ಸಾಮಾನ್ಯವಾಗಿ ಕಲಾವಿದರ ನಟನೆ ಬಗ್ಗೆ ಪ್ರೇಕ್ಷಕ ಪ್ರಭುಗಳು ಹೊಗಳೋದು ನೋಡಿರ್ತೀವಿ. ಅಥವಾ ಚಿತ್ರರಂಗದ ಕೋ ಸ್ಟಾರ್ಸ್, ಸೀನಿಯರ್ಸ್, ಟೆಕ್ನಿಷಿಯನ್ಸ್ ಹೊಗಳ್ತಾರೆ. ಆದ್ರೆ ಇಲ್ಲೊಬ್ಬ ಟಾಲಿವುಡ್ ನಟ ಮಾತ್ರ.. ತನ್ನ ನಟನೆ ಬಗ್ಗೆ ತಾನೇ ತನ್ನ ಬೆನ್ನು ತಟ್ಟಿಕೊಂಡಿದ್ದಾರೆ. ಹಾಗೆ ಮಾತಾಡಿದ ಮರುದಿನವೇ ಆತನ ಸಿನಿಮಾ ಬಾಕ್ಸ್ ಆಫೀಸ್‌‌ನಲ್ಲಿ ಠುಸ್ ಆಗಿದೆ. ಯಾರದು..? ಏನಂತ ಮಾತನಾಡಿದ್ರು ಅನ್ನೋದಕ್ಕೆ ಈ ಸ್ಟೋರಿ ನೋಡಿ..
- ಟಾಪ್ ಪರ್ಫಾಮರ್ ಎಂದ ದೇವರಕೊಂಡ.. ತೆರೆಮೇಲೆ ಠುಸ್
- ತನ್ನ ಬೆನ್ನು ತಾನೇ ತಟ್ಟಿಕೊಂಡ ನ್ಯಾಷನಲ್ ಕ್ರಶ್ ರಶ್ಮಿಕಾ ಗಂಡ..!
- ರಣಬಾಲಿಗೆ ನೀರಸ ಪ್ರತಿಕ್ರಿಯೆ.. ಬಾಕ್ಸ್ ಆಫೀಸ್‌ ಕೂಡ ಸಪ್ಪೆ ಸಪ್ಪೆ
- ಕಲಾವಿದರಿಗೆ ಪ್ರೇಕ್ಷಕರು ಹೊಗಳೋದು ಸಾಮಾನ್ಯ.. ಇದೇನಿದು..?
ಪ್ರತಿಯೊಬ್ಬ ಮನುಷ್ಯ ಜೀವನದಲ್ಲಿ ಒಮ್ಮೆ ಆದ್ರೂ ಎಡವಿಯೇ ಎಡವುತ್ತಾನೆ. ಆದ್ರೆ ಅದು ಆತನಿಗೆ ದೇವರು ಕೊಡೋ ಚಾನ್ಸ್. ಯಾಕಂದ್ರೆ ಆಗಿರೋ ತಪ್ಪುಗಳನ್ನ ತಿದ್ದಿಕೊಳ್ಳೋಕೆ ಸಿಗುವ ಅವಕಾಶ ಅಂತ ಭಾವಿಸಬೇಕಾಗುತ್ತೆ. ಆದಾಗ್ಯೂ ಕೂಡ ಮತ್ತದೇ ತಪ್ಪುಗಳನ್ನ ಮಾಡ್ತಾ ಹೋದ್ರೆ ಕಷ್ಟ ಕಾಡದೇ ಇರಲ್ಲ. ಈ ಮಾತು ಸದ್ಯ ಟಾಲಿವುಡ್ ನಟ ವಿಜಯ್ ದೇವರಕೊಂಡ ವಿಷಯದಲ್ಲಿ ನಿಜವಾಗ್ತಿದೆ. ಪ್ಯಾನ್ ಇಂಡಿಯಾ ವ್ಯಾಮೋಹಕ್ಕೆ ಬಿದ್ದು.. ನಿರ್ದೇಶಕ ಪೂರಿ ಜಗನ್ನಾಥ್ ಜೊತೆಗೂಡಿ ಲೈಗರ್ ಅನ್ನೋ ಸಿನಿಮಾ ಮಾಡಿದ್ರು ವಿಜಯ್ ದೇವರಕೊಂಡ. ಅದಾದ ಬಳಿಕ ಕಿಂಗ್‌ಡಮ್ ಚಿತ್ರ ಮಾಡಿದ್ರು. ಎರಡೂ ಬ್ಯಾಕ್ ಟು ಬ್ಯಾಕ್ ಫ್ಲಾಪ್ ಆದವು.
ಇದೀಗ ಒನ್ಸ್ ಅಗೈನ್ ರಣಬಾಲಿ ಅನ್ನೋ ಐತಿಹಾಸಿಕ ಸಿನಿಮಾ ಮಾಡಿದ್ದಾರೆ. ಸಿಕ್ಕಾಪಟ್ಟೆ ಎಫರ್ಟ್ ಹಾಕಿದ್ರೂ ಸಹ, ಸಿನಿಮಾ ಮಾತ್ರ ಜನಕ್ಕೆ ರುಚಿಸುತ್ತಿಲ್ಲ. ಮೊದಲ ದಿನ ಜಸ್ಟ್ 6 ಕೋಟಿಯಷ್ಟು ಟಿಕೆಟ್ಸ್ ಓಪನಿಂಗ್ ಪಡೆದಿತ್ತು. ಆದ್ರೆ ಮೊದಲ ದಿನವೇ ಬಾಕ್ಸ್ ಆಫೀಸ್‌‌ನಲ್ಲಿ ಠುಸ್ ಆಗಿದೆ. ಕಥೆ, ಪಾತ್ರಗಳು, ಮೇಕಿಂಗ್, ಸ್ಕ್ರೀನ್ ಪ್ಲೆ ಯಾವುದೂ ಜನಕ್ಕೆ ಇಷ್ಟವಾಗ್ತಿಲ್ಲ. ಈ ಸಿನಿಮಾ ಕೂಡ ಫ್ಲಾಪ್ ಆಗೋ ಮೂಲಕ ಹ್ಯಾಟ್ರಿಕ್ ಫ್ಲಾಪ್ ಸ್ಟಾರ್ ಅನಿಸಿಕೊಂಡಿದ್ದಾರೆ ವಿಜಯ್ ದೇವರಕೊಂಡ.
ಇದೆಲ್ಲಾ ಒಂದು ಕಡೆ ಆದ್ರೆ.. ಮತ್ತೊಂದು ಕಡೆ ತಾನೊಬ್ಬ ಟಾಪ್ ಪರ್ಫಾಮರ್ ಅಂತ ಕೊಚ್ಚಿಕೊಂಡಿದ್ದಾರೆ ಈ ದೇವರಕೊಂಡ. ಹೌದು.. ರಣಬಾಲಿ ಇವೆಂಟ್‌‌ನಲ್ಲಿ ರಿಲೀಸ್‌ಗೂ ಮುನ್ನ ತನ್ನ ಬೆನ್ನನ್ನ ತಾನೇ ತಟ್ಟಿಕೊಂಡಿದ್ದಾರೆ. ನಾನು ಪೆಳ್ಳಿ ಚೂಪುಲು, ಅರ್ಜುನ್ ರೆಡ್ಡಿಗಿಂತ ಜಾಸ್ತಿ ಮಾಗಿದ್ದೀನಿ. ಹಾಗೆ ಮಾಡಿದ್ದೀನಿ.. ಹೀಗೆ ಮಾಡಿದ್ದೀನಿ ಅಂತ ಪುಂಗಿದ್ದಾರೆ. ಅದನ್ನ ಅವ್ರ ಬಾಯಿಂದಲೇ ಒಮ್ಮೆ ಕೇಳಿಬಿಡಿ.
ಸಾಮಾನ್ಯವಾಗಿ ಕಲಾವಿದರ ನಟನೆಯನ್ನ ಅವರ ಸಹ ಕಲಾವಿದರು, ತಂತ್ರಜ್ಞರು ಅಥ್ವಾ ಚಿತ್ರರಂಗದ ಸ್ಟಾರ್‌ಗಳು.. ಇಲ್ಲ ಚಿತ್ರಪ್ರೇಮಿಗಳು ಹೊಗಳೋದು ಸಹಜ. ಆದ್ರೆ ಈತ ಮಾತ್ರ ತನಗೆ ತಾನೇ ಶಹಬ್ಬಾಸ್ ಅಂತ ಹೇಳಿಕೊಳ್ತಾರೆ. ಇದು ಎಂಥವರಿಗೂ ಓವರ್ ಅನಿಸುತ್ತೆ. ಅಂಥದ್ರಲ್ಲಿ ಈ ಪ್ರಬುದ್ಧ ನಟನಿಗೆ ಯಾಕೆ ಗೊತ್ತಾಗಲಿಲ್ಲವೋ ಒಂದೂ ಗೊತ್ತಿಲ್ಲ. ಗಂಡನ ಜೊತೆ ರಶ್ಮಿಕಾಗೂ ಇದು ಬಹುದೊಡ್ಡ ಸೋಲಾಗಿದೆ. ಜನರೇ ಅಲ್ಟಿಮೇಟ್ ರಿವ್ಯೂವರ್ಸ್.. ಅವರೇ ಒಪ್ಪಿಲ್ಲ ಅಂದಾಗ ಸಿನಿಮಾ ಪ್ರಪಾತಕ್ಕೆ ಬಿದ್ದಂತೆ ಲೆಕ್ಕ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್