ಭಾರತೀಯ ಸೇನೆಯು ಅಗ್ನಿಪಥ್ ಯೋಜನೆಯಡಿ ಅಗ್ನಿವೀರ್ ನೇಮಕಾತಿ 2026ರ ಅಧಿಕೃತ ಅಧಿಸೂಚನೆಯನ್ನು ಬಿಡುಗಡೆ ಮಾಡಿದೆ. ಇದು ದೇಶಸೇವೆಗೆ ಆಸಕ್ತಿ ಇರುವ ಯುವಕ-ಯುವತಿಯರಿಗೆ ದೊಡ್ಡ ಅವಕಾಶವಾಗಿದೆ. ಒಟ್ಟು 25,000ಕ್ಕೂ ಹೆಚ್ಚು ಹುದ್ದೆಗಳು ಭರ್ತಿಯಾಗುತ್ತಿವೆ. ಆನ್ಲೈನ್ ಅರ್ಜಿ ಸಲ್ಲಿಕೆ ಪ್ರಕ್ರಿಯೆಯು ಫೆಬ್ರವರಿ 13, 2026ರಿಂದ ಆರಂಭವಾಗಿದ್ದು, ಏಪ್ರಿಲ್ 1, 2026ರವರೆಗೆ ಮುಂದುವರಿಯಲಿದೆ.
ಅಭ್ಯರ್ಥಿಗಳು ಅಧಿಕೃತ ವೆಬ್ಸೈಟ್ joinindianarmy.nic.in ಮೂಲಕ ಅರ್ಜಿ ಸಲ್ಲಿಸಬಹುದು. ಸಾಮಾನ್ಯ ಪ್ರವೇಶ ಪರೀಕ್ಷೆ (CEE) ಜೂನ್ 1ರಿಂದ ಜೂನ್ 15ರ ನಡುವೆ ನಡೆಯಲಿದೆ. ಅರ್ಜಿ ಸಲ್ಲಿಸುವ ಮೊದಲು ಅಧಿಸೂಚನೆಯನ್ನು ಸಂಪೂರ್ಣವಾಗಿ ಓದಿ ಅರ್ಹತೆಯನ್ನು ಪರಿಶೀಲಿಸಿ.
ಅಗ್ನಿವೀರ್ ಹುದ್ದೆಗಳು ಮತ್ತು ಶೈಕ್ಷಣಿಕ ಅರ್ಹತೆ
ಹುದ್ದೆಗಳ ಪ್ರಕಾರ ಅರ್ಹತೆ ವಿಭಿನ್ನವಾಗಿರುತ್ತದೆ:
- ಅಗ್ನಿವೀರ್ ಜನರಲ್ ಡ್ಯೂಟಿ (GD) : 10ನೇ ತರಗತಿ ಉತ್ತೀರ್ಣರಾಗಿರಬೇಕು. ಒಟ್ಟು ಶೇ.45 ಅಂಕಗಳು ಮತ್ತು ಪ್ರತಿ ವಿಷಯದಲ್ಲಿ ಕನಿಷ್ಠ ಶೇ.33 ಅಂಕಗಳು ಅಗತ್ಯ.
- ಅಗ್ನಿವೀರ್ ತಾಂತ್ರಿಕ : 12ನೇ ತರಗತಿ (ಭೌತಶಾಸ್ತ್ರ, ಗಣಿತ, ರಸಾಯನಶಾಸ್ತ್ರ ಮತ್ತು ಇಂಗ್ಲಿಷ್ನೊಂದಿಗೆ) ಶೇ.50 ಅಂಕಗಳು ಮತ್ತು ಪ್ರತಿ ವಿಷಯದಲ್ಲಿ ಕನಿಷ್ಠ ಶೇ.40 ಅಂಕಗಳು.
- ಕ್ಲರ್ಕ್ / ಸ್ಟೋರ್ಕೀಪರ್ ಟೆಕ್ನಿಕಲ್ : 12ನೇ ತರಗತಿ ಉತ್ತೀರ್ಣರಾಗಿರಬೇಕು. ಒಟ್ಟು ಶೇ.60 ಅಂಕಗಳು ಮತ್ತು ಇಂಗ್ಲಿಷ್/ಗಣಿತ/ಅಕೌಂಟ್ಸ್ನಲ್ಲಿ ಶೇ.50 ಅಂಕಗಳು.
- ಟ್ರೇಡ್ಸ್ಮನ್ : 8ನೇ ಅಥವಾ 10ನೇ ತರಗತಿ ಉತ್ತೀರ್ಣರಾಗಿರಬೇಕು. ಪ್ರತಿ ವಿಷಯದಲ್ಲಿ ಕನಿಷ್ಠ ಶೇ.33 ಅಂಕಗಳು.
- ಮಹಿಳಾ ಮಿಲಿಟರಿ ಪೊಲೀಸ್ (GD) : 10ನೇ ತರಗತಿಯಲ್ಲಿ ಶೇ.45 ಅಂಕಗಳು.
- ಸೋಲ್ಜರ್ ಟೆಕ್ನಿಕಲ್ ನರ್ಸಿಂಗ್ ಅಸಿಸ್ಟೆಂಟ್ : 12ನೇ ತರಗತಿ (ಭೌತಶಾಸ್ತ್ರ, ರಸಾಯನಶಾಸ್ತ್ರ, ಜೀವಶಾಸ್ತ್ರ ಮತ್ತು ಇಂಗ್ಲಿಷ್) ಶೇ.50 ಅಂಕಗಳು.
- ಸಿಪಾಯಿ ಫಾರ್ಮಾ : ಡಿ.ಫಾರ್ಮಾ (ಶೇ.55) ಅಥವಾ ಬಿ.ಫಾರ್ಮಾ (ಶೇ.50) ಮತ್ತು ಫಾರ್ಮಸಿ ಕೌನ್ಸಿಲ್ ನೋಂದಣಿ.
- ಜೆಸಿಒ ಧಾರ್ಮಿಕ ಶಿಕ್ಷಕ : ಸಂಬಂಧಿತ ಧರ್ಮದಲ್ಲಿ ಪದವಿ ಅಥವಾ ಡಿಪ್ಲೊಮಾ.
ವಯೋಮಿತಿ :
- ಅಗ್ನಿವೀರ್ GD, ಟೆಕ್ನಿಕಲ್, ಟ್ರೇಡ್ಸ್ಮನ್: 17.5 ರಿಂದ 22 ವರ್ಷಗಳು.
- ಸೋಲ್ಜರ್ ಟೆಕ್ನಿಕಲ್ ಹುದ್ದೆಗಳು: ಗರಿಷ್ಠ 23 ವರ್ಷಗಳು.
- ಸಿಪಾಯಿ ಫಾರ್ಮಾ: 19 ರಿಂದ 25 ವರ್ಷಗಳು.
- ಜೆಸಿಒ ಧಾರ್ಮಿಕ ಶಿಕ್ಷಕ: 25 ರಿಂದ 34 ವರ್ಷಗಳು.
ಆಯ್ಕೆ ಪ್ರಕ್ರಿಯೆ :
ಆಯ್ಕೆಯು ಹಲವು ಹಂತಗಳನ್ನು ಒಳಗೊಂಡಿದೆ:
- ಆನ್ಲೈನ್ ಸಾಮಾನ್ಯ ಪ್ರವೇಶ ಪರೀಕ್ಷೆ (CEE)–ಕಂಪ್ಯೂಟರ್ ಆಧಾರಿತ.
- ದೈಹಿಕ ಸದೃಢತಾ ಪರೀಕ್ಷೆ (PFT) ಮತ್ತು ದೈಹಿಕ ಅಳತೆ.
- ವೈದ್ಯಕೀಯ ಪರೀಕ್ಷೆ.
- ಅಂತಿಮ ಮೆರಿಟ್ ಪಟ್ಟಿ.
ದೈಹಿಕ ಮಾನದಂಡಗಳು :
- ಕನಿಷ್ಠ ಎತ್ತರ : ಸಾಮಾನ್ಯ ಹುದ್ದೆಗಳಿಗೆ 170 ಸೆ.ಮೀ., ಕ್ಲರ್ಕ್ಗೆ 162 ಸೆ.ಮೀ.
- ಎದೆಯ ಗಾತ್ರ : 77 ಸೆ.ಮೀ. + ಕನಿಷ್ಠ 5 ಸೆ.ಮೀ. ವಿಸ್ತರಣೆ.
ದೇಶಸೇವೆಯ ಕನಸು ಹೊಂದಿರುವ ಯುವಕ-ಯುವತಿಯರು ತಕ್ಷಣ ಅರ್ಜಿ ಸಲ್ಲಿಸಿ. ಅಧಿಕೃತ ವೆಬ್ಸೈಟ್ನಲ್ಲಿ ಸಂಪೂರ್ಣ ವಿವರಗಳನ್ನು ಪರಿಶೀಲಿಸಿ ಮತ್ತು ಯಾವುದೇ ತಪ್ಪು ಮಾಹಿತಿಗೆ ಬಲಿಯಾಗಬೇಡಿ.