ಬೆಂಗಳೂರು : ಹಕ್ಕಿಜ್ವರದ ಆತಂಕ ಮತ್ತು ಬಿಸಿಲಿನ ಝಳದಿಂದ ಬೆಂಗಳೂರಿನಲ್ಲಿ ಚಿಕನ್ ವಹಿವಾಟು 50% ಕುಸಿದಿದ್ದು, ಆದರೆ ಮಟನ್ ವ್ಯಾಪಾರ ಹೆಚ್ಚಾಗಿದೆ. ಪೂರೈಕೆ ಕಡಿಮೆಯಾದ್ದರಿಂದ ಕೋಳಿ ಮಾಂಸದ ಬೆಲೆ ಕೇಜಿಗೆ ₹20–30 ಏರಿಕೆಯಾಗಿದೆ. ಇದರ ಪರಿಣಾಮವಾಗಿ ಮಾಂಸಪ್ರಿಯರು ಮಟನ್ನತ್ತ ಮುಖಮಾಡುತ್ತಿದ್ದು, ಅದರ ಬೆಲೆಯೂ ₹50–100 ಏರಿದೆ.
ಹಕ್ಕಿಜ್ವರದ ಪರಿಣಾಮ:
ಆಂಧ್ರ, ತೆಲಂಗಾಣ ಮತ್ತು ಕರ್ನಾಟಕದ ಬಳ್ಳಾರಿ, ಚಿಕ್ಕಬಳ್ಳಾಪುರದಲ್ಲಿ ಹಕ್ಕಿಜ್ವರದ ಪ್ರಕರಣಗಳು ವರದಿಯಾಗಿವೆ. ಸೋಂಕು ಹರಡದಂತೆ ಸಾವಿರಾರು ಕೋಳಿಗಳನ್ನು ನಾಶಮಾಡಲಾಗಿದೆ. ಪೌಲ್ಟ್ರಿ ಕಂಪನಿಗಳು ಉತ್ಪಾದನೆ ಕಡಿಮೆ ಮಾಡಿದ್ದು, ಬೆಂಗಳೂರು ಸುತ್ತಲೂ ಫಾರಂಗಳು ಕಟ್ಟುನಿಟ್ಟಾದ ನಿಯಂತ್ರಣಗಳನ್ನು ಜಾರಿಗೆ ತಂದಿವೆ.
ಚಿಕನ್ ಬೆಲೆ, ಮೊಟ್ಟೆ ದರ
- ಲೈವ್ ಕೋಳಿಯ ದರ: ₹120–125 (ಪೌಲ್ಟ್ರಿ) → ₹160–180 (ರಿಟೇಲ್).
- ಸ್ಕಿನ್ ಜೊತೆ: ₹350–360 → ಸ್ಕಿನ್ ಇಲ್ಲದೆ: ₹280–300.
- ಮೊಟ್ಟೆ: ಪ್ರತಿ ₹5–6 (ಸ್ಥಿರ).
ವ್ಯಾಪಾರದಲ್ಲಿ ಅರ್ಧದಷ್ಟು ಕುಸಿತ:
“ಹಕ್ಕಿಜ್ವರದ ಸುದ್ದಿಗಳ ನಂತರ ಗ್ರಾಹಕರು ಚಿಕನ್ ತಿನ್ನುವುದನ್ನು ಕಡಿಮೆಮಾಡುತ್ತಿದ್ದಾರೆ. ಚಿಲ್ಲರೆ ಅಂಗಡಿಗಳಲ್ಲಿ ಕೊಳ್ಳುತ್ತಿರುವುದು ಕಡಿಮೆಯಾವಿದೆ. ವಾರಕ್ಕೆ 50% ವಹಿವಾಟು ಕುಸಿದಿದೆ” ಎನ್ನುತ್ತಾರೆ ಹೊಲ್ಸೇಲ್ ವ್ಯಾಪಾರಿ.
ಮಟನ್ ಬೇಡಿಕೆಗೆ ಬೆಲೆ ಏರಿಕೆ:
- ಮಟನ್ ದರ: ಕೇಜಿಗೆ ₹700–750 → ₹800–900.
- “ಚಿಕನ್ ಬದಲು ಮಟನ್ ತಿನ್ನುವವರು ಹೆಚ್ಚಾಗಿದ್ದಾರೆ. ಬೇಡಿಕೆ ಏರಿದ್ದರಿಂದ ದರವೂ ಹೆಚ್ಚಾಗಿದೆ,” ಎಂದು ಮಾಂಸ ವ್ಯಾಪಾರಿಗಳು ತಿಳಿಸಿದ್ದಾರೆ.