ಚೆನ್ನೈ ಮೂಲದ ಟೆಕ್ ಉದ್ಯಮಿ ಮತ್ತು ರಿಪ್ಲಿಂಗ್ ಕಂಪನಿಯ ಸಹ-ಸಂಸ್ಥಾಪಕ ಪ್ರಸನ್ನ ಶಂಕರ್ ಅವರ ಪತ್ನಿ ದಿವ್ಯಾ ಶಶಿಧರ್ ಅನೈತಿಕ ಸಂಬಂಧ ಹೊಂದಿದ್ದಾರೆಂದು ಆರೋಪಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಸಾಕ್ಷ್ಯ ಸಮೇತ ವಿಷಯವನ್ನು ಬಿಚ್ಚಿಟ್ಟಿದ್ದಾರೆ. ರಿಪ್ಲಿಂಗ್ ಸಂಸ್ಥೆಯ ಸಹ-ಸ್ಥಾಪಕರಾದ ಪ್ರಸನ್ನ, ಪತ್ನಿಯ ಅನೈತಿಕ ಸಂಬಂಧದ ವಿಷಯವನ್ನು ಬಹಿರಂಗಪಡಿಸಿದ್ದು, ಈ ವಿಷಯವು ಇದೀಗ ಭಾರೀ ಚರ್ಚೆಗೆ ಗ್ರಾಸವಾಗಿದೆ.
ಪತ್ನಿಯ ದ್ರೋಹ: XL ಕಾಂಡೋಮ್ ಸ್ಕಿನ್ಶಾಟ್ಗಳು ಸಾಕ್ಷಿ
ಪ್ರಸನ್ನ ಶಂಕರ್ ತಮ್ಮ ಪತ್ನಿಯು ಅನೂಪ್ ಕುಟ್ಟಿಶಂಕರನ್ ಎಂಬ ವ್ಯಕ್ತಿಯೊಂದಿಗೆ ಅನೈತಿಕ ಸಂಬಂಧ ಇಟ್ಟುಕೊಂಡಿದ್ದಾಳೆ ಎಂದು ಆರೋಪಿಸಿದ್ದು, ಈ ಕುರಿತು ಹಲವಾರು ಸಾಕ್ಷ್ಯ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ದಿವ್ಯ ತನ್ನ ಪ್ರಿಯಕರನಿಗೆ XL ಸೈಜ್ ಕಾಂಡೋಮ್ ತರಲು ಹೇಳಿರುವ ಸಂದೇಶಗಳು, ಹೋಟೆಲ್ ರೂಮ್ಗಳ ಬುಕ್ಕಿಂಗ್ ವಿವರಗಳು ಸೇರಿದಂತೆ ಸಾಕ್ಷ್ಯಗಳನ್ನು ಮುಂದಿಟ್ಟು ಪ್ರಸನ್ನ ಆರೋಪಿಸಿದ್ದಾರೆ. ಅನೂಪ್ ಅವರ ಪತ್ನಿ, ಈ ಸಂಬಂಧದ ಬಗ್ಗೆ ತಿಳಿದ ನಂತರ, ಈ ವಿಚಾರವನ್ನು ಪ್ರಸನ್ನ ಶಂಕರ್ಗೆ ಹಂಚಿಕೊಂಡಿದ್ದು, ಅದು ಈ ಕೇಸಿನ ಹೊರಹೊಮ್ಮಲು ಕಾರಣವಾಯಿತು.
ಪತಿ ವಿರುದ್ಧ ಪತ್ನಿ ದೂರು
ಪ್ರಸನ್ನ ಶಂಕರ್ ಹೆಂಡತಿ ದಿವ್ಯ, ತನ್ನ ವಿರುದ್ಧ ಕಿರುಕುಳ ಮತ್ತು ಅತ್ಯಾಚಾರದ ದೂರು ದಾಖಲಿಸಿದ್ದಾಳೆ ಎಂದು ದೂರಿದ್ದಾರೆ. ತಾನು ಆಕೆಯ ಮೋಸದ ಕೃತ್ಯಗಳನ್ನು ಬಯಲಿಗೆಳೆದ ಕಾರಣಕ್ಕೇ ದಿವ್ಯ ತನ್ನ ಮೇಲೆ ಸುಳ್ಳು ಆರೋಪಗಳನ್ನು ಮಾಡುತ್ತಿರುವುದಾಗಿ ಅವರು ಹೇಳಿದರು. ಪ್ರಕರಣವನ್ನು ಸಮರ್ಥಿಸಲು ಪೊಲೀಸರು ತಮ್ಮ ಸ್ನೇಹಿತನನ್ನು ಬಂಧಿಸಿ, 25 ಲಕ್ಷ ರೂಪಾಯಿ ಲಂಚದ ಬೇಡಿಕೆ ಇಟ್ಟಿರುವುದಾಗಿ ಪ್ರಸನ್ನ ಆರೋಪಿಸಿದ್ದಾರೆ.
ಪ್ರಸನ್ನ ಶಂಕರ್ 2016ರಲ್ಲಿ 10 ಬಿಲಿಯನ್ ಡಾಲರ್ ಮೌಲ್ಯದ ರಿಪ್ಲಿಂಗ್ ಕಂಪನಿಯನ್ನು ಸ್ಥಾಪಿಸಿದ್ದು, 2020ರವರೆಗೆ ಸಿಟಿಓ ಆಗಿ ಸೇವೆ ಸಲ್ಲಿಸಿದರು. ನಂತರ 2023ರಲ್ಲಿ ಕ್ರಿಪ್ಲೋ ಉತ್ಸಾಹಿಗಳಿಗೆ OxPPL ಎಂಬ ಸಾಮಾಜಿಕ ಮಾಧ್ಯಮ ವೇದಿಕೆಯನ್ನು ಪ್ರಾರಂಭಿಸಿದರು. ಈಗ ವಿಚ್ಛೇದನಕ್ಕಾಗಿ ಅರ್ಜಿ ಸಲ್ಲಿಸಿರುವ ಅವರು, ತಮ್ಮ ಮಗನ ಜೊತೆ ಇದ್ದಾರೆ.
ಪ್ರಸನ್ನ ಶಂಕರ್ ಅವರ ಸರಣಿ ಪೋಸ್ಟ್ಗಳು ಈಗಾಗಲೇ ವೈರಲ್ ಆಗಿ, ದಿವ್ಯ ವಿರುದ್ಧ ಆಕ್ರೋಶ ವ್ಯಕ್ತವಾಗುತ್ತಿದೆ. “ಅವಳು ನನ್ನ ಮೇಲೆ ಸುಳ್ಳು ದೂರುಗಳನ್ನು ನೀಡಿದ್ದು, ನಾನು ಆಕೆಯನ್ನು ಹಿಂಸೆ ಪಡಿಸಿದ್ದೇನೆ ಎಂಬ ಆರೋಪಿಸಿದ್ದಾಳೆ ” ಎಂದು ಪ್ರಸನ್ನ ಆರೋಪಿಸಿದ್ದಾರೆ.