ಜನ್ಮಸಂಖ್ಯೆ 1, 10, 19, 28
ಇಂದು ನಿಮಗೆ ಪ್ರಯಾಣದ ಯೋಗವಿದ್ದರೂ, ಕೊನೆ ಕ್ಷಣದಲ್ಲಿ ಅಡೆತಡೆಗಳು ಎದುರಾಗಬಹುದು. ಸಿದ್ಧತೆ ಮಾಡಿಕೊಂಡ ಪ್ರವಾಸ ರದ್ದಾಗುವ ಸಾಧ್ಯತೆ ಇದೆ, ಇದನ್ನು ಸಮಾಧಾನದಿಂದ ಸ್ವೀಕರಿಸಿ. ಹೊಸ ಸ್ನೇಹದ ವಿಚಾರದಲ್ಲಿ ಅಂತರ ಕಾಯ್ದುಕೊಳ್ಳುವುದು ಒಳಿತು. ಇತರರ ತಪ್ಪುಗಳನ್ನು ತಿದ್ದುವಾಗ ಸಿಟ್ಟಿನಿಂದ ವರ್ತಿಸಬೇಡಿ, ನಿಮ್ಮ ಸೌಮ್ಯ ಮಾತುಗಳು ಹೆಚ್ಚು ಪರಿಣಾಮಕಾರಿ ಎಂದು ನೆನಪಿಡಿ.
ಜನ್ಮಸಂಖ್ಯೆ2, 11, 20, 29
ನಿಮ್ಮಲ್ಲಿ ಹೊಸ ಆಶಯಗಳು ಚಿಗುರಲಿವೆ. ಪೊಲೀಸ್ ಮತ್ತು ಸೇನಾ ಪಡೆಯಲ್ಲಿರುವವರಿಗೆ ಬಾಕಿ ಇದ್ದ ಸವಲತ್ತುಗಳು ಇಂದು ದೊರೆಯಲಿವೆ. ಶಿಕ್ಷಕರು ಹೊಸ ಬೋಧನಾ ಶೈಲಿಯ ಮೂಲಕ ವಿದ್ಯಾರ್ಥಿಗಳ ಮನಗೆಲ್ಲುವಿರಿ. ಕಲಾಕ್ಷೇತ್ರದಲ್ಲಿರುವವರಿಗೆ ಗುರುವಿನ ಸಮಾನರಾದ ವ್ಯಕ್ತಿಗಳಿಂದ ಮಾರ್ಗದರ್ಶನ ಸಿಗಲಿದ್ದು, ನಿಮ್ಮ ಸೃಜನಾತ್ಮಕ ಶಕ್ತಿ ವೃದ್ಧಿಯಾಗಲಿದೆ.
ಜನ್ಮಸಂಖ್ಯೆ 3, 12, 21, 30
ಕ್ರೀಡಾಪಟುಗಳಿಗೆ ಇಂದು ಕಠಿಣ ಅಭ್ಯಾಸದ ದಿನ. ವ್ಯಾಪಾರಿಗಳು ಗ್ರಾಹಕರ ಫೀಡ್ಬ್ಯಾಕ್ ಗಮನಿಸಿ ಬದಲಾವಣೆ ಮಾಡಿಕೊಂಡರೆ ಲಾಭ ನಿಶ್ಚಿತ. ಆರ್ಥಿಕವಾಗಿ ಹತೋಟಿ ಇರಲಿ. ಕುಟುಂಬದ ಬೆಂಬಲದಿಂದ ಮಾನಸಿಕ ಒತ್ತಡ ಕಡಿಮೆಯಾಗಲಿದೆ.
ಜನ್ಮಸಂಖ್ಯೆ 4, 13, 22, 31
ಇಂದು ಖರ್ಚುಗಳ ಮೇಲೆ ಹಿಡಿತ ಸಾಧಿಸುವುದು ಅತ್ಯಗತ್ಯ. ನಿಮ್ಮ ಕೌಟುಂಬಿಕ ಸವಾಲುಗಳನ್ನು ಸ್ನೇಹಿತರ ಮುಂದೆ ಹಂಚಿಕೊಳ್ಳಬೇಡಿ, ಅದು ಅಡ್ಡಪರಿಣಾಮ ಬೀರಬಹುದು. ಫ್ರೀಲ್ಯಾನ್ಸರ್ಗಳಿಗೆ ಕೆಲಸದ ಒತ್ತಡ ಹೆಚ್ಚಿರಲಿದೆ. ವಿದೇಶ ಅಥವಾ ದೂರದ ಊರಿನಲ್ಲಿ ಓದುತ್ತಿರುವ ಮಕ್ಕಳ ಶಿಕ್ಷಣದ ಬಗ್ಗೆ ಮಹತ್ವದ ತೀರ್ಮಾನ ತೆಗೆದುಕೊಳ್ಳುವ ಸಮಯವಿದು.
ಜನ್ಮಸಂಖ್ಯೆ 5, 14, 23
ಪ್ರೀತಿ-ಪ್ರೇಮದ ವಿಚಾರದಲ್ಲಿ ಭಾವನಾತ್ಮಕ ನಿರ್ಧಾರಗಳು ಕಠಿಣವೆನಿಸಬಹುದು. ಎಲ್ಲರನ್ನೂ ಮೆಚ್ಚಿಸಲು ಹೋಗಿ ನಿಮ್ಮನ್ನು ನೀವು ಕಳೆದುಕೊಳ್ಳಬೇಡಿ. ಜಂಕ್ ಫುಡ್ ಸೇವನೆಯಿಂದ ಆರೋಗ್ಯ ಹದಗೆಡಬಹುದು, ಎಚ್ಚರವಿರಲಿ. ಮಾಧ್ಯಮ ರಂಗದಲ್ಲಿರುವವರಿಗೆ ಹೊಸ ಉದ್ಯೋಗದ ಆಫರ್ ಬರುವ ಸಾಧ್ಯತೆ ದಟ್ಟವಾಗಿದೆ.
ಜನ್ಮಸಂಖ್ಯೆ 6, 15, 24
ಬಾಡಿಗೆ ಮನೆ ಹುಡುಕುತ್ತಿರುವವರಿಗೆ ಇಂದು ಶುಭ ಸುದ್ದಿ ಸಿಗಲಿದೆ. ಆಸ್ತಿ ಮಾರಾಟದ ಬಗ್ಗೆ ಗಂಭೀರ ಚಿಂತನೆ ನಡೆಸುವಿರಿ. ಹೂಡಿಕೆಗೆ ಹಣದ ಬಳಕೆ ಮಾಡುವ ಯೋಚನೆ ಬರಲಿದೆ. ಆದರೆ ಆಪ್ತ ಸ್ನೇಹಿತರ ಕೆಲವು ನಿರ್ಧಾರಗಳು ನಿಮಗೆ ಕಿರಿಕಿರಿ ಉಂಟುಮಾಡಬಹುದು.
ಜನ್ಮಸಂಖ್ಯೆ7, 16, 25
ಉದ್ಯೋಗಸ್ಥರಿಗೆ ಮೇಲಧಿಕಾರಿಗಳ ಸಂಪೂರ್ಣ ಬೆಂಬಲ ಸಿಗಲಿದೆ. ವ್ಯಾಪಾರಸ್ಥರು ಆರ್ಡರ್ಗಳನ್ನು ಸಮಯಕ್ಕೆ ಸರಿಯಾಗಿ ಪೂರೈಸಿ ಮೆಚ್ಚುಗೆ ಗಳಿಸುವಿರಿ. ರೈತರಿಗೆ ಬೆಳೆ ಮಾರಾಟದಲ್ಲಿ ಲಾಭದಾಯಕ ದಿನವಿದು. ಕ್ರಿಯೇಟಿವ್ ಕೆಲಸಗಳಲ್ಲಿ ತೊಡಗಿಸಿಕೊಂಡವರಿಗೆ ಹೊಸ ಆಲೋಚನೆಗಳು ಹೊಳೆಯಲಿವೆ.
ಜನ್ಮಸಂಖ್ಯೆ 8, 17, 26
ಹಿರಿಯರ ಆಶೀರ್ವಾದ ಮತ್ತು ಸಹಕಾರ ನಿಮ್ಮ ಮೇಲಿರುತ್ತದೆ. ಪ್ರೇಮಿಗಳ ನಡುವೆ ಬಾಂಧವ್ಯ ಗಟ್ಟಿಯಾಗಲಿದೆ. ಆದಾಯ ಮತ್ತು ವೆಚ್ಚದ ನಡುವೆ ಸಮತೋಲನ ಕಾಪಾಡಿ. ಸರಿಯಾದ ನಿದ್ರೆ ಮತ್ತು ಆಹಾರ ಕ್ರಮದ ಕಡೆಗೆ ಗಮನ ನೀಡಿ. ದಿನದ ಅಂತ್ಯಕ್ಕೆ ಏನನ್ನೋ ಸಾಧಿಸಿದ ತೃಪ್ತಿ ನಿಮ್ಮದಾಗಲಿದೆ.
ಜನ್ಮಸಂಖ್ಯೆ 9, 18, 27
ಆರೋಗ್ಯದ ಕಡೆಗೆ ಹೆಚ್ಚಿನ ಗಮನ ಹರಿಸಬೇಕಾದ ದಿನವಿದು. ಶೀತ, ಕೆಮ್ಮಿನಂತಹ ಸಮಸ್ಯೆಗಳಿದ್ದಲ್ಲಿ ತಕ್ಷಣ ವೈದ್ಯರನ್ನು ಭೇಟಿ ಮಾಡಿ. ಆಹಾರ ಪದ್ಧತಿಯಲ್ಲಿ ಬದಲಾವಣೆ ಮಾಡಿಕೊಳ್ಳುವುದು ಉತ್ತಮ.