ಮ್ಯಾಂಗೋ ಪಚ್ಚ ಚಿತ್ರದ ಕ್ಲೈಮ್ಯಾಕ್ಸ್ನಲ್ಲಿ ಒಬ್ಬ ಸ್ಟಾರ್ ಸರ್ಪ್ರೈಸ್ ಎಂಟ್ರಿ ಕೊಡ್ತಾರೆ. ಅದಕ್ಕೆ ಅವರು ಪಡೆದ ಸಂಭಾವನೆ ಝೀರೋ. ಅಭಿನಯ ಚಕ್ರವರ್ತಿ ಬಾದ್ಷಾ ಕಿಚ್ಚ ಸುದೀಪ್ ಮೇಲೆ ಇರೋ ಅಭಿಮಾನ, ಪ್ರೀತಿಗಾಗಿ ಆ ಪಾತ್ರ ಮಾಡಿದ್ದಾರಂತೆ. ಆ ಸ್ಟಾರ್ ಯಾರು..? ಆ ಬಗ್ಗೆ ಗ್ಯಾರಂಟಿ ನ್ಯೂಸ್ ಜೊತೆ ಡೈರೆಕ್ಟರ್ ವಿವೇಕ ಹೇಳಿದ್ದೇನು..? ಇದರ ಇಂಟ್ರೆಸ್ಟಿಂಗ್ ಸ್ಟೋರಿ ಇಲ್ಲಿದೆ..
- ಸುದೀಪ್ ಪ್ರೀತಿ.. ಸಂಭಾವನೆ ಪಡೆಯದೆ ಬಣ್ಣ ಹಚ್ಚಿದ ಡಾಲಿ
- ವಿಕ್ರಮ್ನಲ್ಲಿ ಸೂರ್ಯ ರೋಲೆಕ್ಸ್.. ಪಚ್ಚದಲ್ಲಿ ಡಾಲಿ ರಾಕ್ಸ್..!
- ಗೆಳೆಯ ವಿವೇಕ್ಗಾಗಿ ಸ್ಪೆಷಲ್ ಅಪಿಯರೆನ್ಸ್ ಮಾಡಿಲ್ಲ ಡಾಲಿ
- ಯಶಸ್ವೀ 2ನೇ ವಾರದತ್ತ ಸಂಚಿ ನಟನೆಯ ಮ್ಯಾಂಗೋ ಪಚ್ಚ
ಮ್ಯಾಂಗೋ ಪಚ್ಚ.. ಸುದೀಪ್ ಸೋದರಳಿಯ ಸಂಚಿತ್ ಸಂಜೀವ್ ನಟನೆಯ ಚೊಚ್ಚಲ ಸಿನಿಮಾ. ಕಳೆದ ವಾರ ತೆರೆಕಂಡ ಈ ಚಿತ್ರ, ಯಶಸ್ವೀ ಎರಡನೇ ವಾರಕ್ಕೆ ಕಾಲಿಟ್ಟಿದೆ. ಎಲ್ಲೆಡೆ ಒಳ್ಳೆಯ ಪ್ರಶಂಸೆ ಹಾಗೂ ಪ್ರತಿಕ್ರಿಯೆಗಳು ವ್ಯಕ್ತವಾಗ್ತಿದ್ದು, ಸಂಚಿತ್ ಭವಿಷ್ಯದ ಸ್ಯಾಂಡಲ್ವುಡ್ ಸ್ಟಾರ್ ಆಗೋದ್ರಲ್ಲಿ ಡೌಟೇ ಇಲ್ಲ. ಅಂದಹಾಗೆ ಈ ಸಿನಿಮಾದ ಕ್ಲೈಮ್ಯಾಕ್ಸ್ನಲ್ಲಿ ಪ್ರೇಕ್ಷಕರಿಗೆ ಒಂದು ಬಿಗ್ ಸರ್ಪ್ರೈಸ್ ಕಾದಿದೆ. ಅದೇ ಡಾಲಿ ಧನಂಜಯ ಸ್ಪೆಷಲ್ ಎಂಟ್ರಿ.
ಯೆಸ್.. ಜೈಲಲ್ಲಿ ಶಿಕ್ಷೆ ಅನುಭವಿಸಿ, ಮೈಸೂರಿಗೆ ವಾಪಸ್ ಆಗ್ತಿರೋ ಪಚ್ಚನ ಸಾಮ್ರಾಜ್ಯವನ್ನ ಡಾಲಿ ಆವರಿಸಿಕೊಂಡಿರ್ತಾರೆ. ಅಂತಹ ಒಬ್ಬ ದೊಡ್ಡ ಗ್ಯಾಂಗ್ಸ್ಟರ್ ಆಗಿ ಡಾಲಿ ನೋಡುಗರಿಗೆ ಥ್ರಿಲ್ ನೀಡ್ತಾರೆ. ಇದೊಂಥರಾ ಲೋಕೇಶ್ ಕನಕರಾಜ್ ಸಿನಿಮ್ಯಾಟಿಕ್ ಯೂನಿವರ್ಸ್ ನ ವಿಕ್ರಮ್ ಚಿತ್ರದಲ್ಲಿ ರೋಲೆಕ್ಸ್ ಪಾತ್ರದಲ್ಲಿ ದರ್ಶನ ಕೊಡೋ ನಟ ಸೂರ್ಯನ ಹಾಗಿದೆ.
ಶಿಳ್ಳೆ, ಚಪ್ಪಾಳೆ ಗಿಟ್ಟಿಸುವ ಈ ಡಾಲಿ ಧನಂಜಯ ರೋಲ್, ಅಕ್ಷರಶಃ ಸರ್ಪ್ರೈಸಿಂಗ್ ಎಲಿಮೆಂಟ್. ಇನ್ ಫ್ಯಾಕ್ಟ್ ಮ್ಯಾಂಗೋ ಪಚ್ಚಗೆ ಕೊನೆಯಲ್ಲಿ ಒಂಥರಾ ಅದು ವ್ಯಾಲ್ಯೂ ಅಡಿಷನ್ ಆಗಿದೆ. ಡೈರೆಕ್ಟರ್ ವಿವೇಕ ಈ ಬಗ್ಗೆ ನಮ್ಮ ಗ್ಯಾರಂಟಿ ನ್ಯೂಸ್ ಜೊತೆ ಮಾತನಾಡಿದ್ದು, ಅದು ವಿವೇಕ ಅವ್ರ ಸ್ನೇಹಕ್ಕಾಗಿ ಅಲ್ಲದೆ, ಒನ್ ಅಂಡ್ ಓನ್ಲಿ ಕಿಚ್ಚ ಸುದೀಪ್ಗಾಗಿ ಅನ್ನೋ ವಿಷಯ ಬಹಿರಂಗವಾಗಿದೆ.
ಅಂದಹಾಗೆ ಡಾಲಿ ಹಾಗೂ ವಿವೇಕ್ ಮೈಸೂರು ಗೆಳೆಯರು. ನಿರ್ದೇಶಕ ವಿವೇಕ್, ನಟ ನಾಗಭೂಷಣ, ಪೂರ್ಣ ಮೈಸೂರು ರೀತಿ ಡಾಲಿ ಗೆಳೆಯರ ಬಳಗದಿಂದ ಚಿತ್ರರಂಗಕ್ಕೆ ಬಂದ ಪ್ರತಿಭೆ. ಸೋ ಇವ್ರ ಗ್ಯಾಂಗ್ನಲ್ಲಿ ಮೊದಲು ಗಾಂಧಿನಗರದಲ್ಲಿ ಕಟೌಟ್ ಬಿದ್ದಿದ್ದೇ ಡಾಲಿಗೆ ಅಂತೆ. ಅದನ್ನ ವಿವೇಕ್ ಬಹಳ ಖುಷಿ ಹಾಗೂ ಹೆಮ್ಮೆಯಿಂದ ಹೇಳಿಕೊಂಡಿದ್ದಾರೆ.
ವಿಶೇಷ ಅಂದ್ರೆ, ಡಾಲಿ ಒಂದು ಪೈಸೆ ರೆಮ್ಯುನರೇಷನ್ ಕೂಡ ಪಡೆಯದೆ, ಸುದೀಪ್ಗಾಗಿ ಹಾಗೂ ಮ್ಯಾಂಗೋ ಪಚ್ಚ ಚಿತ್ರಕ್ಕಾಗಿ ಬಂದು ನಟಿಸಿ ಹೋಗಿದ್ದಾರೆ. ಇದು ಸುದೀಪ್ ಹಾಗೂ ಡಾಲಿ ನಡುವೆ ಇರೋ ಆ ಬಾಂಡಿಂಗ್ ಎಂಥದ್ದು ಅನ್ನೋದಕ್ಕೆ ಸಾಕ್ಷಿಯಾಗಿದೆ. ಇವರ ಸ್ನೇಹ, ಸಂಬಂಧ ಎಷ್ಟು ಗಟ್ಟಿಯಾಗಿದೆ ಅನ್ನೋದ್ರ ಕೈಗನ್ನಡಿಯಾಗಿದೆ. ಒಟ್ಟಾರೆ ಮ್ಯಾಂಗೋ ಪಚ್ಚ ಸಿನಿಮಾ ಸುದೀಪ್, ಡಾಲಿ ಅಂತಹ ಸ್ಟಾರ್ಗಳಿಂದ ಮತ್ತಷ್ಟು ಚೆಂದವಾಗಿ ಕಟ್ಟಿಕೊಡಲು ಸಾಧ್ಯವಾಗಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್