ಬೆಂಗಳೂರು ಮತ್ತೊಮ್ಮೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗಮನ ಸೆಳೆದಿದೆ. ಆದರೆ ಈ ಬಾರಿ ಸಂತೋಷದ ಸುದ್ದಿಯಲ್ಲ ಟಾಮ್ಟಾಮ್ ಕಂಪನಿಯ 2025ರ ವಾರ್ಷಿಕ ಟ್ರಾಫಿಕ್ ಇಂಡೆಕ್ಸ್ ವರದಿಯಲ್ಲಿ ಬೆಂಗಳೂರು ವಿಶ್ವದಲ್ಲಿ ಟ್ರಾಫಿಕ್ ದಟ್ಟಣೆ ಹೆಚ್ಚಿರುವ ನಗರಗಳಲ್ಲಿ 2ನೇ ಸ್ಥಾನ ಪಡೆದಿದೆ. ಮೊದಲ ಸ್ಥಾನದಲ್ಲಿ ಮೆಕ್ಸಿಕೋ ಸಿಟಿ ಇದ್ದರೆ, ಬೆಂಗಳೂರು ಎರಡನೇ ಸ್ಥಾನಕ್ಕೇರಿದೆ. ಈ ವರದಿಯು 2025ರ ಟ್ರಾಫಿಕ್ ಡೇಟಾವನ್ನು ಆಧರಿಸಿದ್ದು, ಬೆಂಗಳೂರಿನ ಟ್ರಾಫಿಕ್ ಸಮಸ್ಯೆ ಇನ್ನಷ್ಟು ತೀವ್ರವಾಗುತ್ತಿದೆ ಎಂಬುದನ್ನು ಸ್ಪಷ್ಟಪಡಿಸಿದೆ.
ಟಾಮ್ಟಾಮ್ ವರದಿಯ ಪ್ರಮುಖ ಅಂಕಿಅಂಶಗಳು (ಬೆಂಗಳೂರು):
- ವಾಹನ ದಟ್ಟಣೆ ಮಟ್ಟ : 74.4% (2024ರಲ್ಲಿ 72.7% ಇತ್ತು – 1.7% ಹೆಚ್ಚಳ)
- ಬೆಳಗಿನ ಪೀಕ್ ಅವರ್ನಲ್ಲಿ 10 ಕಿ.ಮೀ ಕ್ರಮಿಸಲು 41 ನಿಮಿಷ ಬೇಕು
- ಸಂಜೆಯ ಪೀಕ್ ಅವರ್ನಲ್ಲಿ 10 ಕಿ.ಮೀಗೆ 45 ನಿಮಿಷ
- ಸರಾಸರಿ 10 ಕಿ.ಮೀ ಪ್ರಯಾಣಕ್ಕೆ 36 ನಿಮಿಷ 9 ಸೆಕೆಂಡ್ (2024ಕ್ಕಿಂತ 2 ನಿಮಿಷ 4 ಸೆಕೆಂಡ್ ಹೆಚ್ಚು)
- ಪೀಕ್ ಅವರ್ನಲ್ಲಿ ಗರಿಷ್ಠ ವೇಗ: 13.9 ಕಿ.ಮೀ/ಗಂಟೆ
- ವಾರ್ಷಿಕವಾಗಿ ಟ್ರಾಫಿಕ್ನಲ್ಲಿ ಕಳೆಯುವ ಸಮಯ: 168 ಗಂಟೆಗಳು (ಒಬ್ಬ ಸವಾರನಿಗೆ)
- 15 ನಿಮಿಷದಲ್ಲಿ ಕ್ರಮಿಸುವ ಸರಾಸರಿ ದೂರ: ಕೇವಲ 4.2 ಕಿ.ಮೀ
ವಿಶ್ವದ ಟಾಪ್ 3 ನಗರಗಳು:
- ಮೆಕ್ಸಿಕೋ ಸಿಟಿ (ಮೆಕ್ಸಿಕೋ)
- ಬೆಂಗಳೂರು (ಭಾರತ)
- ಡಬ್ಲಿನ್ (ಐರ್ಲೆಂಡ್)
ಭಾರತದ ಇತರ ನಗರಗಳ ಸ್ಥಾನಮಾನ:
- ಪುಣೆ: 5ನೇ ಸ್ಥಾನ
- ಮುಂಬೈ: 18ನೇ ಸ್ಥಾನ
- ನವದೆಹಲಿ: 23ನೇ ಸ್ಥಾನ
- ಕೋಲ್ಕತ್ತಾ: 29ನೇ ಸ್ಥಾನ
- ಜೈಪುರ: 30ನೇ ಸ್ಥಾನ
- ಚೆನ್ನೈ: 32ನೇ ಸ್ಥಾನ
ಬೆಂಗಳೂರಿನ ಟ್ರಾಫಿಕ್ ಸಮಸ್ಯೆಗೆ ಮುಖ್ಯ ಕಾರಣಗಳು:
ವರ್ಷದಿಂದ ವರ್ಷಕ್ಕೆ ಏರಿಕೆಯಾಗುತ್ತಿರುವ ವಾಹನ ನೋಂದಣಿ (ನಿರೀಕ್ಷೆಗೂ ಮೀರಿದೆ), ರಸ್ತೆ ವಿಸ್ತರಣೆಯ ಕೊರತೆ, ಜನಸಂಖ್ಯಾ ಬೆಳವಣಿಗೆ ಮತ್ತು ಐಟಿ ಕಂಪನಿಗಳ ಸಾಂದ್ರತೆ. ಮೆಟ್ರೋ ವಿಸ್ತರಣೆಯಾಗುತ್ತಿದ್ದರೂ, ರಸ್ತೆಯಲ್ಲಿ ವಾಹನ ಸಂಖ್ಯೆ ಇನ್ನೂ ಹೆಚ್ಚಾಗುತ್ತಿದೆ. ಟಾಮ್ಟಾಮ್ ವರದಿಯ ಪ್ರಕಾರ, ಬೆಂಗಳೂರಿನ ಸವಾರರು ವಾರ್ಷಿಕವಾಗಿ 168 ಗಂಟೆಗಳಷ್ಟು ಸಮಯವನ್ನು ಟ್ರಾಫಿಕ್ನಲ್ಲಿ ಕಳೆಯುತ್ತಿದ್ದಾರೆ. ಇದು ಆರ್ಥಿಕ ನಷ್ಟಕ್ಕೂ ಕಾರಣವಾಗುತ್ತಿದೆ.
ಈ ವರದಿಯ ನಂತರ ನಗರದ ಟ್ರಾಫಿಕ್ ನಿರ್ವಹಣೆ, ರಸ್ತೆಗಳ ವಿಸ್ತರಣೆ, ಪಬ್ಲಿಕ್ ಟ್ರಾನ್ಸ್ಪೋರ್ಟ್ ಸುಧಾರಣೆ ಮತ್ತು ಸೈಕ್ಲಿಂಗ್/ವಾಕಿಂಗ್ ಮಾರ್ಗಗಳ ಅಭಿವೃದ್ಧಿಗೆ ಇನ್ನಷ್ಟು ಆದ್ಯತೆ ನೀಡಬೇಕಿದೆ ಎಂಬ ಒತ್ತಡ ಹೆಚ್ಚಾಗಿದೆ. ಬೆಂಗಳೂರು ಐಟಿ ಹಬ್ ಆಗಿ ಬೆಳೆಯುತ್ತಿದ್ದರೂ, ಟ್ರಾಫಿಕ್ ಸಮಸ್ಯೆಯಿಂದಾಗಿ ನಿವಾಸಿಗಳ ಜೀವನದ ಗುಣಮಟ್ಟ ಕುಸಿಯುತ್ತಿದೆ ಎಂಬ ಆತಂಕ ವ್ಯಕ್ತವಾಗುತ್ತಿದೆ.