ಕೋಸ್ಟಲ್‌ವುಡ್ ಸೂಪರ್ ಸ್ಟಾರ್ ಅರ್ಜುನ್ ದೇವ್‌ಗೆ ಸ್ಯಾಂಡಲ್‌ವುಡ್ ಜೊತೆ ಕನ್ನಡ ಚಿತ್ರಪ್ರೇಮಿಗಳು ಕೂಡ ಕೈ ಹಿಡಿದಿದ್ದಾರೆ. ತುಳು-ಕನ್ನಡ ಟಾಸ್ ಮೂವಿ ಗೋಲ್ಡನ್ ಹಿಟ್ ಆಗಿದ್ದು, ಚಂದನವನದ ತಾರೆಯರು ಕೂಡ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇತ್ತೀಚೆಗೆ ನಡೆದ ಸೆಲೆಬ್ರಿಟಿ ಶೋನಲ್ಲಿ ಯಾವ ಸ್ಟಾರ್ ಏನು ಹೇಳಿದ್ರು ಅನ್ನೋದ್ರ ಇಂಟ್ರೆಸ್ಟಿಂಗ್‌ ಸ್ಟೋರಿ ಇಲ್ಲಿದೆ…
- ಟಾಸ್ ಎಲ್ಲೆಡೆ ಹೌಸ್‌‌ಫುಲ್.. ಸೆಲೆಬ್ರಿಟಿಗಳೂ ದಿಲ್‌ಖುಷ್..!
- ಅರ್ಜುನ್ ದೇವ್‌ಗೆ ಚಂದನವನದಲ್ಲೊಂದು ಗೋಲ್ಡನ್ ಹಿಟ್
- ಕಮರ್ಷಿಯಲ್ ಪ್ಯಾಕ್‌ ಟಾಸ್‌ಗೆ ಕನ್ನಡ-ತುಳು ಡಬಲ್ ಕಿಕ್
- ಮ್ಯಾನ್ ಆಫ್ ಮಲ್ಟಿ ಟ್ಯಾಲೆಂಟ್ ಆಗಿ ಅರ್ಜುನ್ ಹಲ್‌ಚಲ್
ಇತ್ತೀಚೆಗೆ ತೆರೆಕಂಡ ಟಾಸ್ ಮೂವಿ ಎಲ್ಲೆಡೆ ಹೌಸ್‌‌ಫುಲ್ ಪ್ರದರ್ಶನ ಕಾಣ್ತಿದೆ. ಈ ಚಿತ್ರದ ಮೂಲಕ ಕರಾವಳಿಯ ತುಳು ಸೂಪರ್ ಸ್ಟಾರ್ ಅರ್ಜುನ್ ಕಾಪಿಕಾಡ್.. ಸ್ಯಾಂಡಲ್‌ವುಡ್‌ಗೆ ಲಗ್ಗೆ ಇಟ್ಟಿದ್ದು, ಚೊಚ್ಚಲ ಚಿತ್ರದಲ್ಲೇ ನಟನೆ, ನಿರ್ದೇಶನದಿಂದ ಮ್ಯಾನ್ ಆಫ್ ಮಲ್ಟಿ ಟ್ಯಾಲೆಂಟ್ ಅನಿಸಿಕೊಂಡಿದ್ದಾರೆ. ತಂದೆ ದೇವದಾಸ್ ಕಾಪಿಕಾಡ್ ಬರೆದ ಕಥೆಗೆ ದೃಶ್ಯರೂಪ ನೀಡಿ ಭೇಷ್ ಅನಿಸಿಕೊಂಡಿರೋ ಅರ್ಜುನ್‌ಗೆ ಚಿತ್ರಪ್ರೇಮಿಗಳ ಜೊತೆ ಚಿತ್ರರಂಗದ ತಾರೆಯರು ಕೂಡ ಸಾಥ್ ನೀಡಿದ್ದಾರೆ. ಇತ್ತೀಚೆಗೆ ನಡೆದ ಸೆಲೆಬ್ರಿಟಿ ಶೋನಲ್ಲಿ ಸಾಕಷ್ಟು ಮಂದಿ ಸಿನಿಮಾ ನೋಡಿ, ಮನಸಾರೆ ಕೊಂಡಾಡಿದ್ದಾರೆ.
ಯೆಸ್.. ಕನ್ನಡ ಹಾಗೂ ತುಳು ಎರಡು ಭಾಷೆಗಳಲ್ಲಿ ತಯಾರಾಗಿರೋ ಟಾಸ್ ಸಿನಿಮಾಗೆ ಎಲ್ಲೆಡೆ ಭರ್ಜರಿ ರೆಸ್ಪಾನ್ಸ್ ಸಿಗ್ತಿದೆ. ಕರಾವಳಿ ಮಂದಿ ಸಿನಿಮಾ ಅಂದಾಗ ಪ್ರೇಕ್ಷಕರಿಗೆ ಸಹಜವಾಗಿಯೇ ಕುತೂಹಲ ಇರಲಿದೆ. ಅದರಂತೆ ಚಿತ್ರಪ್ರೇಮಿಗಳ ನಿರೀಕ್ಷೆ ಹುಸಿ ಮಾಡದ ಅರ್ಜುನ್, ಒಂದೊಳ್ಳೆ ಕಮರ್ಷಿಯಲ್ ಪ್ಯಾಕ್ಡ್ ಎಂಟರ್‌ಟೈನರ್‌ ನೀಡಿದ್ದಾರೆ.
ಒಳಿತು-ಕೆಡಕುಗಳ ನಡುವಿನ ಸಂಘರ್ಷದ ಕಥೆಯಲ್ಲಿ ಹೀರೋಯಿಸಂ, ವಿಲನಿಸಂ, ಕಲರ್‌‌ಫುಲ್ ಹಾಡುಗಳು, ಹೈ ವೋಲ್ಟೇಜ್ ಸ್ಟಂಟ್ಸ್, ಕಾಮಿಡಿ ಕಚಗುಳಿ, ಫ್ಯಾಮಿಲಿ ಎಮೋಷನ್ & ಸೆಂಟಿಮೆಂಟ್ಸ್ ಕೂಡ ಇವೆ. ಅರ್ಜುನ್ ಕಾಪಿಕಾಡ್ ಜೊತೆ ಸುತೇಜ್ ಶೆಟ್ಟಿ ನಾಯಕಿಯಾಗಿ ಸ್ಕೋರ್ ಮಾಡಿದ್ದು, ಉಳಿದಂತೆ ನವೀನ್ ಡಿ ಪಡೀಲ್, ಪ್ರಕಾಶ್ ತುಮಿನಾಡು, ದೇವದಾಸ್ ಕಾಪಿಕಾಡ್, ಪುಷ್ಪರಾಜ್ ಬೊಳ್ಳಾರ್, ದೀಪಕ್ ರೈ ಪಣಾಜೆ.. ಹೀಗೆ ದೊಡ್ಡ ಕಲಾವಿದರ ದಂಡಿದೆ. ಇಂಟರೆಸ್ಟಿಂಗ್ ಅಂದ್ರೆ ಇವರೆಲ್ಲಾ ರಂಗಭೂಮಿ ಕಲಾವಿದರೇ.
ಟಾಸ್‌‌ನಿಂದ ಸಾಕಷ್ಟು ವಿಷಯಗಳು ನಿರ್ಧಾರವಾಗಲಿದ್ದು, ಸದ್ಯ ಅರ್ಜುನ್ ದೇವ್ ಸ್ಯಾಂಡಲ್‌ವುಡ್ ಭವಿಷ್ಯಕ್ಕೂ ಇದು ಮುನ್ನುಡಿ ಬರೆದಿದೆ. ಇಂಡಸ್ಟ್ರಿಗೆ ಒಬ್ಬ ಒಳ್ಳೆಯ ಪ್ರತಿಭಾವಂತ ಮಾಸ್ ಹೀರೋ ಸಿಕ್ಕಿದ್ದು, ಒಳ್ಳೆಯ ತಂಡವಿದ್ರೆ, ಒಳ್ಳೆಯ ಸಿನಿಮಾಗಳು ಮೂಡಿಬರೋಕೆ ಸಾಧ್ಯ ಅನ್ನೋದನ್ನ ಈ ಟೀಂ ಒನ್ಸ್ ಅಗೈನ್ ಪ್ರೂವ್ ಮಾಡಿ ತೋರಿಸಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್