Daily Numerology February 09: ಸಂಖ್ಯಾಶಾಸ್ತ್ರ ಪ್ರಕಾರ ಪ್ರತಿಯೊಬ್ಬರ ಜೀವನದ ಮೇಲೆ ಜನ್ಮಸಂಖ್ಯೆಯ ಪ್ರಭಾವ ಮಹತ್ವದ್ದು. ಜನ್ಮ ದಿನಾಂಕದ ಆಧಾರದಲ್ಲಿ ಲೆಕ್ಕ ಹಾಕುವ ಜನ್ಮಸಂಖ್ಯೆ, ಆ ದಿನದ ಅದೃಷ್ಟ, ಸವಾಲುಗಳು ಮತ್ತು ಯಶಸ್ಸಿನ ದಾರಿಯನ್ನು ಸೂಚಿಸುತ್ತದೆ. ಫೆಬ್ರವರಿ 9ರಂದು ಜನ್ಮಸಂಖ್ಯೆ 1 ರಿಂದ 9ರವರೆಗಿನವರಿಗೆ ದಿನ ಹೇಗಿರಲಿದೆ? ಉದ್ಯೋಗ, ಹಣಕಾಸು, ಆರೋಗ್ಯ ಹಾಗೂ ವೈಯಕ್ತಿಕ ಬದುಕಿನಲ್ಲಿ ಯಾವ ಬದಲಾವಣೆಗಳು ಸಂಭವಿಸಬಹುದು ಎಂಬುದನ್ನು ಇಲ್ಲಿ ತಿಳಿಯಿರಿ.
ಜನ್ಮಸಂಖ್ಯೆ 1 (1, 10, 19, 28ರಂದು ಜನಿಸಿದವರು)
ಇತರರ ವೈಯಕ್ತಿಕ ವಿಚಾರಗಳಲ್ಲಿ ಅತಿಯಾಗಿ ತಲೆ ಹಾಕುವುದನ್ನು ತಪ್ಪಿಸುವುದು ಒಳಿತು. ಸಲಹೆ ನೀಡುವ ಮೊದಲು ಅವಶ್ಯಕತೆ ಇದೆಯೇ ಎಂದು ಯೋಚಿಸಿ. ಕೃಷಿಯನ್ನು ವೃತ್ತಿಯಾಗಿಸಿಕೊಂಡವರಿಗೆ ಜಮೀನಿನ ಕೆಲಸಗಳ ಬಗ್ಗೆ ಮಾತುಕತೆ ನಡೆಯಲಿದೆ. ತಕ್ಷಣ ನಿರ್ಧಾರ ತೆಗೆದುಕೊಳ್ಳುವ ಬದಲು ಸ್ವಲ್ಪ ಸಮಯ ನೀಡಿದರೆ ಉತ್ತಮ ಫಲಿತಾಂಶ ಸಿಗಲಿದೆ.
ಜನ್ಮಸಂಖ್ಯೆ 2 (2, 11, 20, 29ರಂದು ಜನಿಸಿದವರು)
ಹಿಂದೆ ತೆಗೆದುಕೊಂಡ ಕೆಲವು ನಿರ್ಧಾರಗಳನ್ನು ಮರುಪರಿಶೀಲನೆ ಮಾಡುವ ಸಂದರ್ಭ ಎದುರಾಗಲಿದೆ. ಹೂಡಿಕೆ ಸಂಬಂಧ ಕುಟುಂಬದವರೊಂದಿಗೆ ಗಂಭೀರ ಚರ್ಚೆ ನಡೆಯಲಿದೆ. ಹಿಂದೆ ನೋಡಿದ್ದ ಜಾಗ ಅಥವಾ ಆಸ್ತಿಯನ್ನು ಖರೀದಿಸುವ ಅವಕಾಶ ಮತ್ತೆ ಸಿಗಬಹುದು. ಆದರೆ ಭಾವನೆಗಿಂತ ವಿವೇಕಕ್ಕೆ ಆದ್ಯತೆ ನೀಡಿ ನಿರ್ಧಾರ ಕೈಗೊಳ್ಳಿ.
ಜನ್ಮಸಂಖ್ಯೆ 3 (3, 12, 21, 30ರಂದು ಜನಿಸಿದವರು)
ಎಲ್ಲವೂ ಮೊದಲಿನಂತಿಲ್ಲ ಎನ್ನುವ ಭಾವನೆ ಕಾಡಬಹುದು. ಸುಲಭವಾಗಿ ಆಗುತ್ತಿದ್ದ ಕೆಲಸಗಳು ವಿಳಂಬವಾಗುವ ಸಾಧ್ಯತೆ ಇದೆ. ನಿಮ್ಮನ್ನು ಗೌರವಿಸುತ್ತಿದ್ದ ಕೆಲವರು ಟೀಕೆ ಅಥವಾ ಆರೋಪ ಮಾಡಬಹುದು. ನಿಮಗೆ ಗೊತ್ತಿಲ್ಲದ ವಿಷಯಗಳಲ್ಲಿ ನಿಮ್ಮ ಹೆಸರನ್ನು ದುರುಪಯೋಗಪಡಿಸಿಕೊಳ್ಳುವ ಸಾಧ್ಯತೆ ಇರುವುದರಿಂದ ಎಚ್ಚರಿಕೆಯಿಂದಿರಿ.
ಜನ್ಮಸಂಖ್ಯೆ 4 (4, 13, 22, 31ರಂದು ಜನಿಸಿದವರು)
ಬಹುಕಾಲದಿಂದ ಮುಂದೂಡುತ್ತಿದ್ದ ಕೆಲಸಗಳಿಗೆ ಸ್ಪಷ್ಟ ಅಂತ್ಯ ನೀಡುವ ನಿರ್ಧಾರ ಕೈಗೊಳ್ಳುತ್ತೀರಿ. ಸಮಯ ಹಾಗೂ ಹಣವನ್ನು ಸರಿಯಾಗಿ ವಿನಿಯೋಗ ಮಾಡುವ ತೀರ್ಮಾನದಿಂದ ಸ್ಥಗಿತಗೊಂಡ ಕೆಲಸಗಳಿಗೆ ವೇಗ ಸಿಗಲಿದೆ. ನಿರೀಕ್ಷಿಸದ ವ್ಯಕ್ತಿಗಳಿಂದ ಸಹಾಯ ಮತ್ತು ಬೆಂಬಲ ದೊರೆಯುವ ಸಾಧ್ಯತೆ ಇದೆ.
ಜನ್ಮಸಂಖ್ಯೆ 5 (5, 14, 23ರಂದು ಜನಿಸಿದವರು)
ಆರೋಗ್ಯದ ವಿಚಾರದಲ್ಲಿ ಎಚ್ಚರಿಕೆ ಅಗತ್ಯ. ವೈದ್ಯಕೀಯ ಪರೀಕ್ಷೆಗಳಿಗೆ ಹೆಚ್ಚಿನ ವೆಚ್ಚವಾಗಬಹುದು. ಒಂದೇ ಪರೀಕ್ಷೆಯನ್ನು ಮರುಮಾಡಿಸಬೇಕಾದ ಪರಿಸ್ಥಿತಿಯೂ ಎದುರಾಗಬಹುದು. ವೈದ್ಯರು ಸೂಚಿಸಿದ ಸ್ಥಳದಲ್ಲೇ ಪರೀಕ್ಷೆ ಮಾಡಿಸಿಕೊಳ್ಳುವುದು ಒಳಿತು. ಅನವಶ್ಯಕ ವಿವಾದಗಳಿಗೆ ಸ್ಪಷ್ಟ ಉತ್ತರ ನೀಡಿ.
ಜನ್ಮಸಂಖ್ಯೆ 6 (6, 15, 24ರಂದು ಜನಿಸಿದವರು)
ಆಪ್ತರೆಂದು ನಂಬಿದವರಿಂದಲೇ ಸಮಸ್ಯೆ ಎದುರಾಗುವ ಸಾಧ್ಯತೆ ಇದೆ. ನಿಮ್ಮ ಮೇಲಿನ ಆರೋಪವನ್ನು ನಿಮ್ಮ ಮೇಲೆಯೇ ತಿರುಗಿಸುವ ಯತ್ನ ನಡೆಯಬಹುದು. ದಾಖಲೆಗಳು ಅಥವಾ ಹಳೆಯ ವಿಚಾರಗಳನ್ನು ಬಳಸಿಕೊಂಡು ಪಿತೂರಿ ನಡೆಯುವ ಸಾಧ್ಯತೆ ಇದೆ. ಧೈರ್ಯ ಕಳೆದುಕೊಳ್ಳದೇ ಸ್ಥಿತಿಯನ್ನು ಸಮಾಧಾನದಿಂದ ಎದುರಿಸಿದರೆ ಪರಿಹಾರ ಸಿಗಲಿದೆ.
ಜನ್ಮಸಂಖ್ಯೆ 7 (7, 16, 25ರಂದು ಜನಿಸಿದವರು)
ನಿಮಗೆ ಸರಿ ಎನ್ನುವ ವಿಚಾರ ವಾಸ್ತವಕ್ಕೆ ಹತ್ತಿರವಿದೆಯೇ ಎಂಬುದನ್ನು ಪರಿಶೀಲಿಸುವುದು ಅಗತ್ಯ. ಗಂಭೀರ ವಿಷಯಗಳಲ್ಲಿ ಮಾತನಾಡುವಾಗ ಪದಗಳನ್ನು ಜಾಗರೂಕತೆಯಿಂದ ಬಳಸಿ. ಅಜಾಗರೂಕ ಮಾತುಗಳು ನಿಮ್ಮ ಗೌರವಕ್ಕೆ ಧಕ್ಕೆ ತರಬಹುದು.
ಜನ್ಮಸಂಖ್ಯೆ 8 (8, 17, 26ರಂದು ಜನಿಸಿದವರು)
ಹೆಚ್ಚು ಲಾಭದ ನಿರೀಕ್ಷೆಯಲ್ಲಿ ಮಾಡಿದ ಕೆಲಸದಿಂದ ಕಡಿಮೆ ಆದಾಯ ಸಿಗುವ ಸಾಧ್ಯತೆ ಇದೆ. ಹೊರಗೆ ಊಟ ಮಾಡುವವರು ಸ್ವಚ್ಛತೆಯ ಬಗ್ಗೆ ವಿಶೇಷ ಗಮನ ಕೊಡಿ. ಸ್ನೇಹಿತರ ಒತ್ತಡಕ್ಕೆ ಮಣಿದು ಮಾಡಿದ ಆಹಾರ ಸೇವನೆ ಆರೋಗ್ಯ ಸಮಸ್ಯೆಗೆ ಕಾರಣವಾಗಬಹುದು.
ಜನ್ಮಸಂಖ್ಯೆ 9 (9, 18, 27ರಂದು ಜನಿಸಿದವರು)
ನಿರೀಕ್ಷೆಗೂ ಮೀರಿದ ಆದಾಯದ ಸೂಚನೆಗಳು ದೊರೆಯುತ್ತವೆ. ಮನರಂಜನಾ ಕ್ಷೇತ್ರದಲ್ಲಿರುವವರಿಗೆ ಇದು ಉತ್ತಮ ದಿನ. ಸಂಗೀತ, ಹಾಸ್ಯ, ಮಾಯಾಜಾಲ ಮುಂತಾದ ಕ್ಷೇತ್ರಗಳಲ್ಲಿ ಕೆಲಸ ಮಾಡುವವರಿಗೆ ಆದಾಯದಲ್ಲಿ ಹೆಚ್ಚಳವಾಗುವ ಸಾಧ್ಯತೆ ಇದೆ. ಸಿಹಿ ಪದಾರ್ಥಗಳ ಸೇವನೆಗೆ ಮಿತಿಯಿರಲಿ.