ಕೆಲ ದಿನಗಳಿಂದ ತಣ್ಣಗಾಗಿದ್ದ ರಷ್ಯಾ ಮತ್ತು ಉಕ್ರೇನ್ ನಡುವಿನ ಮಹಾಯುದ್ಧ ಈಗ ಮತ್ತೆ ಉಗ್ರರೂಪ ಪಡೆದುಕೊಂಡಿದೆ. ನಿನ್ನೆ ರಾತ್ರಿ ಉಕ್ರೇನ್ ಪಡೆಗಳು ರಷ್ಯಾದ ಮೇಲೆ ದಿಢೀರ್ ಬೃಹತ್ ದಾಳಿ ನಡೆಸಿವೆ. ರಷ್ಯಾದ ಪ್ರಮುಖ ಇಂಧನ ಮೂಲಗಳನ್ನೇ ಗುರಿಯಾಗಿಸಿಕೊಂಡು ಉಕ್ರೇನ್ ಏಕಕಾಲದಲ್ಲಿ 400ಕ್ಕೂ ಹೆಚ್ಚು ಡ್ರೋನ್ಗಳ ಮೂಲಕ ದಾಳಿ ಮಾಡಿದೆ. ಆದರೆ, ರಷ್ಯಾ ತನ್ನ ಅತ್ಯಾಧುನಿಕ ರಕ್ಷಣಾ ವ್ಯವಸ್ಥೆಯ ಮೂಲಕ ಉಕ್ರೇನ್ನ ಈ ಬೃಹತ್ ಡ್ರೋನ್ ದಾಳಿಯನ್ನು ಯಶಸ್ವಿಯಾಗಿ ಹೊಡೆದುರುಳಿಸಿದೆ ಎಂದು ಮೂಲಗಳು ತಿಳಿಸಿವೆ.
ರಷ್ಯಾದ ಆರ್ಎಸ್-24, ಆರ್ಎಸ್-28 ಮಿಸೈಲ್ ದಾಳಿಗೆ ಉಕ್ರೇನ್ ತತ್ತರ
ಉಕ್ರೇನ್ನ ಡ್ರೋನ್ ದಾಳಿಗೆ ಪ್ರತಿಯಾಗಿ ರಷ್ಯಾ ಭೀಕರ ಮಿಸೈಲ್ ದಾಳಿ ನಡೆಸಿದೆ. ರಷ್ಯಾದ ಬಲಿಷ್ಠ ಆರ್ಎಸ್-24 (RS-24) ಮತ್ತು ಆರ್ಎಸ್-28 (RS-28) ಕ್ಷಿಪಣಿಗಳು ಉಕ್ರೇನ್ನ ಸೇನಾ ನೆಲೆಗಳ ಮೇಲೆ ಮುಗಿಬಿದ್ದಿದ್ದು, ಈ ವಿನಾಶಕಾರಿ ಹೊಡೆತಕ್ಕೆ ಉಕ್ರೇನ್ ಸೇನೆ ದಿಕ್ಕೆಟ್ಟಿದೆ ಎನ್ನಲಾಗಿದೆ.
ಷೇರು ಮಾರುಕಟ್ಟೆ ಧರಾಶಾಹಿ
ಹೂಡಿಕೆದಾರರಲ್ಲಿ ಆತಂಕ ಯುದ್ಧದ ಭೀತಿ ಜಾಗತಿಕ ಆರ್ಥಿಕತೆಯ ಮೇಲೆ ತಕ್ಷಣವೇ ಪ್ರಭಾವ ಬೀರಿದೆ. ವರದಿಗಳು ಹೊರಬೀಳುತ್ತಿದ್ದಂತೆ ಭಾರತೀಯ ಷೇರು ಮಾರುಕಟ್ಟೆಯಾದ ಸೆನ್ಸೆಕ್ಸ್ ಮತ್ತು ನಿಫ್ಟಿ ತೀವ್ರ ಕುಸಿತ ಕಂಡಿವೆ. ಜಾಗತಿಕ ಮಾರುಕಟ್ಟೆಗಳು ನೆಲಕಚ್ಚುತ್ತಿರುವುದರಿಂದ ಹೂಡಿಕೆದಾರರ ಆತಂಕ ದುಪ್ಪಟ್ಟಾಗಿದೆ.
ಪೆಟ್ರೋಲ್, ಡೀಸೆಲ್ ದರ ಏರಿಕೆಯ ಭೀತಿಯಲ್ಲಿ ಏಷ್ಯಾ ರಾಷ್ಟ್ರಗಳು
ಯುದ್ಧದ ಬೆನ್ನಲ್ಲೇ ಇಂಧನ ದರ ಏರಿಕೆಯ ಭೀತಿ ಮತ್ತೆ ಶುರುವಾಗಿದೆ. ರಷ್ಯಾ ದೇಶವು ಭಾರತ ಸೇರಿದಂತೆ ಏಷ್ಯಾದ ಹಲವು ರಾಷ್ಟ್ರಗಳಿಗೆ ದೊಡ್ಡ ಪ್ರಮಾಣದಲ್ಲಿ ಕಚ್ಚಾ ತೈಲವನ್ನು (Oil Supply) ಪೂರೈಸುತ್ತದೆ. ಒಂದು ವೇಳೆ ಉಕ್ರೇನ್ ದಾಳಿಯಿಂದ ರಷ್ಯಾದ ಪೆಟ್ರೋಲಿಯಂ ಪ್ಲಾಂಟ್ಗಳಿಗೆ ಧಕ್ಕೆಯಾದರೆ ಅಥವಾ ಯುದ್ಧ ದೀರ್ಘಕಾಲ ಮುಂದುವರಿದರೆ, ಏಷ್ಯಾ ಖಂಡದಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ಅಭಾವ ಸೃಷ್ಟಿಯಾಗಿ ಬೆಲೆಗಳು ಗಗನಕ್ಕೇರುವ ಸಾಧ್ಯತೆ ದಟ್ಟವಾಗಿದೆ.
ಜಾಗತಿಕ ಯುದ್ಧದ ಭೀತಿ
ಸಾಮಾನ್ಯ ಜನರ ನಿದ್ದೆಗೆಡಿಸಿದ ಆತಂಕ ಒಂದೆಡೆ ರಷ್ಯಾ-ಉಕ್ರೇನ್ ಸಂಘರ್ಷ ತಾರಕಕ್ಕೇರಿದ್ದರೆ, ಮತ್ತೊಂದೆಡೆ ಅಮೆರಿಕ ಮತ್ತು ಇರಾನ್ ನಡುವಿನ ಉದ್ವಿಗ್ನತೆಯೂ ಹೆಚ್ಚಾಗುತ್ತಿದೆ. ಈ ಸಾಲು ಸಾಲು ಯುದ್ಧದ ಕಾರ್ಮೋಡಗಳು ಎಲ್ಲಿಗೆ ಕೊಂಡೊಯ್ಯುತ್ತವೆ ಎಂಬ ಭೀತಿ ವಿಶ್ವದಾದ್ಯಂತ ಸೃಷ್ಟಿಯಾಗಿದೆ.
ಜಾಗತಿಕ ಸಂಘರ್ಷಗಳು ಸೃಷ್ಟಿಯಾದಾಗಲೆಲ್ಲಾ ಪೆಟ್ರೋಲ್, ಡೀಸೆಲ್ ಮತ್ತು ಎಲ್ಪಿಜಿ ಗ್ಯಾಸ್ ದರಗಳು ಏರಿಕೆಯಾಗುತ್ತವೆ. ಈಗಾಗಲೇ ಹಣದುಬ್ಬರ ಮತ್ತು ಬೆಲೆ ಏರಿಕೆಯಿಂದ ತತ್ತರಿಸಿರುವ ಸಾಮಾನ್ಯ ಜನರಿಗೆ, ಈ ಯುದ್ಧ ಮತ್ತಷ್ಟು ಆರ್ಥಿಕ ಹೊರೆಯಾಗಲಿದೆಯೇ ಎಂಬ ತಳಮಳ ಶುರುವಾಗಿದೆ.