ಸ್ಪರ್ಧಾತ್ಮಕ ಜಗತ್ತಿನಲ್ಲಿರೋ ಕ್ರಿಯೇಟೀವ್ ಮಂದಿಗೆ ಟೀಕೆ, ಟಿಪ್ಪಣಿಗಳು ಸರ್ವೇ ಸಾಮಾನ್ಯ. ಆದ್ರೀಗ ಇಷ್ಟು ದಿನ ರಾಜಮೌಳಿಯನ್ನ ಇಂದ್ರ ಚಂದ್ರ ಅಂತಿದ್ದವರೆಲ್ಲಾ SSMB29 ಫಸ್ಟ್ಲುಕ್ ನೋಡಿ ಕಾಲೆಳೆಯುತ್ತಿದ್ದಾರೆ. ಸೋಲಿಲ್ಲದ ಸರದಾರನ ಮೇಲೆ ಟೀಕೆಗಳ ಗದಾಪ್ರಹಾರ ನಡೆಯುತ್ತಿರೋದ್ಯಾಕೆ..? ರಿಲೀಸ್ಗೂ ಮೊದಲೇ ಲೀಕ್ ಆಗಿರೋ ಗ್ಲೋಬ್ ಟ್ರಾಟರ್ ಝಲಕ್ ಹೇಗಿದೆ ಅನ್ನೋದಕ್ಕೆ ಉತ್ತರ ಇಲ್ಲಿದೆ.
ರಾಜಮೌಳಿ.. ಇವರು ಮಾಡಿರೋ ಎಲ್ಲಾ ಸಿನಿಮಾಗಳು ಬ್ಲಾಕ್ ಬಸ್ಟರ್ ಹಿಟ್. ಇಂಡಿಯನ್ ಸ್ಪೀಲ್ ಬರ್ಗ್ ಅಂತೆಲ್ಲಾ ಕರೆಯಲ್ಪಡುವ ಮೌಳಿ, ಭಾರತೀಯ ಚಿತ್ರರಂಗದ ಫಿಲ್ಮ್ ಮೇಕಿಂಗ್ಗೆ ಹೊಸ ಆಯಾಮ ತಂದುಕೊಟ್ಟವರು. ಸೋಲಿಲ್ಲದ ಸರದಾರನಾಗಿ ಸೌತ್ ಸಿನಿದುನಿಯಾನ ಹಾಲಿವುಡ್ ಮಂದಿ ಕೂಡ ಹುಬ್ಬೇರಿಸಿ ನೋಡುವಂತೆ ಮಾಡಿದ್ರು. ಸದ್ಯ ಎಲ್ಲರ ಚಿತ್ತ ರಾಜಮೌಳಿಯ ನೆಕ್ಸ್ಟ್ ವೆಂಚರ್ SSMB29 ಮೇಲಿದೆ. ಹೌದು.. ಸದ್ಯ ಮಹೇಶ್ ಬಾಬು ಜೊತೆ ಗ್ಲೋಬ್ ಟ್ರಾಟರ್ ಚಿತ್ರ ಮಾಡ್ತಿರೋ ಮೌಳಿ, ಅದ್ರ ಫಸ್ಟ್ಲುಕ್ ಟೀಸರ್ನ ಇದೇ ನವೆಂಬರ್ 15ಕ್ಕೆ ಲಾಂಚ್ ಮಾಡ್ತಿದ್ದಾರೆ.
ಟೀಸರ್ ಲೀಕ್.. ರಾಜಮೌಳಿಗೆ ಟೀಕೆಗಳ ಗದಾಪ್ರಹಾರ..!
ಸೂರ್ಯ 24 ಚಿತ್ರದ ಪಾತ್ರವನ್ನು ಬಟ್ಟಿ ಇಳಿಸಿದ್ರಾ ಮೌಳಿ?
ರಾಮೋಜಿರಾವ್ ಫಿಲ್ಮ್ ಸಿಟಿಯಲ್ಲಿ ಸುಮಾರು ಒಂದು ಲಕ್ಷ ಮಂದಿ ಸಮಕ್ಷಮದಲ್ಲಿ ಬಹುದೊಡ್ಡ ಇವೆಂಟ್ ಮೂಲಕ ಟೀಸರ್ ಲಾಂಚ್ ಮಾಡ್ತಿದ್ದು, ಅದನ್ನ ಜಿಯೋ ಹಾಟ್ಸ್ಟಾರ್ನಲ್ಲಿ ಲೈವ್ ಸ್ಟ್ರೀಮಿಂಗ್ ಮಾಡಲಿದ್ದಾರೆ. ಸಾಮಾನ್ಯವಾಗಿ ಹೀರೋ ಲುಕ್ ಫಸ್ಟ್ ರಿವೀಲ್ ಮಾಡಲಾಗುತ್ತೆ. ಆದ್ರೆ ರಾಜಮೌಳಿ ಈ ಬಾರಿ ವಿಲನ್ ಲುಕ್ ಬಿಡುಗಡೆ ಮಾಡಿದ್ದಾರೆ. ಪೃಥ್ವಿರಾಜ್ ಸುಕುಮಾರನ್ ಖಳನಾಯಕನಾಗಿ ಮಹೇಶ್ ಬಾಬು ಎದುರು ನಟಿಸ್ತಿದ್ದು, ವ್ಹೀಲ್ ಚೇರ್ ಮೇಲೆ ಕೂತಿರೋ ಲುಕ್ ಬಿಡುಗಡೆ ಮಾಡಲಾಗಿದೆ. ವಿಷ್ಯ ಏನಪ್ಪಾಂದ್ರೆ ಕಂಪ್ಲೀಟ್ ಟೀಸರ್ ಸೋಶಿಯಲ್ ಮೀಡಿಯಾದಲ್ಲಿ ಲೀಕ್ ಆಗಿಬಿಟ್ಟಿದೆ.
ಸೋ.. ಒಂದ್ಕಡೆ ಮೌಳಿಯ ಮಹತ್ವದ ಸಿನಿಮಾ SSMB29 ಟೀಸರ್ ಸೋರಿಕೆ ಆಗಿಬಿಟ್ಟಿದೆ. ಮತ್ತೊಂದ್ಕಡೆ ಇದೇ ಮೊದಲ ಬಾರಿಗೆ ರಾಜಮೌಳಿ ನಮ್ಮ ಸೌತ್ ಸಿನಿಮಾದ ಹೀರೋ ಲುಕ್ವೊಂದನ್ನ ಬಟ್ಟಿ ಇಳಿಸಿಬಿಟ್ಟಿದ್ದಾರೆ. ಹೌದು.. ತಮಿಳು ನಟ ಸೂರ್ಯ ನಟನೆಯ 24 ಸಿನಿಮಾದ ವ್ಹೀಲ್ ಚೇರ್ ಪೋಸ್ಟರ್ನ ಹೋಲುವಂತಿದೆ ಪೃಥ್ವಿರಾಜ್ ಸುಕುಮಾರನ್ ಲುಕ್. ಹಾಗಾಗಿ ಸೋಶಿಯಲ್ ಮೀಡಿಯಾದಲ್ಲಿ ವ್ಯಾಪಕ ಟೀಕೆಗಳು ವ್ಯಕ್ತವಾಗ್ತಿವೆ. ಆದ್ರೂ ಸಹ ಒಂದಷ್ಟು ಮಂದಿ ಬ್ರ್ಯಾಂಡ್ ರಾಜಮೌಳಿ ಮೇಲೆ ನಮಗೆ ನಂಬಿಕೆಯಿದೆ. ಕಾದು ನೋಡ್ತೀವಿ ಅಂತಿದ್ದಾರೆ.
ಬ್ರ್ಯಾಂಡ್ ರಾಜಮೌಳಿ ಮೇಲೆ ಜನಕ್ಕಿದೆ ದೊಡ್ಡ ನಂಬಿಕೆ..!!
ನ-15ಕ್ಕೆ ಟೀಸರ್.. ಈಗಾಗ್ಲೇ ಪ್ರಿನ್ಸ್-ಪೃಥ್ವಿ ಎಲ್ಲೆಡೆ ವೈರಲ್
ಕ್ರಿಯೇಟೀವ್ ಫೀಲ್ಡ್ನಲ್ಲಿರೋರಿಗೆ ಇದೆಲ್ಲಾ ಕಾಮನ್. ಎಂಥದ್ದೇ ಸಿನಿಮಾ ಮಾಡಿದ್ರೂ ಸಹ ಇದು ಅದರ ಕಾಪಿ. ಅದು ಇದರ ಕಾಪಿ ಅಂತೆಲ್ಲಾ ಆಡಿಕೊಳ್ತಾರೆ. ಆದ್ರೆ ನಿಜಕ್ಕೂ ಪೃಥ್ವಿರಾಜ್ ಸುಕುಮಾರನ್ ಪಾತ್ರ ಸೂರ್ಯ ಪಾತ್ರದಿಂದ ಕಾಪಿ ಆಗದಿದ್ರೆ ಸಾಕು ಅನ್ನೋದು ಹಲವರ ಅಭಿಪ್ರಾಯ. ಬಹುಶಃ ನವೆಂಬರ್ 15ಕ್ಕೆ ಈ ಅಂತೆ ಕಂತೆಗಳಿಗೆ ಒಂದು ಸ್ಪಷ್ಟನೆ ಸಿಗಬಹುದು. ಸದ್ಯಕ್ಕೆ ಕಾದು ನೋಡೋಣ ಅಂತಷ್ಟೇ ಹೇಳಬಹುದು.