ಸಾಮಾನ್ಯವಾಗಿ ಸ್ಟೈಲಿಶ್ ಮತ್ತು ಶಿಸ್ತುಬದ್ಧ ಉಡುಪಿನಿಂದ ಗುರುತಿಸಿಕೊಳ್ಳುವ ಅಕ್ಷಯ್ ಕುಮಾರ್ ಅವರು ಮೊದಲ ಬಾರಿಗೆ ತಮ್ಮ ಫ್ಯಾಷನ್ ಆಯ್ಕೆಯಲ್ಲಿ ಎಡವಿದ್ದಾರೆ. ‘ಭೂತ್ ಬಂಗ್ಲ’ ಸಿನಿಮಾದ ಟ್ರೇಲರ್ ಬಿಡುಗಡೆ ಸಮಾರಂಭದಲ್ಲಿ ಅವರು ಧರಿಸಿದ್ದ ವಿಚಿತ್ರ ಉಡುಪು ನೆಟ್ಟಿಗರನ್ನು ಆಕರ್ಷಿಸಿದ್ದು, ಭಾರೀ ಟ್ರೋಲ್ಗೆ ಕಾರಣವಾಗಿದೆ.
ಏಪ್ರಿಲ್ 6ರಂದು ನಡೆದ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮದಲ್ಲಿ ಅಕ್ಷಯ್ ಕುಮಾರ್ ಸಂಪೂರ್ಣ ಹರಿದ ನೀಲಿ ಶರ್ಟ್, ಹರಿದ ಬ್ಲೇಜರ್ ಮತ್ತು ಕುತ್ತಿಗೆಗೆ ಎರಡು ಟೈಗಳನ್ನು ಧರಿಸಿ ವೇದಿಕೆ ಏರಿದ್ದರು. ಈ ಅವತಾರ ನೋಡಿ ಅಭಿಮಾನಿಗಳು ದಂಗಾಗಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಅಕ್ಷಯ್ ಅವರ ಫೋಟೋ ಮತ್ತು ವಿಡಿಯೋಗಳು ಸಿಕ್ಕಾಪಟ್ಟೆ ವೈರಲ್ ಆಗುತ್ತಿವೆ.
ಅಕ್ಷಯ್ ಕುಮಾರ್ರ ಸ್ಪಷ್ಟನೆ ತಮ್ಮ ವಿಚಿತ್ರ ಲುಕ್ ಬಗ್ಗೆ ಸ್ವತಃ ಅಕ್ಷಯ್ ಕುಮಾರ್ ವೇದಿಕೆಯ ಮೇಲೆ ಹಾಸ್ಯ ಮಾಡಿದ್ದಾರೆ. “ಚಿತ್ರದ ಹಾರರ್-ಕಾಮಿಡಿ ಥೀಮ್ಗೆ ತಕ್ಕಂತೆ ಈ ಲುಕ್ ಮಾಡಲಾಗಿದೆ. ದೆವ್ವಗಳು ನನ್ನ ಬಟ್ಟೆಗಳನ್ನು ಹೀಗೆ ಹರಿದಿವೆ” ಎಂದು ಚಟಾಕಿ ಹಾರಿಸಿದರು. ಆದರೆ ನೆಟ್ಟಿಗರು ಇದನ್ನು ಸುಮ್ಮನೆ ಬಿಟ್ಟಿಲ್ಲ.
ಟ್ರೋಲ್ಗಳ ಸುರಿಮಳೆ ಸೋಶಿಯಲ್ ಮೀಡಿಯಾದಲ್ಲಿ ಅಕ್ಷಯ್ ಕುಮಾರ್ ಅವರನ್ನು ತರಹೇವಾರಿ ಟ್ರೋಲ್ ಮಾಡಲಾಗುತ್ತಿದೆ. “ಅತಿಯಾದ ಹಣ ಮನುಷ್ಯನನ್ನು ಹುಚ್ಚನನ್ನಾಗಿ ಮಾಡುತ್ತದೆ”. “ಇವರು ಜೋಕರ್ ರೀತಿ ಕಾಣುತ್ತಿದ್ದಾರೆ”. “ಬಡವರು ಹೀಗೆ ಹಾಕಿದರೆ ಚಪ್ರಿ ಅಂತಾರೆ, ಶ್ರೀಮಂತರು ಹಾಕಿದರೆ ಫ್ಯಾಷನ್!” ,“ಟ್ವಿಂಕಲ್ ಖನ್ನಾ ಜೊತೆ ಜಗಳವಾಗಿ ಸೇಡು ತೀರಿಸಿಕೊಂಡಿರಬಹುದು”.
ಎಂಬಂತಹ ಕಾಮೆಂಟ್ಗಳು ಸಾಕಷ್ಟು ಬಂದಿವೆ. ‘ಭೂತ್ ಬಂಗ್ಲ’ ಸಿನಿಮಾದ ಪ್ರಚಾರಕ್ಕಾಗಿ ಮಾಡಿದ ಪ್ರಯತ್ನ ನೆಗೆಟಿವ್ ಪ್ರತಿಕ್ರಿಯೆಗೆ ಒಳಗಾಗಿದೆ.
ಈ ಘಟನೆಯು ಬಾಲಿವುಡ್ ನಟರ ಫ್ಯಾಷನ್ ಆಯ್ಕೆಯ ಬಗ್ಗೆ ಮತ್ತು ಸೋಶಿಯಲ್ ಮೀಡಿಯಾ ಟ್ರೋಲಿಂಗ್ನ ಬಗ್ಗೆ ಮತ್ತೊಮ್ಮೆ ಚರ್ಚೆಗೆ ಕಾರಣವಾಗಿದೆ.