ಜಾತಿಗಣತಿ ವರದಿ ಸೋರಿಕೆ: ಯಾವ್ಯಾವ ಜಾತಿ ಜನಸಂಖ್ಯೆ ಎಷ್ಟಿದೆ?

ರಾಜ್ಯದಲ್ಲಿ ತೀವ್ರ ಕುತೂಹಲ ಮೂಡಿಸಿದ್ದ ಹಾಗೂ ಮಹತ್ವದಾಗಿದ್ದ ಜಾತಿ ಗಣತಿಯ ವರದಿ ಕೊನೆಗೂ ಬಹಿರಂಗವಾಗಿದೆ. ನಿನ್ನೆಯಷ್ಟೇ ಸಂಪುಟದಲ್ಲಿ ಅಂಗೀಕಾರವಾಗಿದ್ದ ಜಾತಿ ಜನಗಣತಿಯ ಅಂಕಿ ಅಂಶಗಳು ಸೋರಿಕೆಯಾಗಿದ್ದು, ಸೋರಿಕೆಯಾಗಿರುವ ಅಂಕಿ ಅಂಶಗಳ ಪ್ರಕಾರ ಯಾವ್ಯಾವ ಜಾತಿಯ ಜನಸಂಖ್ಯೆ ಎಷ್ಟಿದೆ ಎನ್ನುವ ಸಂಪೂರ್ಣ ವಿವರ ಹೀಗಿದೆ.

ಪರಿಶಿಷ್ಟ ಜಾತಿ 1,09,29,347, ಪರಿಶಿಷ್ಟ ಪಂಗಡ 42,81,289

ಪ್ರವರ್ಗ 2ಎ 77,78,209, ಪ್ರವರ್ಗ 2ಬಿ 75,25,880

ಸಾಮಾನ್ಯ ವರ್ಗ 29,74,153 ಜನರು ಅಂತಾ ಗಣತಿ

ಎಲ್ಲಾ ಪ್ರವರ್ಗಗಳಡಿ ಒಟ್ಟು ಜನಸಂಖ್ಯೆ 4,16,30,153

ಸಮೀಕ್ಷೆಗೊಳಪಡಿಸಿದ ಒಟ್ಟು ಜನಸಂಖ್ಯೆ 5.98.14.942

ಸೋರಿಕೆಯಾಗಿರುವ ಜಾತಿ ಗಣತಿ ವರದಿಯಲ್ಲಿ ದಲಿತರೇ ಮೇಲುಗೈ ಇದ್ದು ಎರಡನೇ ಸ್ಥಾನದಲ್ಲಿ 2ಎ, 2ಬಿ ವರ್ಗದ ಸಮುದಾಯವಿದೆ. ಪ್ರವರ್ಗ (2A) OBC ಸಮುದಾಯದ ಜನಸಂಖ್ಯೆ 77,78,209. ಪ್ರವರ್ಗ (2B) ಮುಸ್ಲಿಂ ಸಮುದಾಯದ ಜನಸಂಖ್ಯೆ – 75,25,880. ಪ್ರವರ್ಗ 3 (A) ಒಕ್ಕಲಿಗ ಸಮುದಾಯದ ಜನಸಂಖ್ಯೆ – 72,99,557. ಪ್ರವರ್ಗ 3(B) ಲಿಂಗಾಯತ ಸಮುದಾಯದ ಜನಸಂಖ್ಯೆ – 81,37,536. ಜಾತಿ ಗಣತಿಯಲ್ಲಿ ಮೊದಲ ಸ್ಥಾನದಲ್ಲಿ ಪರಿಶಿಷ್ಟ ಜಾತಿ ಯದ್ದೇ ಮೇಲುಗೈಯಾಗಿದ್ದು, ಜಾತಿ ಗಣತಿಯಲ್ಲಿ ಎರಡನೇ ಸ್ಥಾನ ಲಿಂಗಾಯತ ಸಮುದಾಯದ್ದಾಗಿದೆ. ಇನ್ನು ಜಾತಿಗಣತಿಯಲ್ಲಿ 3ನೇ ಸ್ಥಾನದಲ್ಲಿ 2(A) ಸಮುದಾಯ ಹಾಗೂ ಜಾತಿ ಗಣತಿಯ 4ನೇ ಸ್ಥಾನದಲ್ಲಿ ಮುಸ್ಲಿಂ (2B) ಸಮುದಾಯ, 5ನೇ ಸ್ಥಾನ ಪ್ರವರ್ಗ 1(B) – 73,92,313, 6ನೇ ಸ್ಥಾನದಲ್ಲಿ (3A) ಒಕ್ಕಲಿಗ- 72,99,557 ಸಮುದಾಯವಾಗಿದೆ.

ಅತ್ಯಂತ, ಅತಿ ಹಿಂದುಳಿದ, ಹಿಂದುಳಿದವರಿಗೆ ಶೇ.32 ಮೀಸಲಾತಿ ಮುಂದುವರಿಕೆ ಮಾಡಲು ವರದಿಯಲ್ಲಿ ಶಿಫಾರಸ್ಸು ಮಾಡಲಾಗಿದ್ದು, ಶೇ.32-ಶೇ.51ಕ್ಕೆ ಮೀಸಲಾತಿ ಹೆಚ್ಚಿಸುವಂತೆ ಶಿಫಾರಸ್ಸಿಗೆ ನಿರ್ಣಯಿಸಲಾಗಿದೆ. ಇನ್ನು ಜಾತಿ ಗಣತಿಯಲ್ಲಿ ಕೆಲ ವರ್ಗಗಳ ಮೀಸಲಾತಿ ಏರಿಕೆಯಾಗಿದ್ದು, ಯಾವ್ಯಾವ ಸಮುದಾಯಕ್ಕೆ ಎಷ್ಟು ಮೀಸಲಾತಿ ಏರಿಕೆಯಾಗಿರುವ ವಿವರ ಹೀಗಿದೆ.

ಪ್ರವರ್ಗ 1ಎ – ಶೇ.6ಷ್ಟು, ಪ್ರವರ್ಗ 1ಬಿ ಶೇ.12ರಷ್ಟು ಮೀಸಲಾತಿ ಏರಿಕೆ

ಪ್ರವರ್ಗ 2ಎ ಶೇ.10, ಪ್ರವರ್ಗ 2ಬಿ ಶೇ.8ರಷ್ಟು ಮೀಸಲಾತಿ ಏರಿಕೆ

ಪ್ರವರ್ಗ 3ಎ ಶೇ.7, ಪ್ರವರ್ಗ 3ಬಿ ಶೇ.8ರಷ್ಟು ಮೀಸಲಾತಿ ಏರಿಕೆ

ಜಾತಿ ಗಣತಿಯಲ್ಲಿ ಎಲ್ಲಾ ವರ್ಗಕ್ಕೆ ಒಟ್ಟು ಶೇ.51ರಷ್ಟು ಮೀಸಲಾತಿ ಯಿದ್ದು ಈ ಜಾತಿ ಗಣತಿಯ ಈ ಲೆಕ್ಕಾಚಾರಕ್ಕೆ ಕೇಂದ್ರದ ಅನುಮತಿ ಅಗತ್ಯವಾಗಿದೆ. ಗಣತಿ ಜಾರಿಗೆ ಸಂವಿಧಾನದ ತಿದ್ದುಪಡಿಯೂ ಕೂಡ ಅಗತ್ಯವಿದೆ.