ಬಿಗ್ ಬಾಸ್ ಕನ್ನಡ ಸೀಸನ್ 12 ಗ್ರ್ಯಾಂಡ್ ಫಿನಾಲೆ ಹಂತಕ್ಕೆ ತಲುಪುತ್ತಿದ್ದಂತೆ ಪ್ರೇಕ್ಷಕರಿಗೆ ಭಾರೀ ಶಾಕ್ ನೀಡುವ ಎಲಿಮಿನೇಷನ್ ನಡೆದಿದೆ. ಸೀಸನ್ನಲ್ಲಿ ‘ಟಾಸ್ಕ್ ಮಾಸ್ಟರ್’ ಎಂದೇ ಗುರುತಿಸಿಕೊಂಡಿದ್ದ ಧನುಷ್ ಗೌಡ ಫಿನಾಲೆಗೂ ಮುನ್ನವೇ ಹೊರಬಿದ್ದಿದ್ದಾರೆ. ವಿನ್ನರ್ ಆಗಬಹುದು ಎಂದು ಅಭಿಮಾನಿಗಳು ಭಾವಿಸಿದ್ದ ಧನುಷ್ ಔಟ್ ಆಗಿದ್ದಾರೆ..
ಧನುಷ್ ಅವರ ಬಿಗ್ ಬಾಸ್ ಜರ್ನಿ ಆರಂಭದಿಂದಲೇ ವಿಭಿನ್ನವಾಗಿತ್ತು. ಹೆಚ್ಚು ಮಾತನಾಡದೇ, ಜಗಳ-ಕಲಹಗಳಿಂದ ದೂರ ಉಳಿದು, ಶಾಂತವಾಗಿ ಆಟ ಆಡಿದವರು ಧನುಷ್. ಮೊದಲ ವಾರದಿಂದಲೇ ಟಾಸ್ಕ್ಗಳಲ್ಲಿ ತಮ್ಮ ಸಾಮರ್ಥ್ಯ ತೋರಿಸಿದ ಅವರು, ಕ್ರಮೇಣ ಮನೆಯೊಳಗಿನ ಸ್ಟ್ರಾಂಗ್ ಕಂಟೆಸ್ಟೆಂಟ್ ಆಗಿ ಹೊರಹೊಮ್ಮಿದರು. ಟಾಸ್ಕ್ ಅಂತ ಬಂದರೆ, ಪ್ರೇಕ್ಷಕರಿಗೆ ಮೊದಲಿಗೆ ನೆನಪಾಗುತ್ತಿದ್ದ ಹೆಸರು ಧನುಷ್ದ್ದೇ ಆಗಿತ್ತು. ಅವರಿಗೆ 1 ಕೋಟಿ 27 ಲಕ್ಷ ವೋಟ್ ಬಿದ್ದಿದೆ. ವಿನ್ನರ್ ವೋಟ್ 40 ಕೋಟಿ ಮೇಲಿದೆ. ಹೀಗಾಗಿ, ಅದಕ್ಕೆ ಹೋಲಿಸಿದರೆ ಇದು ಕಡಿಮೆಯೇ.
ಈ ಸೀಸನ್ನಲ್ಲಿ ಮೂರು ಬಾರಿ ಕ್ಯಾಪ್ಟನ್ ಆಗಿ ದಾಖಲೆ ಬರೆದಿರುವ ಕೀರ್ತಿ ಧನುಷ್ಗೆ ಸಲ್ಲುತ್ತದೆ. ಅಷ್ಟೇ ಅಲ್ಲ, ಅವರು ಈ ಸೀಸನ್ನ ಕೊನೆಯ ಕ್ಯಾಪ್ಟನ್ ಕೂಡ ಆಗಿದ್ದರು. ಕೊನೆಯ ಕ್ಯಾಪ್ಟನ್ ಆದ ಕಾರಣ ಅವರಿಗೆ ಕೆಲವು ವಿಶೇಷ ಅಧಿಕಾರಗಳು ಲಭಿಸಿದ್ದವು. ‘ಟಿಕೆಟ್ ಟು ಟಾಪ್ 6’ ಗೆದ್ದು, ಮೊದಲ ಫೈನಲಿಸ್ಟ್ ಆಗಿ ಹೊರಹೊಮ್ಮಿದ್ದ ಧನುಷ್, ಫಿನಾಲೆ ತಲುಪುವುದು ಖಚಿತ ಎನ್ನುವ ನಿರೀಕ್ಷೆ ಎಲ್ಲರಲ್ಲೂ ಮೂಡಿಸಿತ್ತು.
ಆದರೆ, ಸೀಸನ್ ಮುಂದುವರಿದಂತೆ ಆಟದ ಡೈನಾಮಿಕ್ಸ್ ಬದಲಾಗತೊಡಗಿದವು. ವೈಲ್ಡ್ ಕಾರ್ಡ್ ಮೂಲಕ ರಘು ಅವರ ಎಂಟ್ರಿಯ ನಂತರ ಸ್ಪರ್ಧೆ ಇನ್ನಷ್ಟು ಕಠಿಣವಾಯಿತು. ರಘು ಕೂಡ ಸ್ಟ್ರಾಂಗ್ ಕಂಟೆಸ್ಟೆಂಟ್ ಆಗಿ ಕಾಣಿಸಿಕೊಂಡರು. ಧನುಷ್ ಅವರು ಟಾಸ್ಕ್ಗಳಲ್ಲಿ ಅದ್ಭುತ ಪ್ರದರ್ಶನ ನೀಡಿದರೂ, ಮನೆಯೊಳಗಿನ ಸಂಭಾಷಣೆ, ಸ್ಟ್ರಾಟೆಜಿ ಮತ್ತು ಎಂಟರ್ಟೇನ್ಮೆಂಟ್ ಅಂಶದಲ್ಲಿ ಹೆಚ್ಚು ಕಾಣಿಸಿಕೊಳ್ಳದೇ ಇದ್ದುದು ಕೆಲ ವೀಕ್ಷಕರ ಅಸಮಾಧಾನಕ್ಕೆ ಕಾರಣವಾಯಿತು.
ಇನ್ನೂ, ಕಾವ್ಯ ಮತ್ತು ಗಿಲ್ಲಿ ನಡುವಿನ ವಿಚಾರಗಳಲ್ಲಿ ಧನುಷ್ ಪದೇ ಪದೇ ಮಧ್ಯೆ ಪ್ರವೇಶಿಸುತ್ತಿದ್ದರು ಎಂಬ ಆರೋಪವೂ ಕೇಳಿಬಂದಿತ್ತು. ಆದರೂ, ಅವರು ಯಾವುದೇ ದೊಡ್ಡ ಜಗಳ ಅಥವಾ ಮೇಜರ್ ಕಾನ್ಫ್ಲಿಕ್ಟ್ ಇಲ್ಲದೇ ಫಿನಾಲೆ ಹಂತದವರೆಗೂ ಬಂದ ಮೊದಲ ಸ್ಪರ್ಧಿ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಈ ವಿಚಾರವನ್ನು ಸ್ವತಃ ಬಿಗ್ ಬಾಸ್ ಕೂಡ ಮೆಚ್ಚುಗೆ ವ್ಯಕ್ತಪಡಿಸಿದರು..
ಧನುಷ್ ಅವರ ವ್ಯಕ್ತಿತ್ವಕ್ಕೆ ಕಿಚ್ಚ ಸುದೀಪ್ ಕೂಡ ವಿಶೇಷವಾಗಿ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. “ಒಂದು ಕೈಯಲ್ಲಿ ಕೊಟ್ಟಿದ್ದು, ಇನ್ನೊಂದು ಕೈಗೆ ಗೊತ್ತಾಗದಂತೆ ನಡೆದುಕೊಂಡಿದ್ದೀರಾ. ಇದು ನನಗೆ ತುಂಬಾ ಇಷ್ಟ ಆಯ್ತು” ಎಂದು ಕಿಚ್ಚ ಅವರು ಧನುಷ್ ಅವರನ್ನು ಹೊಗಳಿದ್ದರು. ಎಲ್ಲಿಯೂ ತಮ್ಮ ತ್ಯಾಗಗಳನ್ನು ಜಾಹೀರಾತು ಮಾಡದೇ, ಶಾಂತವಾಗಿ ಆಟ ಆಡಿದ ಧನುಷ್, ವ್ಯಕ್ತಿತ್ವದ ಮೂಲಕ ಗೆದ್ದಿದ್ದಾರೆ ಎನ್ನುವ ಮಾತುಗಳು ಕೇಳಿಬಂದಿದ್ದವು.
ಇಂತಹ ಸ್ಪರ್ಧಿಯ ಎಲಿಮಿನೇಷನ್ ಅಭಿಮಾನಿಗಳಿಗೆ ಸಹಜವಾಗಿಯೇ ಬೇಸರ ತಂದಿದೆ. “ವಿನ್ನರ್ ಆಗ್ತಾರೆ” ಎನ್ನುವ ನಿರೀಕ್ಷೆ ಇಟ್ಟುಕೊಂಡಿದ್ದ ಫ್ಯಾನ್ಸ್ಗೆ ಇದು ದೊಡ್ಡ ಶಾಕ್. ಆದರೂ, ಧನುಷ್ ಅವರ ಬಿಗ್ ಬಾಸ್ ಜರ್ನಿ ಸೈಲೆಂಟ್ ಆದರೆ ಪವರ್ಫುಲ್ ಆಗಿ ನೆನಪಿನಲ್ಲಿ ಉಳಿಯಲಿದೆ.
