ಫೆಬ್ರವರಿ 28, 2025ರ ಶುಕ್ರವಾರ ರಾತ್ರಿ ಭಾರತದ ಆಕಾಶದಲ್ಲಿ ಸೌರಮಂಡಲದ 7 ಗ್ರಹಗಳು ಒಂದೇ ಸಾಲಿನಲ್ಲಿ ಗೋಚರಿಸಲಿದ್ದು, ಇದು ಒಂದು ಅಪರೂಪದ ಖಗೋಳ ವಿದ್ಯಮಾನವಾಗಿದೆ. ಸೂರ್ಯಾಸ್ತದ ನಂತರ ಮತ್ತು ಸೂರ್ಯೋದಯದ ಮುಂಚಿನ ಸಮಯದಲ್ಲಿ ಈ ಗ್ರಹಗಳನ್ನು ಸ್ಪಷ್ಟವಾಗಿ ವೀಕ್ಷಿಸಬಹುದು. ಇದು 2025ರಲ್ಲಿ ಸಂಭವಿಸುವ ಪ್ರಮುಖ ಖಗೋಳ ಘಟನೆಗಳಲ್ಲಿ ಒಂದಾಗಿದೆ.
ಗ್ರಹಗಳ ಸಾಲು: ಏನು ನೋಡಲು ಸಿಗುತ್ತದೆ?
ಸೌರವ್ಯೂಹದಲ್ಲಿ ಬುಧ, ಶುಕ್ರ, ಮಂಗಳ, ಗುರು, ಶನಿ, ಯುರೇನಸ್ ಮತ್ತು ನೆಪ್ಚೂನ್ ಗ್ರಹಗಳು ಸೂರ್ಯನ ಒಂದೇ ಬದಿಯಲ್ಲಿ ಜೋಡಣೆಯಾಗುತ್ತವೆ. ಇವುಗಳಲ್ಲಿ ಬುಧ, ಶುಕ್ರ, ಮಂಗಳ, ಗುರು ಮತ್ತು ಶನಿ ಗ್ರಹಗಳನ್ನು ಬರಿಗಣ್ಣಿನಿಂದಲೇ ಸುಲಭವಾಗಿ ನೋಡಬಹುದಾದರೆ, ಯುರೇನಸ್ ಮತ್ತು ನೆಪ್ಚೂನ್ ಗ್ರಹಗಳು ಮಂಕಾದ ಬೆಳಕನ್ನು ಹೊಂದಿರುವುದರಿಂದ ಬೈನಾಕ್ಯುಲರ್ ಅಥವಾ ದೂರದರ್ಶಕದ ಸಹಾಯದಿಂದ ನೋಡ ಬೇಕಾಗುತ್ತದೆ. ಈ ಗ್ರಹಗಳು ಪಶ್ಚಿಮ ಆಕಾಶದಲ್ಲಿ ಚಂದ್ರನ ಸಮೀಪದಲ್ಲಿ ಕಾಣಿಸಿಕೊಳ್ಳಲಿವೆ.
ವೀಕ್ಷಣೆಗೆ ಸೂಕ್ತ ಸಮಯ ಮತ್ತು ಸ್ಥಳ
ಸೂರ್ಯಾಸ್ತದ 30 ನಿಮಿಷಗಳ ನಂತರ (ಸುಮಾರು 6:30 PM ರಿಂದ 7:30 PM) ಮತ್ತು ಸೂರ್ಯೋದಯದ 1 ಗಂಟೆ ಮುಂಚೆ (4:30 AM ಸುಮಾರಿಗೆ).
ದಿಕ್ಕು-ಪಶ್ಚಿಮ ಆಕಾಶದ ಕಡೆಗೆ ನೋಡಿ. ನಗರದ ಬೆಳಕಿನಿಂದ ದೂರವಿರುವ ಗ್ರಾಮೀಣ ಪ್ರದೇಶಗಳು ವೀಕ್ಷಣೆಗೆ ಉತ್ತಮ.
ಗ್ರಹಗಳನ್ನು ಗುರುತಿಸಲು ಸ್ಟಾರ್ ಮ್ಯಾಪ್ ಆ್ಯಪ್‌ಗಳನ್ನು (ಉದಾ: Sky View) ಬಳಸಬಹುದು.
2025ರಲ್ಲಿ ಇನ್ನೂ ಒಂದು ಅವಕಾಶ!
ಖಗೋಳಶಾಸ್ತ್ರಜ್ಞರ ಪ್ರಕಾರ, ಆಗಸ್ಟ್ 2025ರಲ್ಲಿ ಮತ್ತೊಮ್ಮೆ 6 ಗ್ರಹಗಳ ಸಾಲು ಆಕಾಶದಲ್ಲಿ ಕಾಣಸಿಗಲಿದೆ. ಆದರೆ, 7 ಗ್ರಹಗಳ ಸಾಲನ್ನು ಮುಂದಿನ 20 ವರ್ಷಗಳಲ್ಲಿ ಸುಲಭವಾಗಿ ನೋಡಲು ಸಾಧ್ಯವಿಲ್ಲ ಎಂದು ಅಂದಾಜು.
ಗ್ರಹಗಳ ಸಾಲು ಖಗೋಳಶಾಸ್ತ್ರದಲ್ಲಿ “ಗ್ರಹ ಪರಿವರ್ತನೆ” ಎಂದು ಕರೆಯಲ್ಪಡುತ್ತದೆ. ಇದು ಗ್ರಹಗಳ ಕಕ್ಷಾ ಸ್ಥಾನಗಳು ಒಂದೇ ಸರಳ ರೇಖೆಯಲ್ಲಿ ಸೇರುವುದರಿಂದ ಸಂಭವಿಸುತ್ತದೆ.