ಸಿಲಿಕಾನ್‌ ಸಿಟಿ ಬೆಂಗಳೂರಲ್ಲಿ ಪುಡಿರೌಡಿಗಳ ಅಟ್ಟಹಾಸ ಹೆಚ್ಚಾಗ್ತಿದೆ. ಗಾಂಜಾ ಎಣ್ಣೆ ಮತ್ತಲ್ಲಿ ಸಿಕ್ಕಾಸಿಕ್ಕಕಡೆ ದಾಂದಲೆ ನಡೆಸ್ತಿದ್ದಾರೆ. ಒಂದ್ಕಡೆ ಪೊಲೀಸ್ರು ಎಷ್ಟೆ ಕಂಟ್ರೋಲ್ ಮಾಡಿದ್ರು ಪುಡಾರಿಗಳು ಮಾತ್ರ ತಮ್ಮ ವರಸೆ ಮುಂದುವರೆಸ್ತಿದ್ದಾರೆ. ಇಂತವರ ಆಟೋಟೋಪಕ್ಕೆ ಖಡಿವಾಣ ಹಾಕೋದಿಕೆ ಪೊಲೀಸ್ ಇಲಾಖೆ ಫೇಲ್ ಆಗಿದೆ.
ಈ ವಿಡಿಯೋ ನೋಡಿ ಥೇಟ್ ಪುಡಿ ರೌಡಿಗಳು ದಾಂಧಲೆ ನಡೆಸೋ ಸಿನಿಮಾ ನೋಡಿದ ಹಾಗೆ ಆನ್ಸುತ್ತೆ. ಒಬ್ಬರಲ್ಲ ಇಬ್ಬರಲ್ಲ ಇಡಿ ಗ್ಯಾಂಗ್ ಏರಿಯಾದ ಜನರ ನಿದ್ದೆ ಕೆಡಿಸಿದ್ದಾರೆ..ಇದು ಬೆಂಗಳೂರಿನಲ್ಲಿ ನಡೆದಿರೋ ಘಟನೆ..ಗಾಂಜಾ ನಶೆ ತಲೆಗೇರಿಸಿಕೊಂಡು ಎಲ್ಲಂದರಲ್ಲಿ ಗಲಾಟೆ,ದಾಂಧಲೆ ನಡೆಸ್ತಿದ್ದಾರೆ..ಗಂಗಮ್ಮನಗುಡಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಮತ್ತೊಂದು ಗಾಂಜಾ ಗ್ಯಾಂಗ್ ನ ಹಾವಳಿ ಮಿತಿಮೀರಿದೆ..ಗಂಗಮ್ಮನಗುಡಿಯ ಅಬ್ಬಿಗೆರೆ ಏರಿಯಾದಲ್ಲಿ ಪುಂಡರ ಅಟ್ಟಹಾಸ ಕಂಡು ಏರಿಯಾದ ಜನರು ಭಯಭೀತರಾಗಿದ್ದಾರೆ. ಜೆಪ್ಟೋ ಡೆಲಿವರಿ ಹುಡುಗರು, ಮನೆಬಳಿ ಗಾಂಜಾ ಹೊಡಿತ್ತಿದ್ದ ವೇಳೆ ಸ್ಥಳೀಯರು
ಪ್ರಶ್ನೆ ಮಾಡಿದ್ದಾರೆ. ಮೊದಲೇ ಗಾಂಜಾ ನಶೆಯಲ್ಲಿದ್ದ ಪೊರ್ಕಿಗಳು, ಅಕ್ಕಪಕ್ಕದ ಮನೆಯವರಿಗೆ ಅವಾಚ್ಯ ಪದಗಳಿಂದ ನಿಂದಿಸಿ,ಬೆದರಿಕೆ ಹಾಕಿದ್ದಾರೆ. ಅಲ್ಲದೆ ಚಿಕ್ಕ ಮಕ್ಕಳಿಗೂ ಕೆಟ್ಟಪದಗಳಿಂದ ಬೈದು ಜೆಪ್ಟೋ ಡೆಲಿವರಿ ಹುಡುಗರ ರೌಡಿಸಂ ನಡೆಸಿದ್ದಾರೆ. ಸದ್ಯ ಇವ್ರ ಕಾಟಕ್ಲೆ ಅಕ್ಕ ಪಕ್ಕದ ಮನೆಯವರು ಹೈರಾಣಾಗಿದ್ದಾರೆ.
ಮೊನ್ನೇ ಮೊನ್ನೆ ಅಷ್ಟೆ ಬನ್ನೇರುಘಟ್ಟ ಪೊಲೀಸ್ ಠಾಣಾವ್ಯಾಪ್ತಿಯಲ್ಲಿ ಗಾಂಜಾ ಗ್ಯಾಂಗೊಂದು ಇಡೀ ರಾಜ್ಯವನ್ನೇ ಬೆಚ್ಚಿಬೀಳಿಸಿದ್ರು. ಗಾಂಜಾ ಏಟಲ್ಲಿ ಯುವತಿಯನ್ನ ಅಡ್ಡ ಹಾಕಿ ಮೈಕೈ ಮುಟ್ಟಿ ಲೈಗಿಕವಾಗಿ ದೌರ್ಜನ್ಯ ಎಸಗಿದ್ರು..ಅಲ್ಲದೆ ಯುವತಿಯನ್ನ ಎಳೆದಾಡಿ ಎಲ್ಲಂದರಲ್ಲಿ ಕೈಹಾಕಿದ್ರು,ನಂತರ ಯುವತಿಯ ಮುಕಕ್ಕೆ ಪಂಚ್ ಕೊಟ್ಟಿದ್ರು. ಆದ್ರೆ ಈ ಘಟನ ಮಾಸುವ ಮುನ್ನವೇ ಮತ್ತೊಂದು ಕೃತ್ಯ ಬೆಂಗಳೂರಿನಲ್ಲಿ ಬೆಳಕಿಗೆ ಬಂದಿದೆ. ಇನ್ನು ಈ ಪುಡಾರಿಗಳಿಗೆ ಪೊಲೀಸರ ಭಯವೇ ಇಲ್ಲದಂತಾಗಿದೆ.ಹಗಲು ರಾತ್ರಿ ಎನ್ನದೆ ಗಾಂಜಾ ಹೊಡೆದು ಸಾರ್ವಜನಿಕರಿಗೆ ತೊಂದರೆ ಕೊಡ್ತಿದ್ದಾರೆ.
ಅಲ್ಲದೆ ಹಲವು ದೂರುಗಳು ಬಂದ್ರು ಪೊಲೀಸರು ಮಾತ್ರ ಸೈಲೆಂಟ್ ಆಗಿದ್ದು ಸಾರ್ವಜನಿಕ ವಲಯದಲ್ಲಿ ಆಕ್ರೋಶಕ್ಕೆ ಕಾರಣವಾಗಿದೆ. ಇನ್ನಾದ್ರು ಪೊಲೀಸ್ರು ಸ್ವಲ್ಪನಾದ್ರು ಜನರ ರಕ್ಷಣೆಗೆ ಮನ್ನಣೆಕೊಡಬೇಕಾಗಿದೆ.