ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡ ಅವರ ವಿವಾಹ ಸಂಭ್ರಮ ಇನ್ನೂ ಮುಗಿದಿಲ್ಲ. ಉದಯಪುರದಲ್ಲಿ ನಡೆದ ಮದುವೆಯ ನಂತರ ಮಾರ್ಚ್ 04ರಂದು ಹೈದರಾಬಾದ್ನ ತಾಜ್ ಕೃಷ್ಣ ಹೋಟೆಲ್ನಲ್ಲಿ ಅದ್ಧೂರಿ ಆರತಕ್ಷತೆ ನಡೆಯಲಿದೆ. ಈ ಕಾರ್ಯಕ್ರಮಕ್ಕೆ ಟಾಲಿವುಡ್, ಸ್ಯಾಂಡಲ್ವುಡ್, ಬಾಲಿವುಡ್ನ ದೊಡ್ಡ ಸೆಲೆಬ್ರಿಟಿಗಳು ಹಾಗೂ ತೆಲಂಗಾಣ ಮತ್ತು ಆಂಧ್ರಪ್ರದೇಶದ ಪ್ರಮುಖ ರಾಜಕಾರಣಿಗಳು ಭಾಗವಹಿಸಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಆರತಕ್ಷತೆ ಮುಗಿದ ಕೂಡಲೇ ಈ ದಂಪತಿಗಳು ಹನಿಮೂನ್ ಟ್ರಿಪ್ ಹೊಗಲಿದ್ದಾರೆ. ಅದೂ ಸಾಮಾನ್ಯ ಸ್ಥಳಕ್ಕಲ್ಲ ಅತ್ಯಂತ ಐಷಾರಾಮಿ ಮತ್ತು ಖಾಸಗಿಯಾದ ಕ್ಯಾಲಿವಿನಿ ದ್ವೀಪಕ್ಕೆ. ಗ್ರೆನಡಾ ದೇಶದ ಬಳಿ ಇರುವ ಈ 80 ಎಕರೆ ವಿಶಾಲ ಖಾಸಗಿ ದ್ವೀಪವು ವಿಶ್ವದ ಅತ್ಯಂತ ದುಬಾರಿ ಮತ್ತು ಸುಂದರ ರೆಸಾರ್ಟ್ಗಳಲ್ಲಿ ಒಂದಾಗಿದೆ. ಐತಿಹಾಸಿಕ ಮಹತ್ವ ಹೊಂದಿರುವ ಈ ದ್ವೀಪದಲ್ಲಿ ಐಷಾರಾಮಿ ವಿಲ್ಲಾಗಳು, ಪ್ರೈವೇಟ್ ಬೀಚ್ಗಳಲ್ಲಿ ಹನಿಮೂನ್ ಟ್ರಿಪ್ ಪ್ಲ್ಯಾನ್ ಮಾಡಿದ್ದಾರೆ .
ಹನಿಮೂನ್ ಇನ್ನೂ ವಿಸ್ತೃತವಾಗಿ ಕೇವಲ ಕ್ಯಾಲಿವಿನಿ ದ್ವೀಪಕ್ಕೆ ಮಾತ್ರವಲ್ಲ, ರಶ್ಮಿಕಾ ಮತ್ತು ವಿಜಯ್ ಇಬ್ಬರೂ ತಮ್ಮ ಮೆಚ್ಚಿನ ದೇಶಗಳಿಗೂ ಭೇಟಿ ನೀಡಲಿದ್ದಾರೆ:
- ಜಪಾನ್ : ರಶ್ಮಿಕಾ ಮಂದಣ್ಣ ಅವರ ಅತ್ಯಂತ ಪ್ರಿಯ ಪ್ರವಾಸಿ ತಾಣ. ಹಿಂದೆಯೂ ಜಪಾನ್ ಭೇಟಿ ನೀಡಿದ್ದ ಅವರು ಈಗ ಪತಿಯ ಜೊತೆಗೆ ಹನಿಮೂನ್ಗೆ ತೆರಳುತ್ತಿದ್ದಾರೆ.
- ಇಟಲಿ: ವಿಜಯ್ ದೇವರಕೊಂಡ ಅವರ ಮೆಚ್ಚಿನ ದೇಶ. ರೊಮ್ಯಾಂಟಿಕ್ ಸ್ಥಳಗಳಿಗೆ ಹೆಸರಾದ ಇಟಲಿಯಲ್ಲಿ ಈ ದಂಪತಿಗಳು ವಿಶೇಷ ಕ್ಷಣಗಳನ್ನು ಕಳೆಯಲಿದ್ದಾರೆ.
ಮದುವೆಯಲ್ಲಿ ತೆಲುಗು ಸಂಪ್ರದಾಯದಂತೆ ಮೊದಲು ವಿವಾಹ ನಡೆದರೆ, ಸಂಜೆ ಕೊಡವ ಸಂಪ್ರದಾಯದಂತೆ ಮತ್ತೊಂದು ಕಾರ್ಯಕ್ರಮ ನಡೆಯಲಿದೆ. ಆರತಕ್ಷತೆಗೆ ದೊಡ್ಡ ಸೆಲೆಬ್ರಿಟಿಗಳು ಆಗಮಿಸಲಿದ್ದಾರೆ.
ಹನಿಮೂನ್ ಟ್ರಿಪ್ ಅತ್ಯಂತ ಖಾಸಗಿಯಾಗಿ ಮತ್ತು ಐಷಾರಾಮಿಯಾಗಿ ಆಯೋಜಿಸಲಾಗಿದೆ. ಪ್ರೇಮಿಗಳ ಜೋಡಿ ಇದೀಗ ದಾಂಪತ್ಯ ಜೀವನದ ಹೊಸ ಅಧ್ಯಾಯ ಆರಂಭಿಸಿದ್ದು, ಫ್ಯಾನ್ಸ್ ಅವರ ಹನಿಮೂನ್ ಫೋಟೋಗಳಿಗಾಗಿ ಕಾಯುತ್ತಿದ್ದಾರೆ.