ತಮಿಳುನಾಡು ವಿಧಾನಸಭಾ ಚುನಾವಣೆ 2026ರಲ್ಲಿ ನಟ-ರಾಜಕಾರಣಿ ವಿಜಯ್ ಅವರ ತಮಿಳಗ ವೆಟ್ರಿ ಕಝಗಂ (TVK) ಪಕ್ಷ ಅಭೂತಪೂರ್ವ ಯಶಸ್ಸು ಸಾಧಿಸಿದೆ. 108 ಸ್ಥಾನಗಳನ್ನು ಗೆದ್ದು ಸಿಂಗಲ್ ಲಾರ್ಜೆಸ್ಟ್ ಪಾರ್ಟಿಯಾಗಿ ಹೊರಹೊಮ್ಮಿದ TVK, ಸರ್ಕಾರ ರಚಿಸಲು ಅಗತ್ಯವಿರುವ 118 ಸ್ಥಾನಗಳಿಗೆ ಕೇವಲ 10 ಸೀಟುಗಳ ಕೊರತೆ ಎದುರಿಸುತ್ತಿದೆ.
ಗೆಲುವಿನ ಬಳಿಕ ಮೊದಲ ಬಾರಿಗೆ ವಿಜಯ್ ಅವರು ನೂತನ ಶಾಸಕರೊಂದಿಗೆ ಹೈವೋಲ್ಟೇಜ್ ಮೀಟಿಂಗ್ ನಡೆಸಿದ್ದಾರೆ. ಪಣಿಯೂರಿನ TVK ಕಚೇರಿಯಲ್ಲಿ ನಡೆದ ಈ ಸಭೆಯಲ್ಲಿ ಸರ್ಕಾರ ರಚನೆಯ ಕುರಿತು ವಿನಿಮಯ ನಡೆದಿದೆ ಎಂದು ತಿಳಿದುಬಂದಿದೆ.
ವಿಜಯ್ ರಾಜ್ಯಪಾಲರಿಗೆ ಪತ್ರ :
ಸರ್ಕಾರ ರಚಿಸಲು ಅನುಮತಿ ನೀಡುವಂತೆ ವಿಜಯ್ ಅವರು ತಮಿಳುನಾಡು ರಾಜ್ಯಪಾಲರಿಗೆ ಪತ್ರ ಬರೆದಿದ್ದಾರೆ. ಇದು TVK ಸರ್ಕಾರ ರಚನೆಯತ್ತ ಗಂಭೀರ ಕ್ರಮವೆಂದು ರಾಜಕೀಯ ವಲಯಗಳಲ್ಲಿ ಚರ್ಚೆಯಾಗುತ್ತಿದೆ.
ಸಮ್ಮಿಶ್ರ ಸರ್ಕಾರ ರಚನೆಯ ಸಾಧ್ಯತೆ :
TVK ಏಕಾಂಗಿಯಾಗಿ ಸರ್ಕಾರ ರಚಿಸಲು ಸಾಧ್ಯವಿಲ್ಲದ ಕಾರಣ ಮೈತ್ರಿ ಅನಿವಾರ್ಯವಾಗಿದೆ. ಪ್ರಸ್ತುತ ಸ್ಥಿತಿಯಲ್ಲಿ ಕಾಂಗ್ರೆಸ್ನೊಂದಿಗೆ ಮೈತ್ರಿ ಮಾಡಿಕೊಳ್ಳುವ ಸಾಧ್ಯತೆ ಬಹುತೇಕ ಖಚಿತವಾಗಿದೆ.
ವಿಜಯ್ ಸೂತ್ರ-ಅಂಕಿಅಂಶಗಳು :
- TVK – 108 ಸ್ಥಾನ
- ಕಾಂಗ್ರೆಸ್ – 5 ಸ್ಥಾನ
- PMK – 4 ಸ್ಥಾನ
- IUML – 2 ಸ್ಥಾನ
- CPI – 2 ಸ್ಥಾನ
ಈ 4 ಪಕ್ಷಗಳು TVKಗೆ ಬೆಂಬಲ ನೀಡಿದಲ್ಲಿ ಒಟ್ಟು 121 ಸ್ಥಾನಗಳಾಗುತ್ತವೆ. ಇದರೊಂದಿಗೆ ವಿಜಯ್ ಮುಖ್ಯಮಂತ್ರಿಯಾಗುವ ಸಾಧ್ಯತೆ ಪ್ರಬಲವಾಗಿದೆ.
ಇತರೆ ಆಯ್ಕೆಗಳು :
- DMK ಅಥವಾ AIADMK ಪಕ್ಷಗಳ ಒಳಗಿನ ಒಡೆಯುವಿಕೆಯ ಮೂಲಕ ಹೊಸ ಒಕ್ಕೂಟ ರಚಿಸುವ ಸಾಧ್ಯತೆ
- AIADMKಯಿಂದ ಬಾಹ್ಯ ಬೆಂಬಲ ಕೇಳುವ ಸಾಧ್ಯತೆ
- ಸೈದ್ಧಾಂತಿಕ ಭಿನ್ನಾಭಿಪ್ರಾಯಗಳ ನಡುವೆಯೂ ಸ್ಥಿರ ಸರ್ಕಾರ ರಚಿಸುವ ಪ್ರಯತ್ನ
ತಮಿಳುನಾಡಿನಲ್ಲಿ ಡ್ರಾವಿಡ ಪಕ್ಷಗಳ ಆಧಿಪತ್ಯಕ್ಕೆ ಸವಾಲೊಡ್ಡಿ ವಿಜಯ್ ಅವರ TVK ಈಗ ಸರ್ಕಾರ ರಚನೆಯ ಹೊಸ ಇತಿಹಾಸ ಬರೆಯುವತ್ತ ಸಾಗುತ್ತಿದೆ. ಮುಂದಿನ ದಿನಗಳಲ್ಲಿ ಮೈತ್ರಿ ಸಮೀಕರಣಗಳು ಸ್ಪಷ್ಟವಾಗಲಿವೆ.