ಇಂದು ಮಂಗಳವಾರ. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಮಂಗಳವಾರವು ಶಕ್ತಿ, ಧೈರ್ಯ ಹಾಗೂ ಕಾರ್ಯಸಾಧನೆಗೆ ಸಂಬಂಧಿಸಿದ ದಿನವಾಗಿದೆ. ಇಂದಿನ ದಿನ ಯಾವ ರಾಶಿಗೆ ಶುಭ, ಯಾವ ರಾಶಿಗೆ ಎಚ್ಚರಿಕೆ ಅಗತ್ಯ, ಆರೋಗ್ಯ, ಉದ್ಯೋಗ, ವ್ಯಾಪಾರ, ದಾಂಪತ್ಯ ಹಾಗೂ ಆರ್ಥಿಕ ಸ್ಥಿತಿಗಳ ಬಗ್ಗೆ ಇಲ್ಲಿದೆ ಸಂಪೂರ್ಣ ರಾಶಿ ಭವಿಷ್ಯ.
ಮೇಷ ರಾಶಿ
ಮೇಷ ರಾಶಿಯವರಿಗೆ ಇಂದು ಔಷಧ ವ್ಯಾಪಾರದಲ್ಲಿ ಲಾಭ ಕಂಡುಬರುವ ಸಾಧ್ಯತೆ ಇದೆ. ವೈದ್ಯ ವೃತ್ತಿಯಲ್ಲಿರುವವರಿಗೆ ಉತ್ತಮ ಆದಾಯ ನಿರೀಕ್ಷಿಸಬಹುದು. ಹೊಸ ಅವಕಾಶಗಳು ಎದುರಾಗಬಹುದು. ಆದರೆ ಮಕ್ಕಳ ವಿಚಾರದಲ್ಲಿ ಸ್ವಲ್ಪ ಕಿರಿಕಿರಿ ಉಂಟಾಗುವ ಸಾಧ್ಯತೆ ಇದೆ. ಸ್ತ್ರೀಯರಿಗೆ ಮನಸ್ಸಿನಲ್ಲಿ ಗೊಂದಲ ಉಂಟಾಗಬಹುದು. ಮನಶಾಂತಿಗಾಗಿ ಈಶ್ವರ ಪ್ರಾರ್ಥನೆ ಮಾಡುವುದು ಒಳಿತು.
ವೃಷಭ ರಾಶಿ
ಇಂದು ವೃಷಭ ರಾಶಿಯವರಿಗೆ ಕಾರ್ಯಗಳಲ್ಲಿ ತೊಡಕು ಎದುರಾಗಬಹುದು. ಕೃಷಿಕರಿಗೆ ಕೆಲಸದಲ್ಲಿ ಅಡೆತಡೆಗಳ ಸಾಧ್ಯತೆ ಇದೆ. ಪ್ರಯಾಣ ಮಾಡುವಾಗ ಎಚ್ಚರ ಅಗತ್ಯ, ವಿಶೇಷವಾಗಿ ಬೆಟ್ಟಗುಡ್ಡ ಪ್ರದೇಶಗಳಲ್ಲಿ ಜಾಗ್ರತೆ ವಹಿಸಬೇಕು. ಆದರೆ ಕಟ್ಟಡ ನಿರ್ಮಾಣ ಮತ್ತು ರಿಯಲ್ ಎಸ್ಟೇಟ್ ವ್ಯವಹಾರದಲ್ಲಿ ಲಾಭ ಸಾಧ್ಯ.
ಮಿಥುನ ರಾಶಿ
ಮಿಥುನ ರಾಶಿಯವರಿಗೆ ಇಂದು ಕಾರ್ಯಗಳಲ್ಲಿ ಅನುಕೂಲಕರ ವಾತಾವರಣ ಇರುತ್ತದೆ. ಹಿರಿಯರ ಸಹಕಾರ ದೊರೆಯಲಿದೆ. ಧಾರ್ಮಿಕ ಕಾರ್ಯಗಳಲ್ಲಿ ಸ್ವಲ್ಪ ವ್ಯತ್ಯಾಸ ಕಂಡುಬರುವುದು. ಸ್ತ್ರೀಯರಿಗೆ ಆತಂಕ ಉಂಟಾಗಬಹುದು. ಮಾನಸಿಕ ಶಾಂತಿಗಾಗಿ ವಿಷ್ಣು ಸಹಸ್ರನಾಮ ಪಠಣ ಮಾಡುವುದು ಉತ್ತಮ.
ಕರ್ಕ ರಾಶಿ
ಇಂದು ಕರ್ಕ ರಾಶಿಯವರಿಗೆ ಆಹಾರದಲ್ಲಿ ವ್ಯತ್ಯಾಸ ಕಾಣಬಹುದು. ಕುಟುಂಬದಲ್ಲಿ ಸ್ತ್ರೀಯರ ನಡುವೆ ಘರ್ಷಣೆ ಸಂಭವಿಸುವ ಸಾಧ್ಯತೆ ಇದೆ. ಆರೋಗ್ಯದಲ್ಲಿ ಸ್ವಲ್ಪ ವ್ಯತ್ಯಾಸ ಇದ್ದರೂ ಕಾರ್ಯ ಮತ್ತು ವ್ಯಾಪಾರದಲ್ಲಿ ಅನುಕೂಲ ಕಂಡುಬರುತ್ತದೆ. ವಿಷ್ಣು ಸನ್ನಿಧಾನಕ್ಕೆ ಹೆಸರುಕಾಳು ದಾನ ಮಾಡುವುದು ಲಾಭದಾಯಕ.
ಸಿಂಹ ರಾಶಿ
ಸಿಂಹ ರಾಶಿಯವರಿಗೆ ಉದ್ಯೋಗದಲ್ಲಿ ನಷ್ಟ ಸಂಭವಿಸುವ ಸಾಧ್ಯತೆ ಇದೆ. ಆದರೆ ಸಿಹಿ ಪದಾರ್ಥಗಳ ವ್ಯಾಪಾರದಲ್ಲಿ ಲಾಭ ದೊರೆಯಲಿದೆ. ದಾಂಪತ್ಯ ಜೀವನದಲ್ಲಿ ಕಿರಿಕಿರಿ ಉಂಟಾಗಬಹುದು. ಮನಸ್ಸಿನ ಸಮತೋಲನಕ್ಕಾಗಿ ವಿಷ್ಣು ಸನ್ನಿಧಾನದಲ್ಲಿ ಪಂಚಾಮೃತ ಅಭಿಷೇಕ ಮಾಡಿಸುವುದು ಶುಭ.
ಕನ್ಯಾ ರಾಶಿ
ಕನ್ಯಾ ರಾಶಿಯವರಿಗೆ ಇಂದು ಆರೋಗ್ಯದ ಕಡೆ ಹೆಚ್ಚು ಗಮನ ಅಗತ್ಯ. ವಿಶೇಷವಾಗಿ ಉದರ ಸಂಬಂಧಿ ತೊಂದರೆ ಕಾಣಬಹುದು. ಕೆಲಸದ ಸ್ಥಳದಲ್ಲಿ ಶತ್ರುಗಳಿಂದ ತೊಂದರೆ ಸಾಧ್ಯ. ಬಂಧುಗಳಲ್ಲಿ ವೈರಾಭಾವ ಉಂಟಾಗಬಹುದು. ವಿಷ್ಣು ಪ್ರಾರ್ಥನೆ ನಿಮ್ಮನ್ನು ರಕ್ಷಿಸುತ್ತದೆ.
ತುಲಾ ರಾಶಿ
ತುಲಾ ರಾಶಿಯವರಿಗೆ ಇಂದು ಕಾರ್ಯಗಳಲ್ಲಿ ಲಾಭ ಕಂಡುಬರುತ್ತದೆ. ಹಾಲು ಹಾಗೂ ಹೈನುಗಾರಿಕೆ ಸಂಬಂಧಿತ ವೃತ್ತಿಯಲ್ಲಿ ಶುಭ ಫಲ ದೊರೆಯಲಿದೆ. ಸ್ತ್ರೀಯರಿಗೆ ಲಾಭದ ದಿನ. ಆದರೆ ಬುದ್ಧಿಭ್ರಮೆ ಹಾಗೂ ದುರ್ಜನರ ಸಹವಾಸದಿಂದ ದೂರವಿರುವುದು ಒಳಿತು. ವಿಷ್ಣು ಸಹಸ್ರನಾಮ ಪಠಣೆ ಲಾಭಕರ.
ವೃಶ್ಚಿಕ ರಾಶಿ
ಇಂದು ವೃಶ್ಚಿಕ ರಾಶಿಯವರಿಗೆ ಕಾರ್ಯಗಳಲ್ಲಿ ತೊಂದರೆ ಉಂಟಾಗಬಹುದು. ಸ್ತ್ರೀಯರಿಗೆ ಹೆಚ್ಚು ಪರಿಶ್ರಮದ ದಿನ. ಹೃದಯ ಸಂಬಂಧಿ ಸಮಸ್ಯೆ ಇರುವವರು ಎಚ್ಚರ ವಹಿಸಬೇಕು. ಪ್ರಯಾಣದಲ್ಲಿ ತೊಂದರೆ ಸಾಧ್ಯ. ನಾಗ ಕವಚ ಪಠಣ ಶುಭಕರ.
ಧನು ರಾಶಿ
ಧನು ರಾಶಿಯವರಿಗೆ ಕಾರ್ಯಗಳಲ್ಲಿ ಸ್ವಲ್ಪ ತೊಂದರೆ ಇದ್ದರೂ ದಾಂಪತ್ಯದಲ್ಲಿ ಉತ್ತಮ ಸಹಕಾರ ದೊರೆಯಲಿದೆ. ಗಂಟಲು ಹಾಗೂ ಕಿವಿ ಸಂಬಂಧಿ ತೊಂದರೆ ಕಾಣಬಹುದು. ಶುಭ ಕಾರ್ಯಗಳು ನೆರವೇರಲಿವೆ. ಹಣಕಾಸಿನ ಸಮೃದ್ಧಿ ನಿರೀಕ್ಷಿಸಬಹುದು. ವಿಷ್ಣು ಪ್ರಾರ್ಥನೆ ಮಾಡುವುದು ಒಳಿತು.
ಮಕರ ರಾಶಿ
ಮಕರ ರಾಶಿಯವರಿಗೆ ಆಹಾರದಲ್ಲಿ ವ್ಯತ್ಯಾಸ ಉಂಟಾಗಬಹುದು. ಮುಖದಲ್ಲಿ ಕಲೆ ಅಥವಾ ಆರೋಗ್ಯದ ಚಿಂತೆ ಕಾಣಬಹುದು. ಮನಸ್ಸಿಗೆ ನೋವು ತರಬಹುದಾದ ಘಟನೆಗಳು ಸಂಭವಿಸಬಹುದು. ಆದರೆ ಕಾರ್ಯಗಳಲ್ಲಿ ಅನುಕೂಲಕರ ಫಲ ದೊರೆಯಲಿದೆ. ಈಶ್ವರ ಪ್ರಾರ್ಥನೆ ಶಾಂತಿ ನೀಡುತ್ತದೆ.
ಕುಂಭ ರಾಶಿ
ಕುಂಭ ರಾಶಿಯವರಿಗೆ ಇಂದು ಶ್ರಮ ಹೆಚ್ಚಾಗುತ್ತದೆ. ಕಣ್ಣು ಹಾಗೂ ಮುಖ ಸಂಬಂಧಿ ತೊಂದರೆ ಸಾಧ್ಯ. ದಾಂಪತ್ಯದಲ್ಲಿ ಕಿರಿಕಿರಿ ಹಾಗೂ ವ್ಯವಹಾರದಲ್ಲಿ ಹಿನ್ನಡೆ ಎದುರಾಗಬಹುದು. ಆದರೆ ಬುದ್ಧಿಚಾತುರ್ಯದಿಂದ ಸಮಸ್ಯೆಗಳನ್ನು ನಿಭಾಯಿಸಬಹುದು. ಗುರು ಸೇವೆ ಲಾಭದಾಯಕ.
ಮೀನ ರಾಶಿ
ಮೀನ ರಾಶಿಯವರಿಗೆ ಕಾರ್ಯಗಳಲ್ಲಿ ಅನುಕೂಲಕರ ಫಲ ದೊರೆಯಲಿದೆ. ಸಹೋದ್ಯೋಗಿಗಳ ಸಹಕಾರ ಸಿಗುತ್ತದೆ. ಸ್ತ್ರೀಯರಿಗೆ ಸಾಲದ ಚಿಂತೆ ಇರಬಹುದು. ದಾಂಪತ್ಯದಲ್ಲಿ ಕಲಹ ಸಂಭವಿಸಬಹುದು. ಲಕ್ಷ್ಮೀನಾರಾಯಣರಿಗೆ ಪಂಚಾಮೃತ ಸೇವೆ ಮಾಡಿಸುವುದು ಶುಭ ಫಲ ನೀಡುತ್ತದೆ.