ಸ್ಯಾಂಡಲ್ವುಡ್ ನಟ ರಾಕ್ಷಸ ಡಾಲಿ ಧನಂಜಯ ಈಗ ‘ಮದರ್ ಪ್ರಾಮಿಸ್’ ಮಾಡೋಕೆ ರೆಡಿಯಾಗಿದ್ದಾರೆ. ಹೌದು, ಡಾಲಿ ಪಿಕ್ಚರ್ಸ್ ಬ್ಯಾನರ್ನಲ್ಲಿ ಮೂಡಿಬರ್ತಿರೋ ಮೋಸ್ಟ್ ಅವೈಟೆಡ್ ‘ಮದರ್ ಪ್ರಾಮಿಸ್’ ಸಿನಿಮಾದ ಖಡಕ್ ಟ್ರೈಲರ್ ರಿಲೀಸ್ ಆಗಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಧೂಳೆಬ್ಬಿಸ್ತಿದೆ. ಇಷ್ಟು ದಿನ ರಗಡ್ ಲುಕ್ನಲ್ಲಿ ಅಬ್ಬರಿಸ್ತಿದ್ದ ಡಾಲಿ, ಈ ಬಾರಿ ಮಸ್ತ್ ಕಾಮಿಡಿ ಮತ್ತು ಥ್ರಿಲ್ಲಿಂಗ್ ಗ್ಯಾಂಬ್ಲಿಂಗ್ ಡಾನ್ ಅವತಾರದಲ್ಲಿ ದರ್ಶನ ಕೊಟ್ಟಿದ್ದಾರೆ. ಗಾಂಧಿನಗರ ಧೂಳೀಪಟ ಮಾಡೋಕೆ ಬರ್ತಿರೋ ಈ ಟ್ರೈಲರ್ನ ಕಂಪ್ಲೀಟ್ ಕಥೆ ಇಲ್ಲಿದೆ ನೋಡಿ.
ಫ್ಯಾನ್ಸ್ ಗೆ ಡಾಲಿ ಕೊಟ್ಟ ಮದರ್ ಪ್ರಾಮಿಸ್ ಟ್ರೈಲರ್ ಗಿಫ್ಟ್
ಮದರ್ ಪ್ರಾಮಿಸ್ ನಲ್ಲಿ ಡಾಲಿ ಈಗ ಗ್ಯಾಂಬ್ಲಿಂಗ್ ಡಾನ್..!
‘ಡೇರ್ ಡೆವಿಲ್ ಮುಸ್ತಾಫ’ ಶಶಾಂಕ್ ಕ್ರಿಯೇಟಿವ್ ಟಚ್
ಫ್ರೆಂಡ್ಶಿಪ್ ಜೊತೆ ಬೆಟ್ಟಿಂಗ್ ಲೋಕದ ಬಿಗ್ ಗೇಮ್..!
ಸ್ಯಾಂಡಲ್ವುಡ್ನಲ್ಲಿ ವಿಭಿನ್ನ ಸಿನಿಮಾಗಳ ಮೂಲಕ ಸದ್ದು ಮಾಡೋ ಡಾಲಿ ಧನಂಜಯ ಅವರ ಮುಂಬರುವ ಚಿತ್ರ ‘ಮದರ್ ಪ್ರಾಮಿಸ್’ ರಿಲೀಸ್ ಡೇಟ್ ಆಲ್ರೆಡಿ ಫಿಕ್ಸ್ ಆಗಿದೆ. ಬರುವ ಜುಲೈ 10ಕ್ಕೆ ಥಿಯೇಟರ್ಗೆ ಲಗ್ಗೆ ಇಡೋದು ಕನ್ಫರ್ಮ್ ಆಗಿದೆ. ಇದರ ಬೆನ್ನಲ್ಲೇ ಈಗ ರಿಲೀಸ್ ಆಗಿರೋ ಸಿನಿಮಾದ ಟ್ರೈಲರ್ ಅಕ್ಷರಶಃ ಪ್ರಾಮಿಸಿಂಗ್ ಆಗಿದೆ. ಡಾಲಿ ಆಂಡ್ ಗ್ಯಾಂಗ್ ಮಾಡಿರೋ ಮಸ್ತ್ ಕಾಮಿಡಿ ಪಂಚ್ಗಳು ಪ್ರೇಕ್ಷಕರಿಗೆ ಸಖತ್ ಕಿಕ್ ಕೊಡ್ತಿದ್ದು, ನಿರೀಕ್ಷೆಯನ್ನ ಡಬಲ್ ಮಾಡಿದೆ.
ಹೌದು, ಈ ಸಿನಿಮಾವನ್ನು ಡಾಲಿ ಧನಂಜಯ ಅವರು ಕೇವಲ ಆಕ್ಟ್ ಮಾಡಿಲ್ಲ, ತಮ್ಮದೇ ಡಾಲಿ ಪಿಕ್ಚರ್ಸ್ ಮೂಲಕ ಹೆಮ್ಮೆಯಿಂದ ನಿರ್ಮಾಣ ಮಾಡಿದ್ದಾರೆ. ಬಹುತೇಕ ಹೊಸಬರೇ ತುಂಬಿರೋ ಈ ಚಿತ್ರದ ಟ್ರೈಲರ್ನಲ್ಲಿ ಡಾಲಿ ಧನಂಜಯ ಕ್ರಿಕೆಟ್ ಬೆಟ್ಟಿಂಗ್, ಗ್ಯಾಂಬ್ಲಿಂಗ್ ಲೋಕದ ಡಾನ್ ಆಗಿ ಡಿಫರೆಂಟ್ ಆಗಿ ಮಿಂಚಿದ್ದಾರೆ. ಟ್ರೈಲರ್ ನೋಡಿದ ಗಾಂಧಿನಗರದ ಮಂದಿ, ಈ ಬಾರಿ ಡಾಲಿ ಬಾಕ್ಸ್ ಆಫೀಸ್ನಲ್ಲಿ ಮಸ್ತ್ ಬೇಟೆ ಆಡೋದು ಗ್ಯಾರಂಟಿ ಅಂತಿದ್ದಾರೆ.
ಈ ಸಿನಿಮಾದ ಸ್ಪೆಷಾಲಿಟಿಯೇ ಇದು.ಡಾಲಿ ಧನಂಜಯ ತಮ್ಮ ಇಡೀ ಸ್ನೇಹಿತರ ಬಳಗವನ್ನು ಸೇರಿಸಿಕೊಂಡು ಈ ಸಿನಿಮಾ ಮಾಡಿದ್ದಾರೆ. ಡಾಲಿಯ ಆಪ್ತ ಗೆಳೆಯ ಪೂರ್ಣ ಮೈಸೂರು ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ರೆ, ಮತ್ತೊಬ್ಬ ಗೆಳೆಯ ಹರ್ಷ ಮುರುಂಡಿ ಶಿವಲಿಂಗಪ್ಪ ಈ ಚಿತ್ರದ ಮೂಲಕ ಭರ್ಜರಿಯಾಗಿ ಸ್ಯಾಂಡಲ್ವುಡ್ಗೆ ನಿರ್ಮಾಪಕರಾಗಿ ಎಂಟ್ರಿ ಕೊಟ್ಟಿದ್ದಾರೆ. ಈಗಾಗಲೇ ಹಾಡುಗಳಿಂದ ಹವಾ ಸೃಷ್ಟಿಸಿದ್ದ ಈ ಚಿತ್ರದ ಟ್ರೈಲರ್ನಲ್ಲಿ ಫ್ರೆಂಡ್ಶಿಪ್, ಡಾನ್ಗಳ ಗ್ಯಾಂಗ್ ವಾರ್, ಬೆಟ್ಟಿಂಗ್ ಮತ್ತು ಮದರ್ ಸೆಂಟಿಮೆಂಟ್ ಫುಲ್ ಹೈಲೈಟ್ ಆಗಿದೆ.
ಟ್ರೈಲರ್ನಲ್ಲಿ ಕಾಮಿಡಿ ಜೊತೆ ಥ್ರಿಲ್ಲಿಂಗ್ ಎಲಿಮೆಂಟ್ಸ್ ಸಖತ್ ಆಗಿ ಮೂಡಿಬರಲು ಕಾರಣ ತೆರೆಮರೆಯ ತಾಂತ್ರಿಕ ತಂಡ. ‘ಡೇರ್ ಡೆವಿಲ್ ಮುಸ್ತಾಫ’ ಖ್ಯಾತಿಯ ಸೂಪರ್ ಹಿಟ್ ನಿರ್ದೇಶಕ ಶಶಾಂಕ್ ಪ್ರಕಾಶ್ ಈ ಚಿತ್ರಕ್ಕೆ ಕ್ರಿಯೇಟಿವ್ ಡೈರೆಕ್ಟರ್ ಆಗಿ ಕೆಲಸ ಮಾಡಿದ್ದಾರೆ. ಇನ್ನು ರಾಹುಲ್ ರಾಯ್ ಅವರ ಕ್ಯಾಮೆರಾ ವರ್ಕ್ ಮತ್ತು ನವನೀತ್ ಶ್ಯಾಮ್ ಅವರ ಮ್ಯೂಸಿಕ್ ಟ್ರೈಲರ್ಗೆ ಸೂಪರ್ ಎನರ್ಜಿ ತುಂಬಿದೆ.
ಚಿತ್ರದಲ್ಲಿ ಡಾಲಿ ಧನಂಜಯ ಜೊತೆಗೆ ಕಾಮಿಡಿ ಕಿಂಗ್ ನಾಗಭೂಷಣ್, ಹಿರಿಯ ನಟಿ ವಿನಯಪ್ರಸಾದ್, ಗೀತಾ ಮತ್ತು ಗುರುದತ್ ಸೇರಿದಂತೆ ಘಟಾನುಘಟಿಗಳು ನಟಿಸಿದ್ದಾರೆ. ತುಂಬಾ ದಿನಗಳ ನಂತರ ಸ್ಯಾಂಡಲ್ವುಡ್ನಲ್ಲಿ ಒಂದು ಕಂಪ್ಲೀಟ್ ಯೂತ್ಫುಲ್, ಕಾಮಿಡಿ ಮತ್ತು ಥ್ರಿಲ್ಲಿಂಗ್ ಪ್ಯಾಕೇಜ್ ಇರೋ ಸಿನಿಮಾ ಬರೋದು ಗ್ಯಾರಂಟಿ ಆಗಿದೆ. ಜುಲೈ 10 ಕ್ಕೆ ರಿಲೀಸ್ ಆಗಲಿರೋ ಈ ‘ಮದರ್ ಪ್ರಾಮಿಸ್’ ಪ್ರೇಕ್ಷಕರ ಮನಸ್ಸು ಗೆದ್ದು ಬಾಕ್ಸ್ ಆಫೀಸ್ ಧೂಳೀಪಟ ಮಾಡುತ್ತಾ ಅನ್ನೋದನ್ನ ಕಾದು ನೋಡಬೇಕಿದೆ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್