ಕ್ಯಾಪ್ಟನ್ ಜಿತೇಶ್, ವಿರಾಟ್ ಕೊಹ್ಲಿಯ ಅಬ್ಬರ, ಆರ್‌ಸಿಬಿಗೆ ಪಾಯಿಂಟ್ ಟೇಬಲ್‌ನಲ್ಲಿ ಟಾಪರ್!

ಐಪಿಎಲ್ 2025ರ ಕೊನೆಯ ಲೀಗ್ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ತಂಡವು ಲಕ್ನೋ ಸೂಪರ್ ಜೈಂಟ್ಸ್ (ಎಲ್‌ಎಸ್‌ಜಿ) ವಿರುದ್ಧ 228 ರನ್‌ಗಳ ಬೃಹತ್ ಟಾರ್ಗೆಟ್‌ನ್ನು ರೋಚಕವಾಗಿ ಚೇಸ್ ಮಾಡಿ ಗೆಲುವಿನ ನಗೆ ಬೀರಿತು. ನಾಯಕ ಜಿತೇಶ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿಯ ಸ್ಫೋಟಕ ಅರ್ಧಶತಕಗಳು, ಜೊತೆಗೆ ಕನ್ನಡಿಗ ಮಯಾಂಕ್ ಅಗರ್ವಾಲ್‌ರ ಕೊಡುಗೆಯಿಂದ ಆರ್‌ಸಿಬಿ 19 ಅಂಕಗಳೊಂದಿಗೆ ಪಾಯಿಂಟ್ ಟೇಬಲ್‌ನಲ್ಲಿ ಅಗ್ರಸ್ಥಾನಕ್ಕೇರಿತು. ಈ ಗೆಲುವಿನಿಂದ ಆರ್‌ಸಿಬಿಯ ರನ್ ರೇಟ್ (+0.92) ಕೂಡ ಉತ್ತಮವಾಗಿದ್ದು, ಪ್ಲೇಆಫ್‌ಗೆ ಟಾಪ್-2 ಸ್ಥಾನವನ್ನು ಗಿಟ್ಟಿಸಿಕೊಂಡಿದೆ.

ಲಕ್ನೋದ ಭಾರತ್ ರತ್ನ ಶ್ರೀ ಅಟಲ್ ಬಿಹಾರಿ ವಾಜಪೇಯಿ ಏಕನಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಆರ್‌ಸಿಬಿ ನಾಯಕ ಜಿತೇಶ್ ಶರ್ಮಾ ಟಾಸ್ ಗೆದ್ದು ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡರು. ಲಕ್ನೋ ಸೂಪರ್ ಜೈಂಟ್ಸ್‌ಗೆ ಬ್ಯಾಟಿಂಗ್‌ಗೆ ಆಹ್ವಾನ ನೀಡಿದರು. ಆದರೆ, ಲಕ್ನೋ ಓಪನರ್‌ಗಳಾದ ಮಿಚೆಲ್ ಮಾರ್ಷ್ ಮತ್ತು ಮ್ಯಾಥ್ಯೂ ಬ್ರೀಟ್ಜ್ಕೆ ಉತ್ತಮ ಆರಂಭ ನೀಡಲಿಲ್ಲ. ಮ್ಯಾಥ್ಯೂ ಕೇವಲ 14 ರನ್‌ಗೆ ಔಟಾದರು. ಆದರೆ, ರಿಷಭ್ ಪಂತ್‌ರ ಸ್ಫೋಟಕ ಸೆಂಚುರಿ (61 ಎಸೆತಗಳಲ್ಲಿ 11 ಬೌಂಡರಿ, 8 ಸಿಕ್ಸರ್‌ಗಳೊಂದಿಗೆ 118 ರನ್, ಅಜೇಯ) ಮತ್ತು ಮಿಚೆಲ್ ಮಾರ್ಷ್‌ರ 67 ರನ್‌ (37 ಎಸೆತಗಳಲ್ಲಿ 4 ಬೌಂಡರಿ, 5 ಸಿಕ್ಸರ್) ಲಕ್ನೋಗೆ 20 ಓವರ್‌ಗಳಲ್ಲಿ 3 ವಿಕೆಟ್‌ಗೆ 228 ರನ್‌ಗಳ ಬೃಹತ್ ಮೊತ್ತವನ್ನು ಕೊಟ್ಟಿತು.

228 ರನ್‌ಗಳ ದೊಡ್ಡ ಟಾರ್ಗೆಟ್‌ನ್ನು ಚೇಸ್ ಮಾಡಲು ಆರ್‌ಸಿಬಿ ಆರಂಭದಲ್ಲಿ ಒಳ್ಳೆಯ ಆರಂಭ ಪಡೆಯಿತು. ಓಪನರ್‌ಗಳಾದ ವಿರಾಟ್ ಕೊಹ್ಲಿ ಮತ್ತು ಫಿಲಿಪ್ ಸಾಲ್ಟ್ ತಂಡಕೆ ಡಿಯನ್ ಎಕ್ಸ್‌ಪ್ರೆಸ್‌ನಿಂದ ತೆಗೆದುಕೊಂಡಿತು. ಇಂಡಿಯನ್ ಎಕ್ಸ್‌ಪ್ರೆಸ್ 30 ರನ್‌ಗೆ ಫಿಲಿಪ್ ಸಾಲ್ಟ್ ಔಟಾದರೂ, ವಿರಾಟ್ ಕೊಹ್ಲಿಯ ಆಕ್ರಮಣಕಾರಿ ಬ್ಯಾಟಿಂಗ್ ತಂಡಕ್ಕೆ ಚೇತರಿಕೆ ನೀಡಿತು. ಕೊಹ್ಲಿ 27 ಎಸೆತಗಳಲ್ಲಿ 10 ಬೌಂಡರಿಗಳೊಂದಿಗೆ 54 ರನ್‌ಗೆ ಔಟಾದರು. ಆದರೆ, ರಜತ್ ಪಾಟಿದಾರ್ (14 ರನ್) ಮತ್ತು ಲಿಯಾಮ್ ಲಿವಿಂಗ್‌ಸ್ಟೋನ್ (ಡಕ್‌ಔಟ್) ಶೀಘ್ರವಾಗಿ ಔಟಾದರು, ಇದು ಆರ್‌ಸಿಬಿ ಅಭಿಮಾನಿಗಳಿಗೆ ನಿರಾಸೆ ತಂದಿತು.

ಸತತ ವಿಕೆಟ್‌ಗಳು ಬೀಳುತ್ತಿದ್ದರೂ, ನಾಯಕ ಜಿತೇಶ್ ಶರ್ಮಾ ತಮ್ಮ ಮೊದಲ ಐಪಿಎಲ್ ನಾಯಕತ್ವದ ಪಂದ್ಯದಲ್ಲಿ ಭರ್ಜರಿ ಪ್ರದರ್ಶನ ನೀಡಿದರು. ಕೇವಲ 21 ಎಸೆತಗಳಲ್ಲಿ 6 ಬೌಂಡರಿ ಮತ್ತು 3 ಸಿಕ್ಸರ್‌ಗಳೊಂದಿಗೆ ಅರ್ಧಶತಕ ಬಾರಿಸಿದ ಜಿತೇಶ್, 33 ಎಸೆತಗಳಲ್ಲಿ 8 ಬೌಂಡರಿ ಮತ್ತು 6 ಸಿಕ್ಸರ್‌ಗಳೊಂದಿಗೆ 85 ರನ್‌ (ಅಜೇಯ) ಸಿಡಿಸಿದರು. ಕನ್ನಡಿಗ ಮಯಾಂಕ್ ಅಗರ್ವಾಲ್ 23 ಎಸೆತಗಳಲ್ಲಿ 5 ಬೌಂಡರಿಗಳೊಂದಿಗೆ 41 ರನ್‌ ಗಳಿಸಿ ಉತ್ತಮ ಸಾಥ್ ನೀಡಿದರು. ಈ ಜೊತೆಯಾಟದಿಂದ ಆರ್‌ಸಿಬಿ 18.4 ಓವರ್‌ಗಳಲ್ಲಿ 4 ವಿಕೆಟ್‌ಗೆ 230 ರನ್‌ ಗಳಿಸಿ ರೋಚಕ ಗೆಲುವು ಸಾಧಿಸಿತು.

ಆರ್‌ಸಿಬಿಯ ಬೌಲಿಂಗ್ ಘಟಕವು ರಿಷಭ್ ಪಂತ್‌ರ ಸೆಂಚುರಿಯನ್ನು ತಡೆಯಲು ವಿಫಲವಾಯಿತಾದರೂ, ಭುವನೇಶ್ವರ್ ಕುಮಾರ್ ಮಿಚೆಲ್ ಮಾರ್ಷ್‌ರ ವಿಕೆಟ್ ಪಡೆದರು. ಆದರೆ, ಯಶ್ ದಯಾಲ್, ನುವಾನ್ ತುಷಾರ, ಮತ್ತು ಕೃನಾಲ್ ಪಾಂಡ್ಯರ ಬೌಲಿಂಗ್ ದುಬಾರಿಯಾಯಿತು. ಆದಾಗ್ಯೂ, ಬ್ಯಾಟಿಂಗ್‌ನಲ್ಲಿ ಜಿತೇಶ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿಯ ಆಕ್ರಮಣಕಾರಿ ಆಟವು ಆರ್‌ಸಿಬಿಗೆ ಈ ಗೆಲುವನ್ನು ತಂದುಕೊಟ್ಟಿತು. ಈ ಗೆಲುವಿನೊಂದಿಗೆ ಆರ್‌ಸಿಬಿ 19 ಅಂಕಗಳೊಂದಿಗೆ ಪಾಯಿಂಟ್ ಟೇಬಲ್‌ನಲ್ಲಿ ಮೊದಲ ಸ್ಥಾನಕ್ಕೇರಿತು, ಇದು ಪ್ಲೇಆಫ್‌ಗೆ ಉತ್ತಮ ಸ್ಥಾನವನ್ನು ಖಾತ್ರಿಪಡಿಸಿತು.