ಕೆಜಿಎಫ್-2 ನಂತ್ರ ಬಾಕ್ಸ್ ಆಫೀಸ್ ಸುಲ್ತಾನ್ ಯಶ್ ಅವರ ಮೋಸ್ಟ್ ಅವೇಟೆಡ್ ಟಾಕ್ಸಿಕ್ ಸಿನಿಮಾದಿಂದ ಮತ್ತೊಂದು ಮೈಂಡ್-ಬ್ಲೋಯಿಂಗ್ ಅಪ್ಡೇಟ್ ಹೊರಬಿದ್ದಿದೆ. ‘ಟಾಕ್ಸಿಕ್’ ಸಿನಿಮಾದ ಎಲ್ಲಾ ಹಾಡುಗಳನ್ನು ಗ್ರ್ಯಾಂಡ್ ಆಗಿ ರಿಲೀಸ್ ಮಾಡಲಾಗಿದೆ. ೩ ಗಂಟೆ ಸಿನಿಮಾದಲ್ಲಿ ಬರೋಬ್ಬರಿ ೪೦ ನಿಮಿಷ ಬರಿ ಮ್ಯೂಸಿಕ್ ಮೇನಿಯಾನೇ ಇರಲಿದ್ದು.. ಸಂಗೀತ ಪ್ರಿಯರಿಗೆ ಕಿಕ್ ಏರಿಸುವ ಸ್ಟೋರಿ ಹೇಳ್ತೀವಿ ನೋಡಿ.
- ಟಾಕ್ಸಿಕ್ ಆಲ್ ಸಾಂಗ್ಸ್ ಔಟ್.. ಮುಂಬೈನಲ್ಲಿ ರಂಗೇರಿದ ಇವೆಂಟ್..!
- ಟಾಕ್ಸಿಕ್ನಿಂದ ಮ್ಯೂಸಿಕಲ್ ಧಮಾಕಾ, 10 ಹಾಡುಗಳು ಗ್ರ್ಯಾಂಡ್ ರಿಲೀಸ್
- ಯಶ್- ಕಿಯಾರಾ-ರುಕ್ಮಿಣಿ ಸಮ್ಮುಖದಲ್ಲಿ ಮ್ಯೂಸಿಕಲ್ ಹಬ್ಬ
- ಟಾಕ್ಸಿಕ್ ಹಾಡುಗಳು ಕೇಳಿ ಯೋಗರಾಜ್ ಭಟ್ ಹೇಳಿದ್ದೇನು..?
ಆಗಸ್ಟ್ 13ಮಾಯಾನಗರಿ ಮುಂಬೈನಲ್ಲಿ ‘ಟಾಕ್ಸಿಕ್’ ಚಿತ್ರತಂಡ ಆಯೋಜಿಸಿದ್ದ ಗ್ರ್ಯಾಂಡ್ ಸಾಂಗ್ ಲಾಂಚ್ ಈವೆಂಟ್ ನಿಜಕ್ಕೂ ಹಬ್ಬದ ವಾತಾವರಣ ಸೃಷ್ಟಿಸಿತ್ತು. ರಾಕಿಂಗ್ ಸ್ಟಾರ್ ಯಶ್, ನಯನತಾರಾ, ಕಿಯಾರಾ ಅಡ್ವಾಣಿ, ತಾರಾ ಸುತಾರಿಯಾ ಸೇರಿದಂತೆ ಸೌತ್ ಅಂಡ್ ಬಾಲಿವುಡ್ನ ದಂಡೇ ಈ ಕಾರ್ಯಕ್ರಮದಲ್ಲಿ ನೆರೆದಿತ್ತು. ಬಿಗ್ ಸ್ಟಾರ್ಗಳ ಸಮ್ಮುಖದಲ್ಲಿ ಸಿನಿಮಾದ ಬಾಕಿ ಉಳಿದಿದ್ದ ಎಲ್ಲಾ ಹಾಡುಗಳನ್ನು ಅದ್ಧೂರಿಯಾಗಿ ಅನಾವರಣಗೊಳಿಸಲಾಗಿದ್ದು, ರಿಲೀಸ್ ಆದ ಕೆಲವೇ ಗಂಟೆಗಳಲ್ಲಿ ಈ ಹಾಡುಗಳು ಸೋಶಿಯಲ್ ಮೀಡಿಯಾದಲ್ಲಿ ಮಿಲಿಯನ್ಗಟ್ಟಲೆ ವೀಕ್ಷಣೆ ಪಡೆದು ಟ್ರೆಂಡಿಂಗ್ ಧೂಳೆಬ್ಬಿಸಿವೆ.
ಸಾಮಾನ್ಯವಾಗಿ ಆಕ್ಷನ್ ಸಿನಿಮಾಗಳಲ್ಲಿ ಹಾಡುಗಳು ಕಮ್ಮಿ ಇರ್ತವೆ. ಆದ್ರೆ ‘ಟಾಕ್ಸಿಕ್’ ವಿಚಾರದಲ್ಲಿ ಗೀತು ಮೋಹನ್ದಾಸ್ ಮತ್ತು ಯಶ್ ಫುಲ್ ಉಲ್ಟಾ ಗೇಮ್ ಆಡಿದ್ದಾರೆ. ಒಟ್ಟು ೩ ಗಂಟೆ ೧೪ ನಿಮಿಷಗಳ ರನ್ಟೈಮ್ ಹೊಂದಿರೋ ಈ ಡಾರ್ಕ್ ಆಕ್ಷನ್ ಥ್ರಿಲ್ಲರ್ನಲ್ಲಿ ಬರೋಬ್ಬರಿ ೧೦ ಹಾಡುಗಳಿದ್ದು, ಸುಮಾರು ೪೦ ನಿಮಿಷಗಳ ಕಾಲ ಬರಿ ಸಂಗೀತ ಮತ್ತು ಹಾಡುಗಳೇ ಪ್ರೇಕ್ಷಕರನ್ನು ತೇಲಿಸಲಿವೆ. ವಿಶಾಲ್ ಮಿಶ್ರಾ ಅವರ ಮೆಲೋಡಿಯಸ್ ಟ್ಯೂನ್ಗಳು ಹಾಗೂ ರವಿ ಬಸ್ರೂರು ಅವರ ರೌದ್ರಾವತಾರದ ಬಿಜಿಎಂ ಥಿಯೇಟರ್ನಲ್ಲಿ ಮೈಜುಂ ಎನ್ನಿಸೋದು ಗ್ಯಾರಂಟಿ.
ಸಿನಿಮಾದ ಎಲ್ಲಾ ಹಾಡುಗಳು ಒಂದೇ ಬಾರಿಗೆ ಬಿಡುಗಡೆಯಾಗಿದ್ದಕ್ಕೆ ರಿಯಾಕ್ಟ್ ಮಾಡಿರೋ ನಿರ್ದೇಶಕ ಹಾಗೂ ಸಾಹಿತಿ ಯೋಗರಾಜ್ ಭಟ್, ಇದನ್ನು ‘ಹಬ್ಬ ಮತ್ತು ಸಂಭ್ರಮ’ ಅಂತ ಬಣ್ಣಿಸಿದ್ದಾರೆ. “ಇತ್ತೀಚಿನ ದಿನಗಳಲ್ಲಿ ಸಿನಿಮಾದಲ್ಲಿ ಸಂಗೀತಕ್ಕೆ ಈ ಮಟ್ಟಿನ ಪ್ರಾಮುಖ್ಯತೆ ಸಿಗುತ್ತಿರೋದು ನಿಜಕ್ಕೂ ಗ್ರೇಟ್. ಒಂದೇ ಸಿನಿಮಾದಲ್ಲಿ ೧೦ ಹಾಡುಗಳನ್ನು ನೀಡುವುದು ಪ್ರೇಕ್ಷಕರಿಗೆ ದೊಡ್ಡ ದೂಟ ಮತ್ತು ಸಂಗೀತ ಪ್ರಿಯರಿಗೆ ದೊಡ್ಡ ಹಬ್ಬ ಅಂತ ಯೋಗರಾಜ್ ಭಟ್ ಬರೆದುಕೊಂಡಿದ್ದಾರೆ.
ಈಗಾಗಲೇ ಮಾರ್ಚ್ನಲ್ಲಿ ರಿಲೀಸ್ ಆಗಿದ್ ಯಶ್-ಕಿಯಾರಾ ಅಡ್ವಾಣಿಯ ಮಾಸ್ ‘ತಬಾಯಿ’ ಹಾಡು ಮತ್ತು ಜುಲೈನಲ್ಲಿ ತಾರಾ ಸುತಾರಿಯಾ ಜೊತೆಗಿನ ರೊಮ್ಯಾಂಟಿಕ್ ‘ಮನಮೋಹಕ’ ಹಾಡುಗಳು ಚಾರ್ಟ್ಬಸ್ಟರ್ ಆಗಿದ್ದವು. ಈಗ ಇವುಗಳ ಜೊತೆಗೆ ಮುಂಬೈ ಈವೆಂಟ್ನಲ್ಲಿ ಭಾವನಾತ್ಮಕ ‘ವಕ್ತ್’, ಮಾಸ್ ಗ್ಯಾಂಗ್ಸ್ಟರ್ ವೈಬ್ ಇರೋ ‘ಟಾಕ್ಸಿಕ್ ಟೈಟಲ್ ಟ್ರ್ಯಾಕ್’, ಹಾಗೂ ‘ವಕ್ತ್ – ಸೋಲ್ ವರ್ಷನ್’ ಮತ್ತು ‘ಪೀಕ್ ಎ ಬೂ’ ಹಾಡುಗಳನ್ನು ಬಿಡುಗಡೆ ಮಾಡಿ ಅಭಿಮಾನಿಗಳಿಗೆ ಫುಲ್ ಮ್ಯೂಸಿಕಲ್ ದೂಟ ನೀಡಲಾಗಿದೆ.
ಫುಲ್ ಸಾಂಗ್ಸ್ ಮಾತ್ರವಲ್ಲದೆ, ಸಿನಿಮಾದ ಹೈಪ್ ಹೆಚ್ಚಿಸೋ ಬ್ಯಾಕ್ಗ್ರೌಂಡ್ ಸಾಂಗ್ಸ್ ಕೂಡ ಈಗ ಶೇರ್ ಆಗಿದೆ. ‘ಹಿಸ್ ಔರಾ ಹಿಟ್ಸ್ ಯು’, ‘ಫಾದರ್ ಆಂಡ್ ಸನ್ ಥೀಮ್’ ಹಾಗೂ ‘ಬ್ಲಡ್ ಆನ್ ಬ್ಲಡ್’ ಅನ್ನೋ ಪವರ್ಫುಲ್ ಹಿನ್ನೆಲೆ ಗೀತೆಗಳು ಯಶ್ ಅವರ ಮಾಸ್ನೆಸ್ ಹಾಗೂ ಸಿನಿಮಾದ ಎಮೋಷನಲ್ ಡೆಪ್ತ್ ಅನ್ನು ಅನಾವರಣಗೊಳಿಸಿವೆ. ಆಗಸ್ಟ್ ೮ ರಂದು ರಿಲೀಸ್ ಆಗಿದ್ದ ಟ್ರೇಲರ್ ಎಬ್ಬಿಸಿದ್ದ ಸುಂಟರಗಾಳಿಗೆ, ಈಗ ಈ ಸಾಂಗ್ಸ್ ಆಜ್ಯ ಸುರಿದಂತಾಗಿದ್ದು, ಫ್ಯಾನ್ಸ್ ಎದೆಬಡಿತ ಹೆಚ್ಚಿಸಿವೆ.
ಆಗಸ್ಟ್ 26 ರಂದು ವಿಶ್ವದಾದ್ಯಂತ ಅದ್ದೂರಿಯಾಗಿ ರಿಲೀಸ್ ಆಗ್ತಿರೋ ‘ಟಾಕ್ಸಿಕ್’ ಸಿನಿಮಾ ಬಾಕ್ಸ್ ಆಫೀಸ್ನ ಸಕಲ ರೆಕಾರ್ಡ್ಗಳನ್ನು ಧ್ವಂಸಗೊಳಿಸಿ ಹೊಸ ಇತಿಹಾಸ ಬರೆಯೋಕೆ ಕೌಂಟ್ಡೌನ್ ಸ್ಟಾರ್ಟ್ ಆಗಿದೆ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್