ಶೆಟ್ರು ಏನೇ ಮಾಡಿದ್ರೂ ಸ್ಪೆಷಲ್ ಆಗೇ ಆರುತ್ತೆ..ಅದರಲ್ಲೂ ಸ್ಯಾಂಡಲ್ವುಡ್ನ ವರ್ಸಟೈಲ್ ಆಕ್ಟರ್ ರಾಜ್ ಬಿ ಶೆಟ್ರು ಅಂದ್ರೆ ಕೇಳಬೇಕಾ..?ಸದ್ಯ ಶೆಟ್ರು ಒಂದು ಸಿನಿಮಾ ಮಾಡಿ ಅದನ್ನ ಪ್ರೇಕ್ಷಕರ ಮುಂದೆ ತರಲು ಸಿದ್ಧರಾಗಿದ್ದಾರೆ ಅದೇ..‘ಸು ಫ್ರಂ ಸೋ’. ಯಾವುದೇ ಸೆಲೆಬ್ರಿಟಿಯಿಂದ ಪ್ರಚಾರ ಮಾಡದೇ ಕೇವಲ ಕಂಟೆಂಟ್ ಮೇಲೆ ಕೆಲಸ ಮಾಡ್ತಿರೋ ಸು ಫ್ರಮ್ ಸೋ ತಂಡಕ್ಕೆ ಮಲಯಾಳಂ ನಟ ದುಲ್ಕರ್ ಸಲ್ಮಾನ್ ಸಾಥ್ ನೀಡಿದ್ದಾರೆ ಅದು ಹೇಗೆ ಅಂತೀರಾ ಈ ಸ್ಟೋರಿ ನೋಡಿ.
- ರಾಜ್ ಬಿ ಶೆಟ್ರ ಬತ್ತಳಿಕೆಯಿಂದ ‘ಸು ಫ್ರಮ್ ಸೋ’
- ಕನ್ನಡ ಚಿತ್ರಕ್ಕೆ ಮಲಯಾಳಂ ನಟ ದುಲ್ಕರ್ ಸಾಥ್
- ರಾಜ್ ಬಿ ನಿರ್ಮಾಣದ ಡಾರ್ಕ್ ಕಾಮಿಡಿ ಹಾರರ್ ಚಿತ್ರ
- ವೇಫೇರರ್ ಫಿಲ್ಮ್ಸ್ ಮೂಲಕ ವಿತರಣೆ ಮಾಡ್ತಿರೋ ದುಲ್ಕರ್
- ಪರಭಾಷೆ ಸ್ಟಾರ್ಸ್ ಮೆಚ್ಚಿರೋ ಸು ಫ್ರಮ್ ಸೋ
ನಮ್ಮ ಊರಿಗೆ ನೀವು ಒಂದು ಸಲ ಬರಬೇಕು..ಎಂಥ ಚಂದದ ಊರು..ಎಂಥ ಚೆಂದದ ಜನಗಳು..ನೀವು ನಮ್ಮ ಊರಿಗೆ ಒಮ್ಮೆ ಬಂದ್ರೆ ಉಂಟಲ್ಲ..? ಏನಿದು ಸಿನಿಮಾ ಬಗ್ಗೆ ಮಾತ್ನಾಡಿ ಅಂದ್ರೆ ಡೈಲಾಗ್ ಹೊಡಿತಿದ್ದೀರಿ ಅಂತ ನೋಡ್ತಾಯಿದ್ದೀರಾ..?ಈ ಡೈಲಾಗ್ ಇರೋದು ‘ಸು ಫ್ರಂ ಸೋ’ ಸಿನಿಮಾದ ಟ್ರೈಲರ್ನಲ್ಲಿರುವ ಒಂದು ಸಾಲು..ಇದೇ 25ಕ್ಕೆ ಸಿನಿಮಾ ರಿಲೀಸ್ ಇದೆ.. ಆದ್ರೆ ಅದಕ್ಕೂ ಮುನ್ನ ಸಿನಿಮಾದ ಸ್ಪೆಷಲ್ ಏನು ಅಂತ ನಿಮಗೆ ಗೊತ್ತಾಗಬೇಕಲ್ವಾ.
ನಾವು ಆಗ್ಲೇ ಹೇಳಿದ್ವಲ್ಲ ಶೆಟ್ರು ಏನೇ ಮಾಡಿದ್ರೂ ಡಿಫರೆಂಟ್ ಅಂತ..ಅದಕ್ಕೆ ತಕ್ಕಂತೆ ಇದೆ ಟೈಟಲ್..ರಿಲೀಸ್ ಆಗಿರೋ ಟ್ರೈಲರ್ ಪ್ರೇಕ್ಷಕರಿಗೆ ಸಖತ್ ಮನರಂಜನೆ ಕೊಟ್ಟಿದೆ. ಅಂದಮೇಲೆ ಸಿನಿಮಾ ಹೇಗಿರಲಿದೆ ಅನ್ನೋದೇ ಈಗ ಹುಟ್ಟಿಸಿರೋ ಕ್ಯೂರಿಯಾಸಿಟಿ.
‘ಸು ಫ್ರಂ ಸೋ’ ಸಿನಿಮಾ ಒಂದು ಡಾರ್ಕ್ ಹಾಗೂ ಹಾರರ್ ಕಾಮಿಡಿ ಸಿನಿಮಾ. ಮೈ ಮೇಲೆ ಬರುವ ದೆವ್ವ ಒಂದು ಊರಿನ ಜನಕ್ಕೆ ಏನೆಲ್ಲಾ ತೊಂದರೆ ಕೊಡುತ್ತೇ ಅನ್ನೋದೇ ಸಿನಿಮಾದ ಸ್ಟೋರಿ ಅನ್ನಿಸ್ತಾಯಿದೆ..ಗೊತ್ತಿಲ್ಲ..ಆದ್ರೆ ಮೇಲ್ನೋಟಕ್ಕೆ ಇದೇ ಇರಬಹುದೇನೋ ಅನ್ನೋ ಒಂದು ಸಣ್ಣ ಪ್ರಿಡಕ್ಷನ್ ಅಷ್ಟೇ..ಇನ್ನೂ ಸಿನಿಮಾದಲ್ಲಿ ತಾರಾಗಣದಲ್ಲಿ ಶನೀಲ್ ಗೌತಮ್, ತುಮ್ಮಿನಾಡ್, ಸಂದ್ಯಾ ಆರ್ಕೆರೆ, ತಮ್ಮಿನಾಡ್, ದೇಪಕ್ ರೈ ಪಣಾಜೆ, ಮೈಮ್ ರಾಮ್ ದಾಸ್ ಕಾಣಿಸಿಕೊಂಡಿದ್ದಾರೆ. ಜೆಪಿ ತುಮ್ಮಿನಾಡ್ ಕಥೆ ಬೆರೆದು ನಿರ್ದೇಶನ ಮಾಡಿದ್ದಾರೆ.
ಅಂದಹಾಗೆ ಕನ್ನಡ ಸಿನಿಮಾಗೆ ಮಲಯಾಳಂ ನಟ ದುಲ್ಕರ್ ಸಲ್ಮಾನ್ ಬೆಂಬಲ ಕೊಟ್ಟಿರೋದು ರಾಜ್ ಬಿ ಶೆಟ್ಟಿ ಫ್ಯಾನ್ಸ್ ಗೆ ಹೆಮ್ಮೆ ಎನ್ನಿಸಿದೆ. ಹೌದು, ರಾಜ್ ಬಿ. ಶೆಟ್ಟಿ ನಿರ್ಮಾಣದ ಸು ಫ್ರಂ ಸೋ ಚಿತ್ರವು ಮಲಯಾಳಿ ಭಾಷೆಗೆ ಡಬ್ ಆಗುತ್ತಿದ್ದು, ನಟ ದುಲ್ಕರ್ ಸಲ್ಮಾನ್ ಅವರ ವೇಫೇರರ್ ಫಿಲ್ಮ್ಸ್ ವಿತರಣೆ ಮಾಡಲಿದೆ.ಈ ಬಗ್ಗೆ ಇನ್ಸ್ಟಾಗ್ರಾಂನಲ್ಲಿ ಮಾಹಿತಿ ಹಂಚಿಕೊಂಡಿರುವ ಚಿತ್ರತಂಡ, ‘ಸು ಫ್ರಮ್ ಸೋ ಚಿತ್ರವು ಕೇರಳದಲ್ಲಿ ಏಕಕಾಲದಲ್ಲಿ ಬಿಡುಗಡೆಯಾಗಲಿದ್ದು, ದುಲ್ಕರ್ ಸಲ್ಮಾನ್ ಅವರ ವೇಫೇರರ್ ಫಿಲ್ಮ್ಸ್ ರಾಜ್ಯಾದ್ಯಂತ ವಿತರಿಸಲಿದೆ ಎಂದು ತಿಳಿಸಿದೆ.
ಇನ್ನೂ ಸು ಫ್ರಂ ಸೋ ಸಿನಿಮಾಗೆ ಮ್ಯೂಸಿಕ್ ಮಾಡಿರೋದು ಸುಮೇದ್ ಕೆ..ಇನ್ನೂ ಸು ಫ್ರಂ ಸೋ ಸಿನಿಮಾಗೆ ರಾಜ್ ಬಿ ಶೆಟ್ಟಿ ಬಂಡವಾಳ ಹೂಡಿರೋದ್ರ ಜೊತೆಗೆ ಲಿರಿಕ್ಸ್ಗಳನ್ನು ಬರೆದಿದ್ದಾರೆ. ಕಮರ್ಷಿಯಲ್ ಸಿನಿಮಾಗಳ ನಡುವೆ ಒಂದು ಪಕ್ಕಾ ಕಾಮಿಡಿ ಜಾನರ್ ಸಿನಿಮಾ ಬರ್ತಾಯಿರೋದು ನಿರೀಕ್ಷೆ ಹೆಚ್ಚು ಮಾಡಿದೆ. ಸದ್ಯ ಒಂದೊಳ್ಳೆ ಕಂಟೆಂಟ್ ಜೊತೆ ಸು ಫ್ರಂ ಸೋ ಸಿನಿಮಾ ಇದೇ ಜುಲೈ 25ನೇ ತಾರೀಖು ರಿಲೀಸ್ ಆಗ್ತಾಯಿದೆ ನೋಡಿ ಎಂಜಾಯ್ ಮಾಡಿ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್
| Reported by: ಕೀರ್ತಿ ಪಾಟೀಲ್, ಫಿಲ್ಮ್ ಬ್ಯೂರೋ, ಗ್ಯಾರಂಟಿ ನ್ಯೂಸ್