ಬಾಲ್ ಟ್ಯಾಂಪರಿಂಗ್ ಮಾಡಿದ್ರಾ ಚೆನ್ನೈ ಸೂಪರ್ ಕಿಂಗ್ಸ್..? ಏನಿದು ವೈರಲ್ ವಿಡಿಯೋ ಅಸಲಿ ಕಥೆ..?

ಮುಂಬೈ ವರ್ಸಸ್ ಚೆನ್ನೈ ನಡುವಿನ ಮ್ಯಾಚ್ ಮುಕ್ತಾಯವಾಗಿದೆ.ಮ್ಯಾಚ್ ಶುರುವಾದ ನಂತರ 3ನೇ ಬಾಲಿನಲ್ಲಿ ಶುರುವಾದ ಮುಂಬೈ ಇಂಡಿಯನ್ಸ್ ಬ್ಯಾಟ್ಸ್‌ಮನ್‌ಗಳ ಪತನ ಆರಂಭವಾಯ್ತು. ರೋಹಿತ್ ಶರ್ಮಾ, ಖಲೀಲ್ ಅಹ್ಮದ್ ಬೌಲಿಂಗಿನಲ್ಲಿ ನೂರ್ ಅಹ್ಮದ್ ಅವರಿಗೆ ಕ್ಯಾಚ್ ಕೊಟ್ಟರು. ಆದರೆ, ಈಗ ಅದೇ ಅನುಮಾನ ಸೃಷ್ಟಿಸಿದೆ. ಚೆನ್ನೈ ಸೂಪರ್ ಕಿಂಗ್ಸ್ ಟೀಂನವರು ಬಾಲ್ ಟ್ಯಾಂಪರಿಂಗ್ ಮಾಡಿದ್ರು ಅನ್ನೋ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗ್ತಿದೆ.

ಆ ವಿಡಿಯೋದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಕ್ಯಾಪ್ಟನ್ ಋತುರಾಜ್ ಗಾಯಕ್ವಾಡ್, ಖಲೀಲ್ ಅಹ್ಮದ್ ಅವರ ಬಳಿಗೆ ಬರ್ತಾರೆ. ಜೇಬಿನಿಂದ ಏನೋ ಕೊಡ್ತಾರೆ. ಅದನ್ನ ಖಲೀಲ್ ಅಹ್ಮದ್, ಕ್ಯಾಮೆರಾಗೆ ಆಪೋಸಿಟ್ ತಿರುಗಿ ಏನೋ ಉಜ್ಜಿಕೊಂಡಂತೆ ಕಾಣುತ್ತೆ. ಆನಂತರದ ಬಾಲಿನಲ್ಲೇ ರೋಹಿತ್ ಶರ್ಮಾ, ಖಲೀಲ್ ಅಹ್ಮದ್ ಬೌಲಿಂಗಿನಲ್ಲಿ ಫೋರ್ ಹೊಡೆಯೋಕೆ ಹೋಗಿ, ಔಟ್ ಆಗ್ತಾರೆ.

ಕಮೆಂಟೇಟರುಗಳ ಪ್ರಕಾರ ಅದು ಸ್ಲೋಬಾಲ್, ಅಂದುಕೊಂಡಷ್ಟು ಸ್ವಿಂಗ್ ಆಗಲಿಲ್ಲ. ಹೀಗಾಗಿ ಕ್ಯಾಚ್ ಆಯ್ತು. ಆದರೆ, ಹಾಗೆ ಸ್ವಿಂಗ್ ಆಗದೇ ಇರೋಕೆ ಕಾರಣ, ಹೊಸ ಬಾಲ್ ಹೆಚ್ಚು ಸ್ವಿಂಗ್ ಆಗದಂತೆ ಟ್ಯಾಂಪರ್ ಮಾಡಿದ್ದು ಅನ್ನೋದು ಸೋಷಿಯಲ್ ಮೀಡಿಯಾ ಪಂಡಿತರ ವಾದ.
ಇದು ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡ್ತಾ ಇದೆ. ಅಷ್ಟೇ ಹೊರತು, ಯಾವುದೇ ರೀತಿಯ ಅಧಿಕೃತ ಕಂಪ್ಲೇಂಟ್ ಆಗಿಲ್ಲ. ಅಷ್ಟೇ ಯಾಕೆ, ಯಾವುದೇ ಕ್ರಿಕೆಟ್ ಎಕ್ಸ್‌ಪರ್ಟ್ ಈ ಬಗ್ಗೆ ರಿಯಾಕ್ಟ್ ಮಾಡಿಲ್ಲ. ಮುಂಬೈ ಇಂಡಿಯನ್ಸ್ ಟೀಂನವರು ಕೂಡಾ ರೋಹಿತ್ ಶರ್ಮಾ ಔಟ್ ಆಗಿದ್ದನ್ನ ನಾರ್ಮಲ್ ಆಗಿಯೇ ತೆಗೆದುಕೊಂಡಿದ್ದಾರೆ.
ಅಲ್ಲದೆ ಚೆನ್ನೈನ ಚೆಪಾಕ್ ಪಿಚ್, ನಾರ್ಮಲ್ ಆಗಿಯೇ ಸ್ಲೋ ಪಿಚ್. ಸ್ಪಿನ್ ಸ್ನೇಹಿ. ಮುಂಬೈ ಇಂಡಿಯನ್ಸ್ ತಂಡದವರು ಸ್ಪಿನ್‌ಗೆ ಆಡುವಂತೆ ಆಡಲೇ ಇಲ್ಲ. ಬದಲಿಗೆ ಅಟ್ಯಾಕಿಂಗ್ ಮೋಡಿಗೆ ಹೋಗಿ ಆಡೋಕೆ ಹೋಗಿ, ಔಟ್ ಆದರು. ಇಷ್ಟಕ್ಕೂ ಫಾಸ್ಟ್ ಬೌಲರಿಗೆ ಸ್ವಿಂಗ್ ಆಗದಂತೆ ಟ್ಯಾಂಪರ್ ಮಾಡೋ ಅಗತ್ಯವೇ ಇಲ್ಲ. ಅಲ್ಲದೆ ಮೊದಲ ಓವರಿನಲ್ಲಿ ಖಲೀಲ್ ಅಹ್ಮದ್ ಹಾಗೆಲ್ಲ ಮಾಡೋ ಅಗತ್ಯ ಇಲ್ಲ ಅಂತಾ ಕೌಂಟರ್ ವಾದವೂ ಇದೆ.
ಆದರೆ ಆರೋಪ ಬಂದಿರೋದು ಚೆನ್ನೈ ಸೂಪರ್ ಕಿಂಗ್ಸ್ ಮೇಲೆ. ಈ ಹಿಂದೆ ಸ್ಪಾಟ್ ಫಿಕ್ಸಿಂಗ್ ಹಗರಣದಲ್ಲಿ ಎರಡು ವರ್ಷ ಬ್ಯಾನ್ ಆಗಿದ್ದ ಟೀಂ. ಹೀಗಾಗಿ ಇದ್ದರೂ ಇರಬಹುದು ಅನ್ನೋ ವಾದವೂ ಇದೆ.
ಆದರೆ ಮೇಲ್ನೋಟಕ್ಕೆ ಕಾಣುವಷ್ಟು ವಿಷಯ ಸೀರಿಯಸ್ ಆಗೇನಿಲ್ಲ. ರೋಹಿತ್ ಶರ್ಮಾ ಹೆಚ್ಚು ಹೊತ್ತು ಕ್ರೀಸಿನಲ್ಲಿದ್ದರೆ ಡೇಂಜರ್ ಅನ್ನೋದು ಎಲ್ಲರಿಗೂ ಗೊತ್ತಿರೋ ವಿಷಯ. ರೋಹಿತ್ ಶರ್ಮಾಗೆ ಧೋನಿ ಒಂದು ಸ್ಪೆಷಲ್ ಪ್ಲಾನ್ ಮಾಡ್ಕೊಂಡೇ ಬರ್ತಾರೆ.
ಇತ್ತೀಚೆಗೆ ಕಳೆದ 4 ಪಂದ್ಯಗಳಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಮುಂಬೈ ಗೆಲ್ಲೋಕೆ ಆಗಿಲ್ಲ. ಇನ್ನು ಚೆನ್ನೈನ ಚೆಪಾಕ್‌ನಲ್ಲಿ ಕಳೆದ ಎರಡು ಪಂದ್ಯಗಳಲ್ಲಿ ರೋಹಿತ್ ಶರ್ಮಾ ಬ್ಯಾಕ್ ಟು ಬ್ಯಾಕ್ ಸೊನ್ನೆ ಸುತ್ತಿದ್ಧಾರೆ. ಡಕ್ ಔಟ್ ರೆಕಾರ್ಡ್ ಸಂಖ್ಯೆ 18ಕ್ಕೆ ಏರಿಸಿಕೊಂಡು ಕೆಟ್ಟ ದಾಖಲೆಯೊಂದನ್ನ ತಮ್ಮ ಹೆಸರಿಗೆ ಬರೆದುಕೊಂಡಿದ್ದಾರೆ. 2013ರಿಂದ ಮುಂಬೈ ಇಂಡಿಯನ್ಸ್ ಸತತವಾಗಿ ಮೊದಲ ಪಂದ್ಯಗಳನ್ನು ಸೋಲೋದು ಸಂಪ್ರದಾಯವೇ ಆಗಿ ಹೋಗಿದೆ. ಹೀಗಾಗಿ ಯಾವ ಫಿಕ್ಸಿಂಗೂ ಇಲ್ಲ. ಟ್ಯಾಂಪರಿಂಗೂ ಇಲ್ಲ ಅನ್ನೋ ವಾದವೂ ಬರ್ತಾ ಇದೆ. ಟೋಟಲ್ಲಿ ಐಪಿಎಲ್ ಮತ್ತೊಂದ್ಸಲ ವೀಕ್ಷಕರ ಕೆಂಗಣ್ಣಿಗೆ ತುತ್ತಾಗಿದೆ.