ಗೂಗಲ್‌ನಲ್ಲಿ ಒಂದು ವರ್ಷ ಕೆಲಸ ಮಾಡಿದ ಬೆಂಗಳೂರು ಟೆಕ್ಕಿಯ12 ಪಾಠ, ಇವುಗಳು ಇದ್ದರೆ ಮಾತ್ರ ನೀವು ಅರ್ಹ!

ಗೂಗಲ್‌ನಲ್ಲಿ ತನ್ನ ಮೊದಲ ವರ್ಷದ ಅನುಭವವನ್ನು ಹಂಚಿಕೊಂಡ ಬೆಂಗಳೂರು ಮೂಲದ ಟೆಕ್ಕಿ ದೀಕ್ಷಾ ಅಗರ್ವಾಲ್ ಅವರ ಪೋಸ್ಟ್ ಇದೀಗ ಟೆಕ್ ಸಮುದಾಯದಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದೆ. ವಿಶ್ವದ ಅತ್ಯಂತ ಪ್ರತಿಷ್ಠಿತ ತಂತ್ರಜ್ಞಾನ ಕಂಪನಿಯಲ್ಲಿ ಕೆಲಸ ಮಾಡುವುದು ಕೇವಲ ರೆಸ್ಯೂಮ್‌ಗೆ ಮೌಲ್ಯ ಹೆಚ್ಚಿಸುವುದಲ್ಲ, ಅದು ಕೆಲಸವನ್ನು ನೋಡುವ ದೃಷ್ಟಿಕೋಣವನ್ನೇ ಬದಲಾಯಿಸುವ ಅನುಭವವಾಗಿದೆ ಎಂದು ಅವರು ಹೇಳುತ್ತಾರೆ.

ದೀಕ್ಷಾ ಅವರು ಗೂಗಲ್‌ನಲ್ಲಿ ತಮ್ಮ ಮೊದಲ ವರ್ಷದಲ್ಲಿ ಕಲಿತ 12 ಪ್ರಮುಖ ಪಾಠಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಇವು ಕೇವಲ ಕೋಡಿಂಗ್ ಟಿಪ್ಸ್ ಅಲ್ಲ, ಉತ್ತಮ ಎಂಜಿನಿಯರ್ ಆಗಲು ಬೇಕಾದ ಮನೋಭಾವ, ಸಂಸ್ಕೃತಿ ಮತ್ತು ಕೆಲಸದ ಗುಣಮಟ್ಟದ ಬಗ್ಗೆಯೂ ಮಾಹಿತಿ ನೀಡುತ್ತವೆ.

ದೀಕ್ಷಾ ಅಗರ್ವಾಲ್ ಹಂಚಿಕೊಂಡ 12 ಪಾಠಗಳು

1. 1. ಸರಳತೆಗೇ ಮೊದಲ ಆದ್ಯತೆ ಬುದ್ಧಿವಂತನಂತೆ ಕಾಣುವ ಕೋಡ್‌ಗಿಂತ ಓದಲು ಸುಲಭವಾದ, ನಿರ್ವಹಿಸಲು ಅನುಕೂಲವಾದ ಸರಳ ಕೋಡ್ ಬರೆಯಿರಿ. ದೀರ್ಘಾವಧಿಯಲ್ಲಿ ಇದೇ ನಿಜವಾದ ಪ್ರಭಾವ ಬೀರುತ್ತದೆ.
   2. ಸಣ್ಣ ದೋಷ ದೊಡ್ಡ ಪರಿಣಾಮ ಜಾಗತಿಕ ಮಟ್ಟದ ಉತ್ಪನ್ನದಲ್ಲಿ ಒಂದು ಶೇಕಡಾ ದೋಷವೂ ಲಕ್ಷಾಂತರ ಬಳಕೆದಾರರಿಗೆ ತೊಂದರೆ ಉಂಟುಮಾಡಬಲ್ಲದು. ಗುಣಮಟ್ಟದ ಮೇಲೆ ಯಾವುದೇ ರಾಜಿ ಮಾಡಿಕೊಳ್ಳಬೇಡಿ.
   3. ಪರೀಕ್ಷೆಗಳು ಮನಸ್ಸಿನ ಶಾಂತಿ ಉತ್ತಮ ಟೆಸ್ಟ್‌ಗಳು ಕೇವಲ ಕರ್ತವ್ಯವಲ್ಲ ಅದು ತಂಡಕ್ಕೆ ಆತ್ಮವಿಶ್ವಾಸ ಮತ್ತು ದೀರ್ಘಾವಧಿಯ ಸ್ಥಿರತೆ ನೀಡುವ ಭದ್ರತೆಯಾಗಿದೆ.
   4. ಸಣ್ಣ ಬದಲಾವಣೆಗಳು ಉತ್ತಮ ವಿಮರ್ಶೆ ಸಣ್ಣ ಪುಲ್ ರಿಕ್ವೆಸ್ಟ್‌ಗಳು ಹೆಚ್ಚು ಆಳವಾದ ವಿಮರ್ಶೆ ಪಡೆಯುತ್ತವೆ. ದೊಡ್ಡ ಬದಲಾವಣೆಗಳನ್ನು ಹಂತ ಹಂತವಾಗಿ ಮಾಡಿ.
   5. ‘ಏಕೆ’ಯನ್ನು ದಾಖಲಿಸಿ ಕೋಡ್ ಏನು ಮಾಡುತ್ತದೆ ಎಂಬುದನ್ನು ತೋರಿಸುವುದು ಸಾಕಲ್ಲ ಅದನ್ನು ಏಕೆ ಮಾಡಲಾಗಿದೆ ಎಂಬುದನ್ನು ಕಾಮೆಂಟ್‌ಗಳಲ್ಲಿ ಸ್ಪಷ್ಟವಾಗಿ ದಾಖಲಿಸಿ.
   6. ಡೇಟಾ ಮಾತನಾಡಲಿ ಬದಲಾವಣೆಯನ್ನು ಒತ್ತಾಯಿಸುವಾಗ ಅಭಿಪ್ರಾಯಕ್ಕಿಂತ ಡೇಟಾ ಹೆಚ್ಚು ಪ್ರಭಾವ ಬೀರುತ್ತದೆ.

1. 20 ನಿಮಿಷಗಳ ನಿಯಮ ಒಂದು ಸಮಸ್ಯೆಯಲ್ಲಿ 20 ನಿಮಿಷಗಳಿಗಿಂತ ಹೆಚ್ಚು ಸಿಲುಕಿಕೊಂಡರೆ ಸಹಾಯ ಕೇಳಿ. ಸಮಯ ವ್ಯರ್ಥವಾಗದಂತೆ ನೋಡಿಕೊಳ್ಳಿ.
2. ದೋಷಾರೋಪಣೆಗಿಂತ ಪರಿಹಾರಕ್ಕೆ ಆದ್ಯತೆ ಸಮಸ್ಯೆ ಎದುರಾದಾಗ ಯಾರ ತಪ್ಪು ಎಂದು ಹುಡುಕುವ ಬದಲು ಹೇಗೆ ಸರಿಪಡಿಸುವುದು ಎಂಬುದಕ್ಕೆ ಗಮನ ಹರಿಸಿ.
3. ಇಂಪೋಸ್ಟರ್ ಸಿಂಡ್ರೋಮ್ ಸಾಮಾನ್ಯ ಎಲ್ಲರಲ್ಲೂ ಇರುವ ಸಾಮಾನ್ಯ ಭಾವನೆ. ಪ್ರತಿಯೊಬ್ಬರೂ ನಿರಂತರವಾಗಿ ಕಲಿಯುತ್ತಿರುವವರೇ.
4. ಅನಗತ್ಯ ಕೋಡ್ ಅಳಿಸುವುದೂ ಮಹತ್ವದ ಕೆಲಸ ಹೊಸ ವೈಶಿಷ್ಟ್ಯ ನಿರ್ಮಿಸುವಷ್ಟೇ ಅನಗತ್ಯ ಕೋಡ್ ಅಳಿಸುವುದೂ ಮೌಲ್ಯಯುತ ಕೊಡುಗೆ.
5. ಬಳಕೆದಾರನೇ ಕೇಂದ್ರಬಿಂದು ಎಲ್ಲ ತಾಂತ್ರಿಕ ನಿರ್ಧಾರಗಳಿಗೂ ಬಳಕೆದಾರರ ಅನುಭವವೇ ಮುಖ್ಯ. ತಂತ್ರಜ್ಞಾನ ಜನರಿಗೆ ನಿಜವಾಗಿ ಸಹಾಯ ಮಾಡಬೇಕು.
6. ಸರಳತೆಯೇ ಶಕ್ತಿ ಸರಳವಾದ ವಿನ್ಯಾಸ, ಸರಳವಾದ ಕೋಡ್, ಸರಳವಾದ ಸಂವಹನ – ಇದೇ ದೀರ್ಘಾವಧಿಯ ಯಶಸ್ಸಿಗೆ ಮೂಲ.

ದೀಕ್ಷಾ ಅವರ ಈ 12 ಪಾಠಗಳು ಗೂಗಲ್‌ನಂತಹ ದೊಡ್ಡ ಸಂಸ್ಥೆಯಲ್ಲಿ ಮಾತ್ರವಲ್ಲ, ಯಾವುದೇ ಟೆಕ್ ಕಂಪನಿಯಲ್ಲಿ ಉತ್ತಮ ಎಂಜಿನಿಯರ್ ಆಗಲು ಬೇಕಾದ ಮನೋಭಾವವನ್ನು ಸ್ಪಷ್ಟವಾಗಿ ತೋರಿಸುತ್ತವೆ. ಇವುಗಳನ್ನು ಅಳವಡಿಸಿಕೊಂಡರೆ ಕೇವಲ ಕೋಡ್ ಬರೆಯುವುದಲ್ಲ, ಉತ್ತಮ ಉತ್ಪನ್ನಗಳನ್ನು ನಿರ್ಮಿಸುವ ದೃಷ್ಟಿಕೋನ ಬರುತ್ತದೆ.