ಇತ್ತೀಚೆಗೆ ಗಂಡಂದಿರಿಗೆ ಹೆಂಡತಿಯೆಂದರೆ ಭಯ: ಯಾಕೆ ಅಂತೀರಾ? ವಿಡಿಯೋ ನೋಡಿ..!

ಈಗಿನ ಕಾಲದಲ್ಲಿ ಗಂಡಂದಿರು ತಮ್ಮ ಹೆಂಡತಿಯರಿಗೆ ಸಿಕ್ಕಾಪಟ್ಟೆ ಭಯಪಡುತ್ತಿದ್ದಾರೆ ಎಂಬ ವಿಷಯವನ್ನು ತೋರಿಸುವ ಒಂದು ಫನ್ನಿ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಇತ್ತೀಚಿನ ದಿನಗಳಲ್ಲಿ ಹೆಂಡತಿಯರು ತಮ್ಮ ಗಂಡಂದಿರನ್ನು ಕೊಲೆ ಮಾಡುವ ಘಟನೆಗಳು ಹೆಚ್ಚಾಗಿ ಕೇಳಿಬರುತ್ತಿರುವುದರಿಂದ, ಪುರುಷರು ತಮ್ಮ ಹೆಂಡತಿಯಿಂದ ಏನಾಗಿಬಿಡುತ್ತದೆಯೋ ಎಂಬ ಭಯದಲ್ಲಿ ಜೀವನ ನಡೆಸುತ್ತಿದ್ದಾರೆ ಎಂಬುದನ್ನು ಈ ವಿಡಿಯೋ ತಮಾಷೆಯ ರೀತಿಯಲ್ಲಿ ಚಿತ್ರಿಸಿದೆ.
ಹಿಂದಿನ ಕಾಲದಲ್ಲಿ ಹೆಂಡತಿಯರು ಗಂಡಂದಿರಿಗೆ ಭಯಪಡುತ್ತಿದ್ದರೆ, ಈಗಿನ ಕಾಲದಲ್ಲಿ ಪುರುಷರೇ ಮದುವೆಯಾಗಲು ಭಯಪಡುತ್ತಿದ್ದಾರೆ. ಮದುವೆಯಾದವರು ಕೂಡ ತಮ್ಮ ಹೆಂಡತಿಯರಿಗೆ ಭಯಗೊಂಡು ಬದುಕುವ ಸ್ಥಿತಿಗೆ ತಲುಪಿದ್ದಾರೆ. ಪ್ರಿಯಕರನಿಗಾಗಿ ಗಂಡನನ್ನು ಕೊಲೆ ಮಾಡುವಂತಹ ಪ್ರಕರಣಗಳು ಹೆಚ್ಚಾದಂತೆ, ಗಂಡಂದಿರ ಜೀವನ ಭಯದ ವಾತಾವರಣದಲ್ಲಿ ಸಾಗುತ್ತಿದೆ ಎಂಬುದನ್ನು ಈ ವಿಡಿಯೋ ತೋರಿಸುತ್ತದೆ.
‘Rosy’ ಎಂಬ ಎಕ್ಸ್ ಖಾತೆಯಲ್ಲಿ ಶೇರ್ ಆಗಿರುವ ಈ ವಿಡಿಯೋಗೆ “ಇದು ಭಾರತೀಯ ಗಂಡಂದಿರ ಜೀವನ” ಎಂಬ ಶೀರ್ಷಿಕೆಯನ್ನು ನೀಡಲಾಗಿದೆ. ವಿಡಿಯೋದಲ್ಲಿ, ಹೆಂಡತಿ ನೀಡುವ ನೀರಿನಲ್ಲಿ ವಿಷವಿರಬಹುದೇ ಎಂಬ ಭಯ, ಮಲಗಿದರೆ ಉಸಿರುಗಟ್ಟಿಸಿ ಸಾಯಿಸಬಹುದೇ ಎಂಬ ಆತಂಕ, ಚಾಕುವಿನಿಂದ ಚುಚ್ಚಬಹುದೇ ಎಂಬ ಶಂಕೆ, ಬಾಲ್ಕನಿಯಿಂದ ಕೆಳಗೆ ತಳ್ಳಬಹುದೇ ಎಂಬ ಭೀತಿ ಹೀಗೆ ಗಂಡನ ಜೀವನವನ್ನು ಭಯದಿಂದ ಕಾಡುವ ದೃಶ್ಯಗಳನ್ನು ತಮಾಷೆಯ ರೀತಿಯಲ್ಲಿ ಚಿತ್ರಿಸಲಾಗಿದೆ.

ಜೂನ್ 25ರಂದು ಶೇರ್ ಆಗಿರುವ ಈ ವಿಡಿಯೋ 2 ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿದ್ದು, ಹಲವಾರು ಕಾಮೆಂಟ್‌ಗಳಿಂದ ಸಾಮಾಜಿಕ ಜಾಲತಾಣದಲ್ಲಿ ಗಮನ ಸೆಳೆದಿದೆ. ಒಬ್ಬ ಬಳಕೆದಾರರು, “ನಿಜವಾಗಿಯೂ ಟಾಕ್ಸಿಕ್ ಮಹಿಳೆಯರಿಂದ ದೂರವಿರಬೇಕು,” ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, “ತಮಾಷೆಯಾಗಿ ಕಂಡರೂ, ಇದು ಈಗಿನ ಗಂಡಂದಿರ ನಿಜವಾದ ಪರಿಸ್ಥಿತಿ,” ಎಂದಿದ್ದಾರೆ. ಇನ್ನೊಬ್ಬ ಬಳಕೆದಾರ, “ಎಲ್ಲರೂ ಈ ಭಯದ ವಾತಾವರಣದಲ್ಲಿಯೇ ಜೀವನ ನಡೆಸುತ್ತಿದ್ದಾರೆ,” ಎಂದು ಬರೆದಿದ್ದಾರೆ.