ಬಂಗಾಳಕೊಲ್ಲಿಯಲ್ಲಿ ಉಗ್ರರೂಪ ತಾಳಿದ್ದ ದಿತ್ವಾ ಚಂಡಮಾರುತ ಈಗ ದಿಕ್ಕು ಬದಲಾಯಿಸಿ ಆಂಧ್ರಪ್ರದೇಶದ ಕಡೆಗೆ ಸಾಗುತ್ತಿದೆ. ಭಾರತೀಯ ಹವಾಮಾನ ಇಲಾಖೆ (IMD) ನೀಡಿರುವ ಲೇಟೆಸ್ಟ್ ಅಪ್ಡೇಟ್ ಪ್ರಕಾರ, ಚಂಡಮಾರುತದ ಪ್ರಭಾವದಿಂದ ತಮಿಳುನಾಡು, ಆಂಧ್ರಪ್ರದೇಶ, ಪುದುಚೇರಿ ಮತ್ತು ದಕ್ಷಿಣ ಕರ್ನಾಟಕದ ಕೆಲವು ಭಾಗಗಳಲ್ಲಿ ಭಾರೀಯಿಂದ ಅತಿ ಭಾರೀ ಮಳೆಯಾಗುವ ಸಾಧ್ಯತೆ ಇದೆ.
ದಿತ್ವಾ ಚಂಡಮಾರುತದ ಪ್ರಸ್ತುತ ಸ್ಥಿತಿ ಮತ್ತು ಮಾರ್ಗ:
- ಶುಕ್ರವಾರ ರಾತ್ರಿ 11:30ಕ್ಕೆ ಚೆನ್ನೈನಿಂದ 250 ಕಿ.ಮೀ. ತಲುಪಬಹುದು.
- ಶನಿವಾರ (ನವೆಂಬರ್ 29) ಬೆಳಗ್ಗೆ 11:30ಕ್ಕೆ ಚೆನ್ನೈನಿಂದ ಕೇವಲ 125 ಕಿ.ಮೀ. ತಲುಪಬಹುದು.
- ಶನಿವಾರ ರಾತ್ರಿ 11:30ಕ್ಕೆ ನೆಲ್ಲೂರಿನಿಂದ 159 ಕಿ.ಮೀ. ಮತ್ತು ಚೆನ್ನೈನಿಂದ ಸುಮಾರು 50 ಕಿ.ಮೀ. ತಲುಪಬಹುದು.
- ಪ್ರಸ್ತುತ ಗಾಳಿಯ ವೇಗ: 65 ಕಿ.ಮೀ./ಗಂಟೆ (ಗಸ್ಟ್ ವೇಗ 75 ಕಿ.ಮೀ.).
- ಇಂದು ಸಂಜೆಯೊಳಗೆ ಗಾಳಿಯ ವೇಗ 80-89 ಕಿ.ಮೀ./ಗಂಟೆ ತಲುಪುವ ನಿರೀಕ್ಷೆ.
- ಚಂಡಮಾರುತ ಚೆನ್ನೈ ಕರಾವಳಿಯನ್ನು ದಾಟುವ ಸಾಧ್ಯತೆ ಇಲ್ಲ. ಬದಲಿಗೆ ಸರಿದು ಆಂಧ್ರಪ್ರದೇಶದತ್ತ ತಿರುಗುತ್ತಿದೆ.
ಎಲ್ಲೆಲ್ಲಿ ಭಾರೀ ಮಳೆ? (ನವೆಂಬರ್ 29 – ಡಿಸೆಂಬರ್ 2)
- ತಮಿಳುನಾಡು: ಚೆನ್ನೈ, ಚೆಂಗಲ್ಪಟ್ಟು, ವಿಲ್ಲುಪುರಂ, ಕಡಲೂರು, ಮೈಲಾಡುತುರೈ, ತಿರುವಳ್ಳೂರು, ಕಾಂಚೀಪುರಂ –ಇಂದು ಭಾರೀಯಿಂದ ಅತಿ ಭಾರೀ ಮಳೆ.
- ಆಂಧ್ರಪ್ರದೇಶ & ರಾಯಲಸೀಮ: ನವೆಂಬರ್ 29-30ರಂದು ಧಾರಾಕಾರ ಮಳೆ.
- ಪುದುಚೇರಿ & ಯಾನಂ: ಗುಡುಗು-ಮಿಂಚು ಸಹಿತ ಭಾರೀ ಮಳೆ.
- ದಕ್ಷಿಣ ಕರ್ನಾಟಕ: ದಕ್ಷಿಣ ಕನ್ನಡ, ಉಡುಪಿ, ಚಿಕ್ಕಮಗಳೂರು, ಕೊಡಗು, ಶಿವಮೊಗ್ಗದ ಕೆಲ ಭಾಗಗಳಲ್ಲಿ ಮಳೆಯ ಪ್ರಭಾವ.
- ಗಾಳಿಯ ವೇಗ 30-40 ಕಿ.ಮೀ./ಗಂಟೆ (ಕೆಲವೆಡೆ 50 ಕಿ.ಮೀ. ಗಸ್ಟ್).
ಶ್ರೀಲಂಕಾದಲ್ಲಿ ದಿತ್ವಾ ವಿನಾಶ
ಕಳೆದ 24 ಗಂಟೆಗಳಲ್ಲಿ ಶ್ರೀಲಂಕಾದ ಹಲವು ಭಾಗಗಳಲ್ಲಿ 300 ಮಿ.ಮೀ.ಗಿಂತ ಹೆಚ್ಚು ಮಳೆ.
- ಭೂಕುಸಿತದಿಂದ ಹಲವು ಸಾವು-ನೋವು.
- ದಿತ್ವಾ ಈಗ ಸಮುದ್ರಕ್ಕೆ ಮರಳಿದ್ದು, ಮತ್ತೆ ಶಕ್ತಿ ಗಳಿಸುತ್ತಿದೆ.
ಎಚ್ಚರಿಕೆ & ಸಲಹೆಗಳು
- ಮೀನುಗಾರರು ಸಮುದ್ರಕ್ಕೆ ಇಳಿಯಬೇಡಿ (ನವೆಂಬರ್ 29ರಿಂದ ಡಿಸೆಂಬರ್ 2ರವರೆಗೆ ನಿಷೇಧ).
- ಕರಾವಳಿ ಪ್ರದೇಶದ ಜನರು ಮನೆಯಲ್ಲಿಯೇ ಇರಿ, ಅನಗತ್ಯ ಪ್ರಯಾಣ ಬೇಡ.
- ಭೂಕುಸಿತ-ಪ್ರವಾಹ ಭೀತಿ ಇರುವ ಪ್ರದೇಶದಲ್ಲಿ ಸಿದ್ಧರಾಗಿರಿ.
- ಮಳೆಯ ನೀರು ತುಂಬಿದ ರಸ್ತೆಗಳಲ್ಲಿ ವಾಹನ ಚಲಾಯಿಸಬೇಡಿ.
ದಿತ್ವಾ ಚಂಡಮಾರುತ ಚೆನ್ನೈಯನ್ನು ದಾಟದೇ ಆಂಧ್ರದ ಕಡೆಗೆ ತಿರುಗಿದ್ದರೂ, ತಮಿಳುನಾಡು ಮತ್ತು ದಕ್ಷಿಣ ಕರ್ನಾಟಕದಲ್ಲಿ ಭಾರೀ ಮಳೆಯ ಪ್ರಭಾವ ಇದೆ.