ಎಐ ಟೆಕ್ನಾಲಜಿಯನ್ನ ಮನುಷ್ಯ ದುರುಪಯೋಗ ಪಡಿಸಿಕೊಳ್ಳುತ್ತಿದ್ದಾನೆ.ತಾನೆ ತೋಡಿದ ಗುಂಡಿಗೆ ತಾನೇ ಬೀಳುವ ಪರಿಸ್ಥಿತಿ ನಿರ್ಮಾಣವಾಗುತಿದೆ. ಫೇಕ್ ಆ್ಯಡ್ ಸೇರಿದಂತೆ ಮಾರ್ಫಿಂಗ್ ವಿಡಿಯೋ ಮೂಲಕ ಜನರನ್ನ ಕೊಳ್ಳೆಹೊಡೆಯಲು ಸೈಬರ್ ಕಳ್ಳರು ಎಐ ಟೆಕ್ನಾಲಜಿಯನ್ನ ಬಳಸಿಕೊಳ್ಳುತ್ತಿದ್ದಾರೆ.
ಇತ್ತೀಚಿಗೆ ಎಲ್ಲವೂ ಎಐ ಆಗಿಬಿಟ್ಟಿದೆ. ಮನುಷ್ಯ ಮನುಷ್ಯನ ನಂಬುವುದಕ್ಕಿಂತ ಹೆಚ್ಚಾಗಿ ಟೆಕ್ನಾಲಜಿಯನ್ನ ನಂಬಲು ಶುರು ಮಾಡಿದ್ದಾನೆ. ಆದ್ರೆ ಆ ಟೆಕ್ನಾಲಜಿಯಿಂದಲೇ ಮನುಷ್ಯನ ಜೀವನ ಬೀದಿ ಪಾಲಾಗುತಿದ್ದಾನೆ.
ಹೌದು ಜಗತ್ತು ವೇಗವಾಗಿ ಮುಂದುವರಿತಾ ಇದೆ. ಟೆಕ್ನಾಲಜಿ ಇಲ್ಲದೇ ಮನುಷ್ಯನ ಕೈಕಾಲು ಆಡುವುದಿಲ್ಲ ಅನ್ನೋ ಸ್ಥಿತಿ ನಿರ್ಮಾಣವಾಗಿದೆ. ಸಣ್ಣಪುಟ್ಟ ಕೆಲಸಕ್ಕೂ ಮನುಷ್ಯ ಟೆಕ್ನಾಲಜಿ ಅದರಲ್ಲೂ ಇತ್ತೀಚಿಗೆ ಭಾರೀ ಸದ್ದು ಮಾಡುತ್ತಿರುವ ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ ಅನ್ನು ಮನುಷ್ಯ ವಿಪರೀತವಾಗಿ ಹಚ್ಚಿಕೊಂಡಿದ್ದಾನೆ. ಆದ್ರೆ ಈ ಟೆಕ್ನಾಲಜಿಯನ್ನ ಮಾನವನೆಂಬ ಬುದ್ದಿಜೀವ ಒಳ್ಳೆ ಕೆಲಸಕ್ಕಿಂತ ಹೆಚ್ಚಾಗಿ ಒಬ್ಬರಿಗೆ ಮೋಸ ಮಾಡುವ ಅಸ್ತ್ರವನ್ನಾಗಿ ಬಳಸಿಕೊಳ್ಳುತ್ತಿದ್ದಾನೆ. ಎಐ ಮೂಲಕ ಸೆಲೆಬ್ರಿಟಿಗಳ ಮುಖವನ್ನ ಮಾರ್ಫಿಂಗ್ ಮಾಡಿ ಜನರನ್ನ ಮೂರ್ಖನಾಗಿ ಮಾಡುತ್ತಿದ್ದಾನೆ.
ಸೆಲೆಬ್ರಿಟಿಗಳನ್ನ ಜಾಹೀರಾತಿಗಾಗಿ ಬಳಸಿಕೊಳ್ಳಲು ಸಾಕಷ್ಟು ಹಣವನ್ನ ವ್ಯಯಿಸಬೇಕು ಆದ್ರೆ ಈ ಆರ್ಟಿಫಿಷಿಯಲ್ ಇಂಟೆಲಿಜೆನ್ನ್‌‌‌‌‌ನಲ್ಲಿ ಕ್ಷಣ ಮಾತ್ರದಲ್ಲೇ ಸೆಲೆಬ್ರಿಟಿಗಳ ಮುಖ ಮಾರ್ಫಿಂಗ್ ಮಾಡಿ ಸೋಷಿಯಲ್ ಮೀಡಿಯಾದಲ್ಲಿ ಆ ಆ್ಯಡ್ಸ್‌‌‌‌‌ಗಳನ್ನ ಸೈಬರ್ ಕಳ್ಳರು ಸೋಷಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡುತ್ತಾರೆ. ಇದನ್ನ ಕಂಡ ಜನರು ಆ್ಯಡ್ಸ್‌‌‌‌‌ಗಳಿಗೆ ಮಾರು ಹೋಗಿ ಲಿಂಕ್ ಮೇಲೆ ಕ್ಲಿಕ್ ಮಾಡುತ್ತಾರೆ ಅಲ್ಲಿ ಬಂದ ಡಿಟೇಲ್ಸ್ ಗಳನ್ನ ತುಂಬಿಸಿ ಬ್ಯಾಂಕ್ ಅಕೌಂಟ್ ಡಿಟೇಲ್ಸ್‌‌‌‌‌‌‌ಗಳನ್ನ ನೀಡುತ್ತಾರೆ ಇದರಿಂದ ರಕ್ಷಣಾ ಮಾತ್ರದಲ್ಲೇ ಸೈಬರ್ ವಂಚಕರ ಕೈಗೆ ಎಲ್ಲಾ ಡಿಟೇಲ್ಸ್‌‌‌‌‌‌‌ಗಳು ಸಿಗುತ್ತದೆ. ಹೀಗಾಗಿ ಮೋಸ ಹೊದವರು ಕೂಡಲೇ ಸೈಬರ್ ಕ್ರೈಂಗೆ ದೂರು ದಾಖಲಿಸಬೇಕು ಜೊತೆಗೆ ಸೆಲೆಬ್ರೆಟಿಗಳು ಕೂಡ ಇದರ ಬಗ್ಗೆ ನಿಗಾ ವಹಿಸಬೇಕೆಂದು ಸೈಬರ್ ಎಕ್ಸ್‌ಪರ್ಟ್‌ಗಳು ಸಲಹೆ ನೀಡುತ್ತಾರೆ.
ಟೆಕ್ನಾಲಜಿಯಿಂದ ಸಾಕಷ್ಟು ಅನುಕೂಲಗಳಿವೆ. ಆದ್ರೆ ಅದೇ ಟೆಕ್ನಾಲಜಿಯನ್ನ ಕೆಟ್ಟದಾರಿಯಲ್ಲಿ ಬಳಸಿದ್ರೆ ಅಷ್ಟೇ ಅಪಾಯ ಕೂಡ ಇದೇ ಹೀಗಾಗಿ ಜನರು ಆದಷ್ಟು ಈ ರೀತಿಯ ಟೆಕ್ನಾಲಜಿ ಹಾಗೂ ಆ್ಯಡ್ಸ್‌‌‌‌‌ಗಳನ್ನ ಬಳಸುವ ಮುನ್ನ ಎಚ್ಚರ ವಹಿಸೋದು ಒಳಿತು.
