೇ  ನಗಿಸುತ್ತವೆ. ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ಒಂದು ವಿಡಿಯೋ ಎಲ್ಲರನ್ನೂ ಹೊಟ್ಟೆ ಹುಣ್ಣಾಗುವಷ್ಟು ನಗಿಸುತ್ತಿದೆ. ಒಬ್ಬ ವಿದ್ಯಾರ್ಥಿ ತನ್ನ ಟಿಫಿನ್ ಬಾಕ್ಸ್‌‌‌‌‌‌ ಬದಲು ಐಫೋನ್ ಬಾಕ್ಸ್‌ನಲ್ಲಿ ಪರಾಠಾ ತಂದಿದ್ದಾನೆ. ಇದನ್ನು ನೋಡಿ ಶಿಕ್ಷಕಿಯೇ ಮೊದಲು ಶಾಕ್ ಆಗಿ ನಂತರ ಮುಗುಳ್ನಗೆ ಬಿಟ್ಟಿದ್ದಾರೆ.

ವಿಡಿಯೋದಲ್ಲಿ ಕಾಣುವಂತೆ, ತರಗತಿಯಲ್ಲಿ ಶಿಕ್ಷಕಿ ಮಕ್ಕಳ ಬಳಿ ಹೋಗಿ “ಏನಿದು ನಿನ್ನ ಕೈಯಲ್ಲಿ?” ಎಂದು ಕೇಳುತ್ತಾರೆ. ಹುಡುಗ ತುಂಬಾ ಗಂಭೀರ ಮುಖದಿಂದ “ಮೇಡಂ, ಪರಾಠಾ” ಎಂದು ಉತ್ತರಿಸುತ್ತಾನೆ. ಶಿಕ್ಷಕಿ “ಓಪನ್ ಮಾಡಿ ತೋರಿಸಿ” ಎಂದಾಗ ಬಾಕ್ಸ್ ತೆಗೆದು ತೋರಿಸಿದ್ದು, ಐಫೋನ್‌ನ ದುಬಾರಿ ಬಾಕ್ಸ್. ಆದರೆ ಒಳಗೆ ಐಫೋನ್ ಅಲ್ಲ ಬಿಸಿ ಬಿಸಿ ಪರಾಠಾ.

ಶಿಕ್ಷಕಿ ಆಶ್ಚರ್ಯದಿಂದ “ಯಾರು ಪ್ಯಾಕ್ ಮಾಡಿದ್ದು? ಇದು ಲಂಚ್ ಬಾಕ್ಸ್ ತರ ಕಾಣ್ತಿದೆಯಾ?” ಎಂದು ಕೇಳಿದಾಗ ಹುಡುಗ ಶಾಂತವಾಗಿ “ಮೇಡಂ, ನಾನೇ ಪ್ಯಾಕ್ ಮಾಡಿದ್ದು” ಎಂದು ಹೇಳುತ್ತಾನೆ. ಈ ಉತ್ತರಕ್ಕೆ ಶಿಕ್ಷಕಿ ಸೇರಿ ಇಡೀ ತರಗತಿ ನಗೆಯಲ್ಲಿ ತುಂಬಿಬಿಟ್ಟಿತು.

ಈ ವಿಡಿಯೋ ಎಕ್ಸ್‌ನಲ್ಲಿ ವೈರಲ್ ಆದ ಕೆಲವೇ ಗಂಟೆಗಳಲ್ಲಿ ಲಕ್ಷಾಂತರ ಜನರು, ರೀಟ್ವೀಟ್‌ ಮಾಡಿದ್ಧಾರೆ. ನೆಟ್ಟಿಗರು ತಮ್ಮ ಬಾಲ್ಯದ ನೆನಪುಗಳನ್ನು ಶೇರ್ ಮಾಡಿಕೊಳ್ಳುತ್ತಿದ್ದಾರೆ.

ಈ ವಿಡಿಯೋ ನೋಡಿ ಹಲವರು ತಮ್ಮ ಶಾಲಾ ದಿನಗಳ ನೆನಪುಗಳನ್ನು ಕಾಮೆಂಟ್ ಮಾಡುತ್ತಾ “ಅಂದಿನಿಂದ ಈವರೆಗೂ ಶಾಲಾ ತುಂಟಾಟಕ್ಕೆ ಬದಲಾವಣೆ ಇಲ್ಲ” ಎಂದು ಬರೆದಿದ್ದಾರೆ.

ಶಾಲಾ ಜೀವನದ ಸಣ್ಣ ಸಣ್ಣ ತುಂಟಾಟಗಳು ಮಾತ್ರವಲ್ಲ ಇಂತಹ ಸೃಜನಶೀಲತೆಯೇ ಮಕ್ಕಳನ್ನು ವಿಶೇಷವಾಗಿಸುತ್ತದೆ ಎಂದು ನೆಟ್ಟಿಗರು ಅಭಿಪ್ರಾಯಪಡುತ್ತಿದ್ದಾರೆ.