ಟೀಂ ಇಂಡಿಯಾದ ಮಾಜಿ ಕ್ಯಾಪ್ಟನ್ ದೀಪಕ್ ಹೂಡಾ. ಬಾಕ್ಸಿಂಗ್‌ನಲ್ಲಿ ವಿಶ್ವ ಚಾಂಪಿಯನ್ ಆಗಿದದ್ದ ಸವೀಟೀ ಬೂರಾ, ಇಬ್ಬರೂ ಎರಡೂವರೆ ವರ್ಷಗಳ ಹಿಂದೆ ಮದುವೆಯಾಗಿದ್ದವರು. ಈಗ ಇಬ್ಬರ ಜಗಳ ಪೊಲೀಸ್ ಠಾಣೆ ಮೆಟ್ಟಿಲೇರಿದೆ. ಠಾಣೆಯಲ್ಲಿಯೇ ಗಂಡ ಹೆಂಡತಿ ಹೊಡೆದಾಡಿಕೊಂಡಿದ್ದಾರೆ.
ಗಂಡ ಹೆಂಡತಿ ಜಗಳ ಉಂಡು ಮಲಗೋ ತನಕ.. ಅನ್ನೋ ಗಾದೆ ಸಿಕ್ಕಾಪಟ್ಟೆ ಓಲ್ಡ್ ಆಗಿ ಹೋಗಿದೆ. ಗಂಡ ಹೆಂಡತಿ ಜಗಳ.. ಪೊಲೀಸ್ ಸ್ಟೇಷನ್ ಮೆಟ್ಟಿಲೇರಿ, ಡಿವೋರ್ಸ್ ಹಂತಕ್ಕೆ ಹೋಗೋದು ಕಾಮನ್ ಆಗಿದೆ. ಇಲ್ಲೂ ಅಷ್ಟೇ, ಆತ ಕಬಡ್ಡಿ ಆಟಗಾರ. ಟೀಂ ಇಂಡಿಯಾದ ಮಾಜಿ ಕ್ಯಾಪ್ಟನ್. ದೀಪಕ್ ಹೂಡಾ.
ಈಕೆ ಬಾಕ್ಸರ್. ಬಾಕ್ಸಿಂಗ್‌ನಲ್ಲಿ ವಿಶ್ವ ಚಾಂಪಿಯನ್ ಆಗಿದ್ದವರು. ಸವೀಟೀ ಬೂರಾ. ಇವರಿಬ್ಬರೂ ಮದುವೆಯಾಗಿತ್ತು. ಮದುವೆಯಾಗಿ ಎರಡೂವರೆ ವರ್ಷವಾಗಿತ್ತಷ್ಟೇ. ಈಗ ನೋಡಿದರೆ.. ಗಂಡನಿಗೆ ಪೊಲೀಸ್ ಸ್ಟೇಷನ್ನಿನಲ್ಲಿಯೇ ಹೊಡೆದು ಸುದ್ದಿಯಾಗಿದ್ದಾರೆ.
ಸವೀಟೀ ಬೂರಾ. ಬಾಕ್ಸಿಂಗ್ ಲೋಕದ ಮಿಂಚು. ಅರ್ಜುನ ಪ್ರಶಸ್ತಿ ವಿಜೇತೆಯಾಗಿರೋ ಸವೀಟೀ, ಅಖಾಡಕ್ಕೆ ಧುಮುಕಿದರೆ ಚಿನ್ನದ ಪದಕಕ್ಕೇ ಗುರಿ ಇಡುತ್ತಿದ್ದ ಬಹದ್ದೂರ್ ಹೆಣ್ಣು. ಏಷ್ಯಾ ಕಪ್, ವಿಶ್ವಕಪ್ ಪಂದ್ಯಗಳಲ್ಲಿ ಚಾಂಪಿಯನ್ ಆಗಿದ್ದವರು.
ಈಗ ಈಕೆ ತನ್ನ ಗಂಡ ದೀಪಕ್ ಹೂಡಾ ಮೇಲೆ ವರದಕ್ಷಿಣೆ ಕಿರುಕುಳ ಕೊಟ್ಟ ಆರೋಪ ಹೊರಿಸಿದ್ದಾರೆ. ವಿಷ್ಯ ಏನಂದ್ರೆ ದೀಪಕ್ ಹೂಡಾ ಮದುವೆ ಟೈಮಲ್ಲಿ ಒಂದು ಕೋಟಿ ವರದಕ್ಷಿಣೆ ಕೇಳಿದ್ರಂತೆ. ಅದನ್ನ ಕೊಟ್ಟೂ ಒಂದು ಫಾರ್ಚೂನರ್ ಕಾರನ್ನ ಕೊಟ್ಟಿದ್ದರಂತೆ. ಆದರೆ ಮತ್ತೆ ಮತ್ತೆ ವರದಕ್ಷಿಣೆ ಹಣಕ್ಕಾಗಿ ಪೀಡಿಸ್ತಿದ್ದರಂತೆ ದೀಪಕ್ ಹೂಡಾ. ಪೊಲೀಸ್ ಕಂಪ್ಲೇಂಟ್ ಆಗಿದ್ದ ಕಾರಣ, ಪೊಲೀಸರು ಇಬ್ಬರನ್ನೂ ಸಂಧಾನಕ್ಕಾಗಿ ಸ್ಟೇಷನ್ನಿಗೆ ಕರೆಸಿದ್ದಾರೆ. ಮಾತಿಗೆ ಮಾತು ಬೆಳೆದು ಹೊಡೆದಾಟಕ್ಕೂ ತಿರುಗಿದೆ.
ಇನ್ನು ದೀಪಕ್ ಹೂಡಾ. ಕಬಡ್ಡಿ ಆಟಗಾರ. ಟೀಂ ಇಂಡಿಯಾ ಮಾಜಿ ಕ್ಯಾಪ್ಟನ್ ಆಗಿದ್ದವರು. ದಕ್ಷಿಣ ಏಷ್ಯಾ ಕಪ್ ಗೆದ್ದ ತಂಡದಲ್ಲಿದ್ದವರು. ಪ್ರೊ-ಕಬಡ್ಡಿಯಲ್ಲಿಯೂ ದೀಪಕ್ ಹೂಡಾ ಸ್ಟಾರ್ ಆಟಗಾರ. ಕಳೆದ ವರ್ಷ ಬಿಜೆಪಿ ಸೇರಿ, ಹರಿಯಾಣ ವಿಧಾನಸಭೆ ಚುನಾವಣೆಯಲ್ಲಿ ಸ್ಪರ್ಧಿಸಿ ಸೋತಿದ್ದರು. ಈಗ ಹೆಂಡತಿಯಿಂದ ಹೊಡೆಸಿಕೊಂಡು ಸುದ್ದಿಯಾಗಿದ್ದಾರೆ.
ಈಗ ಅವರೂ ಕೂಡಾ ಹೆಂಡತಿಯ ವಿರುದ್ಧ ಮಾನಸಿಕ ಕಿರುಕುಳ, ಹಲ್ಲೆ ಮತ್ತು ಕೊಲೆ ಯತ್ನದ ದೂರು ಸಲ್ಲಿಸಿದ್ದಾರೆ.
ಮೂಲಗಳ ಪ್ರಕಾರ ದೀಪಕ್ ಹೂಡಾ ಬಿಜೆಪಿ ಸೇರಿದ್ದು ಕೂಡಾ ಈ ಗಲಾಟೆಗೆ ಕಾರಣ ಎನ್ನಲಾಗುತ್ತಿದೆ.
