ದುಬೈನಲ್ಲಿ ನೆಲೆಸಿರುವ ಭಾರತೀಯ ಉದ್ಯಮಿ ಸತೀಶ್ ಸನ್ಸಾಲ್ ತಮ್ಮ ಒಂದು ವರ್ಷದ ಮಗಳು ಇಸಾಬೆಲ್ಲಾ ಸನ್ಸಾಲ್‌ನ ಮೊದಲ ಹುಟ್ಟುಹಬ್ಬವನ್ನು ಅದ್ದೂರಿಯಾಗಿ ಆಚರಿಸಿದ್ದಾರೆ. ಈ ವಿಶೇಷ ಸಂದರ್ಭಕ್ಕಾಗಿ ಅವರು ಕೋಟಿ ರೂಪಾಯಿ ಮೌಲ್ಯದ ಕಸ್ಟಮೈಸ್ ಮಾಡಿದ ಮೆಟಾಲಿಕ್ ಗುಲಾಬಿ ಬಣ್ಣದ ರೋಲ್ಸ್ ರಾಯ್ಸ್ ಕಾರನ್ನು ತಮ್ಮ ಮಗಳಿಗೆ ಉಡುಗೊರೆಯಾಗಿ ನೀಡಿದ್ದಾರೆ.
ಸತೀಶ್ ಸನ್ಸಾಲ್, ANAX ಡೆವಲಪ್‌ಮೆಂಟ್ಸ್‌ನ ಸಂಸ್ಥಾಪಕರಾಗಿದ್ದು, ದುಬೈನಲ್ಲಿ ಈ ಹುಟ್ಟುಹಬ್ಬದ ಕಾರ್ಯಕ್ರಮವನ್ನು ಭವ್ಯವಾಗಿ ಆಯೋಜಿಸಿದ್ದರು. ಕಾರ್ಯಕ್ರಮದಲ್ಲಿ ಬಾಲಿವುಡ್‌ನ ತಮನ್ನಾ ಭಾಟಿಯಾ, ಗಾಯಕರಾದ ರಾಹತ್ ಫತೇಹ್ ಅಲಿ ಖಾನ್, ಆತಿಫ್ ಅಸ್ಲಾಮ್ ಮತ್ತು ನೃತ್ಯಗಾರ್ತಿ ನೋರಾ ಫತೇಹಿ ಸಂಗೀತ ಮತ್ತು ನೃತ್ಯ ಪ್ರದರ್ಶನಗಳನ್ನು ನೀಡಿದ್ದರು.
Indian businessman gives his one-year-old daughter a Rolls-Royce. The car was painted pink and decorated with the baby’s name pic.twitter.com/y7plWFFPWr
— Alexej Shelikhovskij (@shelikhovskij) June 23, 2025
ಕಾರ್ಯಕ್ರಮದ ವಿಶೇಷ ಕ್ಷಣವೆಂದರೆ, ಸತೀಶ್ ಸನ್ಸಾಲ್ ತಮ್ಮ ಪತ್ನಿ ತಬಿಂದಾ ಸನ್ಸಾಲ್ ಜೊತೆಗೆ ಇಸಾಬೆಲ್ಲಾಳಿಗೆ ಐಷಾರಾಮಿ ಕಾರಿನ ಕೀಯನ್ನು ನೀಡಿದ್ದು. ಈ ರೋಲ್ಸ್ ರಾಯ್ಸ್ ಕಾರಿನ ಒಳಾಂಗಣವು ಸಂಪೂರ್ಣವಾಗಿ ಗುಲಾಬಿ ಬಣ್ಣದಿಂದ ಕೂಡಿದ್ದು, ಕಸ್ಟಮ್ ಸೀಟುಗಳಲ್ಲಿ ಇಸಾಬೆಲ್ಲಾಳ ಮೊದಲಕ್ಷರಗಳ ಮೊನೊಗ್ರಾಮ್ ಇದೆ. ಕಾರಿನ ಒಳಭಾಗದಲ್ಲಿ “ಅಭಿನಂದನೆಗಳು, ಇಸಾಬೆಲ್ಲಾ” ಎಂದು ಬರೆಯಲಾಗಿದೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಭಾರಿ ಸದ್ದು ಮಾಡುತ್ತಿದೆ.
