ಪ್ಯಾನ್ ಇಂಡಿಯಾ ನಟಿ ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡ ಅವರ ಮದುವೆ ಸಂಭ್ರಮ ಇನ್ನೂ ಮುಗಿದಿಲ್ಲ. ಉದಯಪುರ ಮತ್ತು ಹೈದರಾಬಾದ್ನಲ್ಲಿ ಅದ್ಧೂರಿಯಾಗಿ ನಡೆದ ಮದುವೆ ಮತ್ತು ಆರತಕ್ಷತೆಯ ನಂತರ, ಈಗ ರಶ್ಮಿಕಾ ಅವರ ಸ್ವಂತ ಊರಾದ ಕೊಡಗಿನಲ್ಲಿ ಮತ್ತೊಮ್ಮೆ ಬಿರುಸಿನ ಆರತಕ್ಷತೆ ನೆರವೇರಿದೆ.
ಏಪ್ರಿಲ್ 6, 2026ರಂದು ಕೊಡಗಿನ ವಿರಾಜಪೇಟೆಯ ಸೆರೆನಿಟಿ ಹಾಲ್ನಲ್ಲಿ ನಡೆದ ಈ ಅದ್ಧೂರಿ ಸಮಾರಂಭದಲ್ಲಿ ರಶ್ಮಿಕಾ ಮಂದಣ್ಣ ಅಪ್ಪಟ ಕೊಡಗಿನ ಕುವರಿಯಂತೆ ಕಂಗೊಳಿಸಿದ್ದಾರೆ. ಸಾಂಪ್ರದಾಯಿಕ ಕೊಡವ ಶೈಲಿಯಲ್ಲಿ ರಶ್ಮಿಕಾ ಬಹಳ ಸುಂದರವಾಗಿ ಕಾಣಿಸಿಕೊಂಡಿದ್ದಾರೆ.
ರಶ್ಮಿಕಾ ಲುಕ್ ಹೈಲೈಟ್: ರಶ್ಮಿಕಾ ಹಸಿರು ಮತ್ತು ಗುಲಾಬಿ ಬಣ್ಣದ ಕಾಂಜಿವರಂ ರೇಷ್ಮೆ ಸೀರೆಯನ್ನು ಕೊಡವ ಸ್ಟೈಲ್ನಲ್ಲಿ ಉಟ್ಟು ಎಲ್ಲರ ಗಮನ ಸೆಳೆದಿದ್ದಾರೆ. ಸೀರೆಯ ಜೊತೆಗೆ ಕೊಡಗಿನ ಸಾಂಪ್ರದಾಯಿಕ ಆಭರಣಗಳಾದ ಪತ್ತಕ್, ಜೋಮಾಲೆ, ಕೊಕ್ಕೆ ತಾತಿ ಮತ್ತು ಪೌಂಚಿಯನ್ನು ಧರಿಸಿದ್ದರು. ತಲೆಗೆ ಮಲ್ಲಿಗೆ ಹೂವು ಮುಡಿದು ಅಪ್ಪಟ ಕೊಡಗಿನ ಹೆಣ್ಣಿನಂತೆ ಕಂಗೊಳಿಸುತ್ತಿದ್ದರು.
ವಿಜಯ್ ದೇವರಕೊಂಡ ಕೂಡಾ ರಶ್ಮಿಕಾಗೆ ಸರಿಸಾಟಿಯಾಗಿ ವಿಂಟೇಜ್ ಲುಕ್ನಲ್ಲಿ ಮಿಂಚಿದ್ದಾರೆ. ಕಪ್ಪು ಬಣ್ಣದ ಫ್ಲೇರ್ಡ್ ಪ್ಯಾಂಟ್, ಬಿಳಿ ಶರ್ಟ್ ಮತ್ತು ಬ್ಲೇಜರ್ ಧರಿಸಿ ರೆಟ್ರೊ ಸ್ಟೈಲ್ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಈ ಆರತಕ್ಷತೆಯ ಫೋಟೋಗಳು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿವೆ. ಕೊಡಗಿನಲ್ಲಿ ತವರಿನಲ್ಲಿ ನಡೆದ ಈ ಸಮಾರಂಭದಲ್ಲಿ ಕುಟುಂಬಸ್ಥರು ಮತ್ತು ಸ್ಥಳೀಯರು ಭಾಗವಹಿಸಿ ರಶ್ಮಿಕಾ-ವಿಜಯ್ ಜೋಡಿಗೆ ಆಶೀರ್ವಾದ ನೀಡಿದ್ದಾರೆ.
ರಶ್ಮಿಕಾ ಮಂದಣ್ಣ ಅವರ ಮದುವೆ ಸಂಭ್ರಮ ಈಗ ಕೊಡಗಿನಲ್ಲಿ ಪೂರ್ಣಗೊಂಡಂತೆ ಕಾಣುತ್ತಿದೆ. ಈ ಫೋಟೋಗಳು ರಸಿಕರ ಮನ ತುಂಬಿಸುತ್ತಿವೆ.