ಗುವಾಹಟಿ: ದೇಶದ ಇತರೆಡೆ ಆಡಳಿತ ವಿರೋಧಿ ಅಲೆಗಳಿಂದ ಸರ್ಕಾರಗಳು ಕುಸಿಯುತ್ತಿರುವಾಗ, ಅಸ್ಸಾಂ ಮಾತ್ರ ಮುಖ್ಯಮಂತ್ರಿ ಹಿಮಂತ ಬಿಸ್ವ ಶರ್ಮಾ ಅವರ ಅಭಿವೃದ್ಧಿ ಮಂತ್ರ ಮ್ಯಾಜಿಕ್ ಮಾಡಿದೆ. 2026ರ ಅಸ್ಸಾಂ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ ಸತತ ಮೂರನೇ ಬಾರಿಗೆ ಐತಿಹಾಸಿಕ ಗೆಲುವನ್ನು ದಾಖಲಿಸಿದೆ. ಮುಖ್ಯಮಂತ್ರಿ ಹಿಮಂತ ಬಿಸ್ವ ಶರ್ಮಾ ಅವರ ಅಭಿವೃದ್ಧಿ ಪರಿಕಲ್ಪನೆಗಳೇ ಈ ಅದ್ಭುತ ಯಶಸ್ಸಿನ ಪ್ರಮುಖ ಕಾರಣ ಎಂದು ವಿಶ್ಲೇಷಕರು ಅಭಿಪ್ರಾಯಪಡುತ್ತಿದ್ದಾರೆ.
ಬಿಜೆಪಿ ಹ್ಯಾಟ್ರಿಕ್ ಗೆಲುವಿನ ಪ್ರಮುಖ ಅಂಶಗಳು
ಮೊದಲನೆಯದಾಗಿ, ಹಿಮಂತ ಬಿಸ್ವ ಶರ್ಮಾ ಅವರ ಸಾರಿಗೆ ಮತ್ತು ಮೂಲಸೌಕರ್ಯ ಕ್ರಾಂತಿಯು ಗ್ರಾಮೀಣ ಮತದಾರರನ್ನು ಸಂಪೂರ್ಣವಾಗಿ ಆಕರ್ಷಿಸಿದೆ. ರಸ್ತೆ, ಸೇತುವೆ, ಡಿಜಿಟಲ್ ಸಂಪರ್ಕಗಳಲ್ಲಾದ ಇತರೆ ಮೂಲಸೌಕರ್ಯ ಸುಧಾರಣೆಗಳು ಸಾಮಾನ್ಯ ಜನರ ಬದುಕನ್ನೇ ಬದಲಿಸಿದೆ.
ಎರಡನೆಯದಾಗಿ, ಮತದಾರರ ಪಟ್ಟಿಯ ತೀವ್ರ ಪರಿಶೀಲನೆ ಮತ್ತು ನಕಲಿ ಮತದಾರರನ್ನು ತೆಗೆದುಹಾಕಿದ್ದು ಬಿಜೆಪಿಗೆ ಕಾರ್ಯತಂತ್ರದ ಪ್ಲಸ್ ಪಾಯಿಂಟ್ ಆಗಿ ಪರಿಣಮಿಸಿದೆ. ಇದರಿಂದಾಗಿ ನೈಜ ಮತದಾರರ ಶಕ್ತಿ ಹೆಚ್ಚಾಗಿ, ಪಕ್ಷಕ್ಕೆ ಸ್ಪಷ್ಟ ಅನುಕೂಲವಾಯಿತು.
ಮೂರನೆಯದಾಗಿ, ಅಸ್ಸಾಂನ ಸಾಂಸ್ಕೃತಿಕ ಪರಂಪರೆ ಮತ್ತು ಸ್ಥಳೀಯ ಅಸ್ಮಿತೆಯನ್ನು ರಾಷ್ಟ್ರೀಯತೆಯೊಂದಿಗೆ ಸಂಯೋಜಿಸುವ ನೀತಿಯು ಎಲ್ಲಾ ವರ್ಗದ ಜನರನ್ನು ಸೆರೆಹಿಡಿಯುವಲ್ಲಿ ಯಶಸ್ವಿಯಾಯಿತು. ವಿವಿಧ ಜನಾಂಗೀಯ ಸಮುದಾಯಗಳ ಆತಂಕವನ್ನು ಅರ್ಥೈಸಿಕೊಂಡು ಪರಿಹಾರ ನೀಡಿದೆ. ಪ್ರಧಾನಿ ಮೋದಿ ಅವರ ಮಾರ್ಗದರ್ಶನ ಮತ್ತು ಹಿಮಂತ ಅವರ ಬೂತ್ ಮಟ್ಟದ ಸಂಘಟನಾ ಕೌಶಲ್ಯ ಮುಂದೆ ವಿರೋಧ ಪಕ್ಷಗಳ ಕೂಟ ಸಂಪೂರ್ಣವಾಗಿ ವಿಫಲವಾಗಿದೆ.
ಕಾಂಗ್ರೆಸ್ ನೇತೃತ್ವದ ಮೈತ್ರಿಕೂಟವು ಸ್ಪಷ್ಟ ನಾಯಕತ್ವದ ಕೊರತೆ ಮತ್ತು ನಿರ್ದಿಷ್ಟ ಅಜೆಂಡಾ ಇಲ್ಲದೆ ಹೋರಾಡಿದೆ. ಅವರ ಭದ್ರಕೋಟೆಗಳು ಒಂದೊಂದಾಗಿ ಕುಸಿದು ಬಿದ್ದವು. ಮತದಾರರಿಗೆ ಭರವಸೆ ನೀಡುವಲ್ಲಿ ಮತ್ತು ಅದನ್ನು ಈಡೇರಿಸುವಲ್ಲಿ ಬಿಜೆಪಿ ಯಶಸ್ವಿಯಾದರೆ, ವಿರೋಧ ಪಕ್ಷಗಳು ಅಸಂಘಟಿತವಾಗಿ ಕಾಣಿಸಿಕೊಂಡವು.
ಈ ಗೆಲುವು ಕೇವಲ ಅಸ್ಸಾಂಗೆ ಸೀಮಿತವಲ್ಲ. ಇತರ ರಾಜ್ಯಗಳಲ್ಲಿ ಸಂಕಷ್ಟ ಎದುರಿಸುತ್ತಿರುವ ಬಿಜೆಪಿ ಕಾರ್ಯಕರ್ತರಿಗೆ ಇದೊಂದು ಹೊಸ ಹುರುಪಿನ ಚೈತನ್ಯವಾಗಿದೆ. ಅಸ್ಸಾಂನ ಇತಿಹಾಸದಲ್ಲೇ ಮೊದಲ ಬಾರಿಗೆ ಯಾವುದೇ ಪಕ್ಷವು ಸತತ ಮೂರು ಬಾರಿ ಅಧಿಕಾರದಲ್ಲಿದ್ದು, ‘ಹಿಮಂತ ಮ್ಯಾಜಿಕ್’ ಈಗ ದೇಶದ ರಾಜಕೀಯ ವಲಯದಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ.