ಭಾರತ-ಅಮೆರಿಕ ವ್ಯಾಪಾರ ಒಪ್ಪಂದ: ಈ ವಸ್ತುಗಳ ಮೇಲೆ ಟ್ಯಾಕ್ಸ್ ಕಡಿತ, ರಿಯಾಯಿತಿ ಪಡೆದ ಸರಕುಗಳ ಪಟ್ಟಿ ಇಲ್ಲಿದೆ!

ಭಾರತ ಮತ್ತು ಅಮೆರಿಕ ನಡುವಿನ ವ್ಯಾಪಾರ ಸಂಘರ್ಷಕ್ಕೆ ಅಂತ್ಯ ಬಂದಿದೆ. ಟ್ರಂಪ್ ಆಡಳಿತದಲ್ಲಿ ಏರಿಕೆಯಾದ ಸುಂಕಗಳನ್ನು ಕಡಿಮೆ ಮಾಡುವ ಮಧ್ಯಂತರ ವ್ಯಾಪಾರ ಒಪ್ಪಂದಕ್ಕೆ ಎರಡೂ ದೇಶಗಳು ಸಹಿ ಹಾಕಿವೆ. ಈ ಒಪ್ಪಂದದಿಂದ ಭಾರತದ ಹಲವು ಪ್ರಮುಖ ರಫ್ತು ವಸ್ತುಗಳಿಗೆ ಅಮೆರಿಕದಲ್ಲಿ ದೊಡ್ಡ ರಿಯಾಯಿತಿ ಸಿಗಲಿದೆ.

ಭಾರತದ ವಸ್ತುಗಳ ಮೇಲೆ ಸುಂಕ ಕಡಿತ :

ಈ ಹಿಂದೆ ಏಪ್ರಿಲ್ 2 ರಂದು ಹೊರಡಿಸಲಾದ ಆದೇಶದಲ್ಲಿ ಭಾರತೀಯ ಸರಕುಗಳ ಮೇಲೆ ವಿಧಿಸಲಾಗಿದ್ದ ಶೇ. 25ರವರೆಗಿನ ಸುಂಕವನ್ನು ಈಗ ಶೇ. 18ಕ್ಕೆ ಇಳಿಸಲಾಗಿದೆ. ಇದರಿಂದ ಭಾರತದ ರಫ್ತು ಉದ್ಯಮಗಳಿಗೆ ದೊಡ್ಡ ಪ್ರಯೋಜನವಾಗಲಿದೆ.

ರಿಯಾಯಿತಿ ಪಡೆದ ಪ್ರಮುಖ ಭಾರತೀಯ ರಫ್ತು ವಸ್ತುಗಳು:

ಜವಳಿ ಉತ್ಪನ್ನಗಳು , ಚಪ್ಪಲಿ ಮತ್ತು ಪಾದರಕ್ಷೆಗಳು , ಕರಕುಶಲ ವಸ್ತುಗಳು , ಪ್ಲಾಸ್ಟಿಕ್ ಉತ್ಪನ್ನಗಳು, ಸಾವಯವ ರಾಸಾಯನಿಕಗಳು,ಗೃಹೋಪಯೋಗಿ ವಸ್ತುಗಳು ,ಸಾಮಾನ್ಯ ಔಷಧಗಳು , ವಜ್ರಗಳು ಮತ್ತು ರತ್ನಗಳು, ವಿಮಾನಗಳ ಬಿಡಿಭಾಗಗಳು

ಈ ರಿಯಾಯಿತಿಯಿಂದ ಅಮೆರಿಕದ ಮಾರುಕಟ್ಟೆಯಲ್ಲಿ ಭಾರತೀಯ ಉತ್ಪನ್ನಗಳ ಬೆಲೆ ಕಡಿಮೆಯಾಗಿ, ಬೇಡಿಕೆ ಗಣನೀಯವಾಗಿ ಹೆಚ್ಚಾಗುವ ನಿರೀಕ್ಷೆಯಿದೆ. ವಿಶೇಷವಾಗಿ ಜವಳಿ, ಚಪ್ಪಲಿ, ಕರಕುಶಲ ಮತ್ತು ಫಾರ್ಮಾ ಉದ್ಯಮಗಳಿಗೆ ಇದು ದೊಡ್ಡ ಬೂಸ್ಟ್ ಆಗಲಿದೆ.

ಭಾರತವು ಅಮೆರಿಕಕ್ಕೆ ನೀಡಿದ ರಿಯಾಯಿತಿಗಳು

ವ್ಯಾಪಾರ ಒಪ್ಪಂದದಲ್ಲಿ ‘ಗಿವ್ ಅಂಡ್ ಟೇಕ್’ ಇರುತ್ತದೆ. ಭಾರತವೂ ಅಮೆರಿಕದ ಹಲವು ವಸ್ತುಗಳಿಗೆ ಸುಂಕ ರಿಯಾಯಿತಿ ನೀಡಿದೆ. ಪ್ರಮುಖವಾಗಿ:

ಸಂಸ್ಕರಿಸಿದ ಧಾನ್ಯಗಳು, ಕೆಂಪು ಜೋಳ ,  ಬಾದಾಮಿ, ಗೋಡಂಬಿ, ಪಿಸ್ತಾ, ಹಣ್ಣುಗಳ, ಸೋಯಾಬೀನ್ ಎಣ್ಣೆ ,ಅಮೆರಿಕನ್ ಮದ್ಯದ ಮೇಲೆ ಸುಂಕ ಇಳಿಕೆ.

5 ವರ್ಷಗಳಲ್ಲಿ 500 ಬಿಲಿಯನ್ ಡಾಲರ್ ಖರೀದಿ ಗುರಿ

ಒಪ್ಪಂದದ ಅತಿ ದೊಡ್ಡ ಹೈಲೈಟ್ ಇದು ಮುಂದಿನ 5 ವರ್ಷಗಳಲ್ಲಿ ಭಾರತ ಅಮೆರಿಕದಿಂದ 500 ಬಿಲಿಯನ್ ಡಾಲರ್ ಮೌಲ್ಯದ ವಸ್ತುಗಳನ್ನು ಖರೀದಿಸಲು ಒಪ್ಪಂದ ಮಾಡಿಕೊಂಡಿದೆ. ಇದರಲ್ಲಿ ಪ್ರಮುಖವಾಗಿ ಸೇರಿರುವವು:

ಇಂಧನ ಉತ್ಪನ್ನಗಳು, ವಿಮಾನಗಳು ಮತ್ತು ಅವುಗಳ ಬಿಡಿಭಾಗಗಳು, ಅಪರೂಪದ ಖನಿಜಗಳು,  ತಾಂತ್ರಿಕ ಉಪಕರಣಗಳು, ಕಲ್ಲಿದ್ದಲು

ಈ ಒಪ್ಪಂದವು ಎರಡೂ ದೇಶಗಳ ವ್ಯಾಪಾರ ಸಂಬಂಧಗಳನ್ನು ಹೊಸ ಹಂತಕ್ಕೆ ಕೊಂಡೊಯ್ಯುವ ನಿರೀಕ್ಷೆಯನ್ನು ಹುಟ್ಟುಹಾಕಿದೆ.