ಕರ್ನಾಟಕದಾದ್ಯಂತ ಮಳೆಯ ಆರ್ಭಟ ಮತ್ತೆ ತೀವ್ರಗೊಂಡಿದೆ. ಬೆಂಗಳೂರಿನಲ್ಲಿ ಭಾನುವಾರ ರಾತ್ರಿಯಿಂದಲೇ ಮಳೆ ಶುರುವಾಗಿದ್ದು, ಮೋಡಕವಿದ ವಾತಾವರಣವು ಯಾವಾಗ ಬೇಕಾದರೂ ಮಳೆ ಸುರಿಯಬಹುದಾದ ವಾತಾವರಣವನ್ನು ಸೃಷ್ಟಿಸಿದೆ.
ಹೌದು, ಈ ಕುರಿತು ಭಾರತೀಯ ಹವಾಮಾನ ಇಲಾಖೆ (IMD), ಆಗಸ್ಟ್ 10ರವರೆಗೆ ಕರ್ನಾಟಕದ 27ಕ್ಕೂ ಹೆಚ್ಚು ಜಿಲ್ಲೆಗಳಲ್ಲಿ ಭಾರಿ ಮಳೆಯಾಗುವ ಸಾಧ್ಯತೆಯಿದೆ ಎಂದು ತಿಳಿಸಿದ್ದು, ಈ ಅವಧಿಯಲ್ಲಿ ದಕ್ಷಿಣ ಕನ್ನಡ, ಉತ್ತರ ಕನ್ನಡ, ಉಡುಪಿ, ಬೆಂಗಳೂರು ಗ್ರಾಮಾಂತರ, ಚಿಕ್ಕಬಳ್ಳಾಪುರ, ಚಿಕ್ಕಮಗಳೂರು, ಹಾಸನ, ಕೊಡಗು, ಕೋಲಾರ, ಶಿವಮೊಗ್ಗ, ಮತ್ತು ತುಮಕೂರು ಜಿಲ್ಲೆಗಳಿಗೆ ಆರೆಂಜ್ ಅಲರ್ಟ್ ಘೋಷಿಸಲಾಗಿದೆ, ಇದು 11-20 ಸೆಂ.ಮೀ. ಭಾರಿ ಮಳೆಯನ್ನು ಸೂಚಿಸುತ್ತದೆ. ಇತರ ಹಲವು ಜಿಲ್ಲೆಗಳಿಗೆ ಯೆಲ್ಲೋ ಅಲರ್ಟ್ ಜಾರಿಯಲ್ಲಿದ್ದು, 6-11 ಸೆಂ.ಮೀ. ಮಳೆಯ ಸಾಧ್ಯತೆಯಿದೆ.
ಬೆಂಗಳೂರಿನಲ್ಲಿ ಮಳೆಯ ವಾತಾವರಣ:
ಬೆಂಗಳೂರಿನಲ್ಲಿ ರಾತ್ರಿಯಿಂದ ಬೆಳಗಿನವರೆಗೆ ಶಾಂತವಾಗಿ ಸುರಿದ ಮಳೆಯಿಂದಾಗಿ ತಂಪಾದ ವಾತಾವರಣ ಸೃಷ್ಟಿಯಾಗಿದೆ. ದಟ್ಟ ಮೋಡಗಳು, ಧೂಳು ತೊಳೆದುಹೋಗಿರುವ ರಸ್ತೆಗಳು, ಮತ್ತು ಹಾಯಾದ ಗಾಳಿಯು ನಗರವಾಸಿಗಳಿಗೆ ಮುದ ನೀಡುತ್ತಿದೆ. ಆದರೆ, ಈ ಭಾರಿ ಮಳೆಯಿಂದಾಗಿ ಕೆಲವು ಕಡೆ ಜಲಾವೃತಗೊಳ್ಳುವ ಸಾಧ್ಯತೆಯಿದೆ ಎಂದು ಹವಾಮಾನ ಇಲಾಖೆ ಎಚ್ಚರಿಕೆ ನೀಡಿದೆ.
ಯಾವ್ಯಾವ ಜಿಲ್ಲೆಗಳಿಗೆ ಆರೆಂಜ್ ಅಲರ್ಟ್ :
ದಕ್ಷಿಣ ಕನ್ನಡ, ಉತ್ತರ ಕನ್ನಡ, ಉಡುಪಿ, ಬೆಂಗಳೂರು ಗ್ರಾಮಾಂತರ, ಚಿಕ್ಕಬಳ್ಳಾಪುರ, ಚಿಕ್ಕಮಗಳೂರು, ಹಾಸನ, ಕೊಡಗು, ಕೋಲಾರ, ಶಿವಮೊಗ್ಗ, ಮತ್ತು ತುಮಕೂರು ಜಿಲ್ಲೆಗಳಲ್ಲಿ ಭಾರಿ ಮಳೆಯಾಗುವ ನಿರೀಕ್ಷೆಯಿದೆ. ಈ ಜಿಲ್ಲೆಗಳಲ್ಲಿ ಗಾಳಿಯೊಂದಿಗೆ ಗುಡುಗು-ಮಿಂಚಿನ ಮಳೆಯೂ ಸಾಧ್ಯತೆಯಿದೆ.
ಯಾವ್ಯಾವ ಜಿಲ್ಲೆಗಳಿಗೆ ಯೆಲ್ಲೋ ಅಲರ್ಟ್
ವಿಜಯನಗರ, ರಾಮನಗರ, ಮೈಸೂರು, ಮಂಡ್ಯ, ದಾವಣಗೆರೆ, ಚಾಮರಾಜನಗರ, ಬೆಂಗಳೂರು ನಗರ, ಯಾದಗಿರಿ, ರಾಯಚೂರು, ಕೊಪ್ಪಳ, ಕಲಬುರಗಿ, ಹಾವೇರಿ, ಗದಗ, ಧಾರವಾಡ, ಮತ್ತು ಬೆಳಗಾವಿ ಜಿಲ್ಲೆಗಳಿಗೆ ಯೆಲ್ಲೋ ಅಲರ್ಟ್ ಘೋಷಿಸಲಾಗಿದೆ. ಈ ಜಿಲ್ಲೆಗಳಲ್ಲಿ ಮಧ್ಯಮದಿಂದ ಭಾರಿ ಮಳೆಯಾಗುವ ಸಾಧ್ಯತೆಯಿದೆ.
ಇತರೆ ಜಿಲ್ಲೆಗಳಲ್ಲಿ ಮಳೆ:
ಕೋಟಾ, ಮಂಕಿ, ಕುಂದಾಪುರ, ಗೇರುಸೊಪ್ಪ, ಆಗುಂಬೆ, ಶಿರಾಲಿ, ಧರ್ಮಸ್ಥಳ, ಶೃಂಗೇರಿ, ಸಿದ್ದಾಪುರ, ಕುಮಟಾ, ಕೊಟ್ಟಿಗೆಹಾರ, ಕಾರ್ಕಳ, ತ್ಯಾಗರ್ತಿ, ಶೋರಾಪುರ, ಕೃಷ್ಣರಾಜಪೇಟೆ, ಕಮ್ಮರಡಿ, ಹಾವೇರಿ, ಬೇಳೂರು, ಬನವಾಸಿ, ಉಪ್ಪಿನಂಗಡಿ, ನೆಲೋಗಿ, ಎನ್ಆರ್ಪುರ, ಮುನಿರಾಬಾದ್, ಮಾಣಿ, ಜಯಪುರ, ಹುಂಚದಕಟ್ಟೆ, ಹೊನ್ನಾವರ, ಗೋಕರ್ಣ, ಕ್ಯಾಸಲ್ರಾಕ್, ಭಾಗಮಂಡಲ, ಬಂಟವಾಳ, ಬೈಲಹೊಂಗಲ, ಮತ್ತು ಅಫ್ಜಲ್ಪುರದಂತಹ ಪ್ರದೇಶಗಳಲ್ಲಿ ಈಗಾಗಲೇ ಮಳೆ ದಾಖಲಾಗಿದೆ.
ತಾಪಮಾನ ವಿವರ:
-
ಬೆಂಗಳೂರು (ನಗರ): ಗರಿಷ್ಠ 29.5°C, ಕನಿಷ್ಠ 21.5°C
-
ಎಚ್ಎಎಲ್: ಗರಿಷ್ಠ 29.7°C, ಕನಿಷ್ಠ 21.1°C
-
ಕೆಐಎಎಲ್ (ಕೆಂಪೇಗೌಡ ವಿಮಾನ ನಿಲ್ದಾಣ): ಗರಿಷ್ಠ 30.5°C, ಕನಿಷ್ಠ 21.4°C
-
ಜಿಕೆವಿಕೆ: ಗರಿಷ್ಠ 30.0°C, ಕನಿಷ್ಠ 21.0°C
-
ಹೊನ್ನಾವರ: ಗರಿಷ್ಠ 29.8°C, ಕನಿಷ್ಠ 23.9°C
-
ಕಾರವಾರ: ಗರಿಷ್ಠ 29.4°C, ಕನಿಷ್ಠ 25.4°C
-
ಮಂಗಳೂರು ಏರ್ಪೋರ್ಟ್: ಗರಿಷ್ಠ 29.1°C, ಕನಿಷ್ಠ 22.5°C
-
ಶಕ್ತಿನಗರ: ಗರಿಷ್ಠ 30.1°C, ಕನಿಷ್ಠ 21.2°C
-
ಬೆಳಗಾವಿ ಏರ್ಪೋರ್ಟ್: ಗರಿಷ್ಠ 27.6°C, ಕನಿಷ್ಠ 19.4°C
-
ಬೀದರ್: ಗರಿಷ್ಠ 31.0°C, ಕನಿಷ್ಠ 21.4°C
-
ವಿಜಯಪುರ: ಗರಿಷ್ಠ 31.6°C, ಕನಿಷ್ಠ 22.4°C
-
ಧಾರವಾಡ: ಗರಿಷ್ಠ 28.2°C, ಕನಿಷ್ಠ 19.6°C
-
ಗದಗ: ಗರಿಷ್ಠ 31.0°C, ಕನಿಷ್ಠ 21.8°C
-
ಕಲಬುರಗಿ: ಗರಿಷ್ಠ 33.2°C, ಕನಿಷ್ಠ 23.4°C
-
ಹಾವೇರಿ: ಗರಿಷ್ಠ 25.4°C, ಕನಿಷ್ಠ 21.4°C
-
ಕೊಪ್ಪಳ: ಗರಿಷ್ಠ 32.2°C, ಕನಿಷ್ಠ 24.5°C
-
ರಾಯಚೂರು: ಗರಿಷ್ಠ 34.0°C, ಕನಿಷ್ಠ 23.0°C
ಹವಾಮಾನ ಇಲಾಖೆಯು ಕರಾವಳಿ ಮತ್ತು ಒಳನಾಡಿನ ಜಿಲ್ಲೆಗಳಲ್ಲಿ ವಾಸಿಸುವವರಿಗೆ ಎಚ್ಚರಿಕೆಯಿಂದಿರುವಂತೆ ಸೂಚಿಸಿದೆ. ಕಡಿಮೆ ಎತ್ತರದ ಪ್ರದೇಶಗಳಲ್ಲಿ ಜಲಾವೃತಗೊಳ್ಳುವ ಸಾಧ್ಯತೆ, ಮರಗಳು ಉರುಳುವ ಅಪಾಯ, ಮತ್ತು ವಿದ್ಯುತ್ ವ್ಯತ್ಯಯದ ಸಂಭವವಿದೆ.