ಲಂಡನ್: ಮಿಸ್ಟರ್ ಬೀನ್ ಎಂದೇ ಖ್ಯಾತರಾಗಿರುವ ಬ್ರಿಟಿಷ್ ನಟ ರೋವನ್ ಅಟ್ಕಿನ್ಸನ್ (Rowan Atkinson) ಮತ್ತು ಮಾಜಿ ನೀಲಿ ತಾರೆ ಮಿಯಾ ಖಲೀಫಾ (Mia Khalifa) ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ವದಂತಿ ಕಳೆದ ಕೆಲವು ದಿನಗಳಿಂದ ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ಸದ್ದು ಮಾಡುತ್ತಿದೆ. 71 ವರ್ಷದ ರೋವನ್ ಮತ್ತು 32 ವರ್ಷದ ಮಿಯಾ ಖಲೀಫಾ ಫ್ರಾನ್ಸ್ನಲ್ಲಿ ರಜಾ ದಿನಗಳನ್ನು ಕಳೆಯುತ್ತಿದ್ದಾರೆ ಎನ್ನಲಾದ ಫೋಟೋವೊಂದು ನೆಟ್ಟಿಗರಲ್ಲಿ ಭಾರಿ ಕುತೂಹಲ ಮತ್ತು ಚರ್ಚೆಗೆ ಕಾರಣವಾಗಿತ್ತು. ಆದರೆ, ಈ ಸುದ್ಧಿಯ ಬೆನ್ನಲ್ಲೇ ಸ್ವತಃ ಮಿಯಾ ಖಲೀಫಾ ಅವರು ಮೌನ ಮುರಿದಿದ್ದು, ವದಂತಿಗಳಿಗೆ ಖಡಕ್ ಉತ್ತರ ನೀಡಿದ್ದಾರೆ.
but I am open to it !!! https://t.co/FOMZ6KOsbu
— Mia K. (@miakhalifa) January 20, 2026
ವೈರಲ್ ಆಗಿದ್ದ ಆ ಫೋಟೋ ನಿಜವೇ?
ಟ್ವಿಟರ್ (X) ಮತ್ತು ಇನ್ಸ್ಟಾಗ್ರಾಮ್ನಲ್ಲಿ ಮಿಯಾ ಮತ್ತು ರೋವನ್ ಅಟ್ಕಿನ್ಸನ್ ಒಟ್ಟಿಗೆ ಇರುವ ಫೋಟೋಗಳನ್ನು ಹರಿಬಿಡಲಾಗಿತ್ತು. ಆದರೆ, ತನಿಖೆಯ ನಂತರ ಇದು ಕೃತಕ ಬುದ್ಧಿಮತ್ತೆ (AI) ಸೃಷ್ಟಿಸಿದ ಚಿತ್ರ ಎಂಬುದು ಸಾಬೀತಾಗಿದೆ. ಸೋಷಿಯಲ್ ಮೀಡಿಯಾದಲ್ಲಿ ವ್ಯಂಗ್ಯ ಮತ್ತು ಹಾಸ್ಯಕ್ಕಾಗಿ ಸೃಷ್ಟಿಸುವ ಕೆಲವು ಅಕೌಂಟ್ಗಳು ಈ ಫೋಟೋವನ್ನು ಎಡಿಟ್ ಮಾಡಿ ಹಂಚಿಕೊಂಡಿದ್ದವು. ವಾಸ್ತವದಲ್ಲಿ ಇವರಿಬ್ಬರೂ ಎಲ್ಲೂ ಭೇಟಿಯಾಗಿಲ್ಲ ಮತ್ತು ಅಂತಹ ಯಾವುದೇ ಸನ್ನಿವೇಶ ನಡೆದಿಲ್ಲ ಎಂದು ಫ್ಯಾಕ್ಟ್ ಚೆಕ್ ವರದಿಗಳು ಸ್ಪಷ್ಟಪಡಿಸಿವೆ.
ಮಿಯಾ ಖಲೀಫಾ ನೀಡಿದ ಸ್ಪಷ್ಟನೆ ಏನು?
ಈ ವದಂತಿಯು ಮಿತಿಮೀರುತ್ತಿದ್ದಂತೆ ಮಿಯಾ ಖಲೀಫಾ ತಮ್ಮ ಎಕ್ಸ್ (X) ಖಾತೆಯಲ್ಲಿ ತಮಾಷೆಯಾಗಿ ಪ್ರತಿಕ್ರಿಯಿಸಿದ್ದಾರೆ. ಗೈಸ್, ನಾನು ಒಬ್ಬ ಮೂರ್ಖನ (Fool) ಜೊತೆ ಡೇಟಿಂಗ್ ಮಾಡುತ್ತಿದ್ದೇನೆ ನಿಜ, ಆದರೆ ಖಂಡಿತವಾಗಿಯೂ ಅದು ಮಿಸ್ಟರ್ ಬೀನ್ ಅಲ್ಲ! ಎಂದು ಬರೆಯುವ ಮೂಲಕ ವದಂತಿಗಳಿಗೆ ಎಳ್ಳುನೀರು ಬಿಟ್ಟಿದ್ದಾರೆ. ಅಂದರೆ, ತಾವು ಪ್ರಸ್ತುತ ರಿಲೇಶನ್ಶಿಪ್ನಲ್ಲಿ ಇರುವುದು ನಿಜವಾದರೂ, ಅದು ರೋವನ್ ಅಟ್ಕಿನ್ಸನ್ ಅವರಲ್ಲ ಎಂಬುದು ಅವರ ಮಾತಿನ ಅರ್ಥವಾಗಿತ್ತು.
ಮತ್ತೊಂದೆಡೆ, ರೋವನ್ ಅಟ್ಕಿನ್ಸನ್ ಅವರು ಕಳೆದ 2013 ರಿಂದಲೂ ನಟಿ ಲೂಯಿಸ್ ಫೋರ್ಡ್ ಅವರೊಂದಿಗೆ ದೀರ್ಘಕಾಲದ ಸಂಬಂಧದಲ್ಲಿದ್ದಾರೆ ಮತ್ತು ಅವರಿಗೆ ಒಬ್ಬ ಮಗು ಕೂಡ ಇದೆ. ಹೀಗಿರುವಾಗ ಮಿಯಾ ಖಲೀಫಾ ಜೊತೆಗಿನ ಇವರ ಲಿಂಕ್-ಅಪ್ ಸುದ್ಧಿ ಕೇವಲ ಆಧಾರರಹಿತ ವದಂತಿ ಎಂಬುದು ಸ್ಪಷ್ಟವಾಗಿದೆ. ಇತ್ತೀಚಿನ ದಿನಗಳಲ್ಲಿ ಸೆಲೆಬ್ರಿಟಿಗಳ ಹೆಸರಿನಲ್ಲಿ ‘AI ಜನರೇಟೆಡ್’ ಚಿತ್ರಗಳನ್ನು ಬಳಸಿ ಸುಳ್ಳು ಸುದ್ಧಿ ಹಬ್ಬಿಸುವುದು ಹೆಚ್ಚಾಗುತ್ತಿದ್ದು, ಅದಕ್ಕೆ ಈ ಘಟನೆಯೇ ತಾಜಾ ಉದಾಹರಣೆ.