ಮುಂಬೈನಲ್ಲಿ ಧುರಂಧರ್ ದಾಖಲೆ..ನೀತಾ ಅಂಬಾನಿ ಜೈ..!

ಧುರಂಧರ್ ತೆರೆಕಂಡು 25 ದಿನಗಳಾಯ್ತು. ಇಂದಿಗೂ ಎಲ್ಲೆಡೆ ಹೌಸ್‌‌ಫುಲ್ ಪ್ರದರ್ಶನ ಕಾಣ್ತಿದೆ. ವೀಕೆಂಡ್‌ನಲ್ಲಿ 14 ಕೋಟಿ ಕಲೆಕ್ಷನ್ ಮಾಡೋ ಮೂಲಕ ಕ್ರೇಜ್ ಕಿಂಚಿತ್ತೂ ಕಮ್ಮಿ ಆಗಿಲ್ಲ. ರೆಕಾರ್ಡ್ ಕಾ ಬಾಪ್ ಆಗಿರೋ ಧುರಂಧರ್ ದಿ ರಿವೆಂಜ್, ಸದ್ಯ ಮುಂಬೈನಲ್ಲಿ ಸಾರ್ವಕಾಲಿಕ ದಾಖಲೆ ಬರೆದಿದೆ. ಆ ರೆಕಾರ್ಡ್ ಏನು ಅನ್ನೋದ್ರ ಜೊತೆ ಸಿನಿಮಾ ನೋಡಿ ನೀತಾ ಅಂಬಾನಿ ಹೇಳಿದ್ದೇನು..? ಇದರ ಫುಲ್‌ ಡಿಟೇಲ್ಸ್‌ ಇಲ್ಲಿದೆ..

• ಮುಂಬೈನಲ್ಲಿ ಧುರಂಧರ್ ದಾಖಲೆ.. ನೀತಾ ಅಂಬಾನಿ ಜೈ..!
• ಛಾವಾ ಕಲೆಕ್ಷನ್ 265 ಕೋಟಿ.. ಧುರಂಧರ್‌‌ 317 ಕೋಟಿ
• ರಣ್ವೀರ್ ಧುರಂಧರ್‌ಗೆ ಸಿಲ್ವರ್ ಜ್ಯುಬಿಲಿ.. 1700Cr ಗಳಿಕೆ
• ‘ಇದು ನಮ್ಮ ಸಿನಿಮಾ.. ನಿಜಕ್ಕೂ ಹೆಮ್ಮೆ’- ಶ್ರೀಮಂತ ಮಹಿಳೆ

ಯೆಸ್.. ಇತ್ತೀಚೆಗೆ ಧುರಂಧರ್ ದಿ ರಿವೆಂಜ್ ಸಿನಿಮಾ ನೋಡಿರೋ ಮುಕೇಶ್ ಅಂಬಾನಿ ಪತ್ನಿ ನೀತಾ ಅಂಬಾನಿ, ಸಿನಿಮಾನ ಸಿಕ್ಕಾಪಟ್ಟೆ ಕೊಂಡಾಡಿದ್ದಾರೆ. ಧುರಂಧರ್ ನಮ್ಮ ಸಿನಿಮಾ. ನಿಜಕ್ಕೂ ಹೆಮ್ಮೆ ಆಗುತ್ತೆ. ಸಾರ್ವಕಾಲಿಕ ಶ್ರೇಷ್ಠ ಮೂವಿಗಳಲ್ಲಿ ಒಂದು ಎಂದಿದ್ದಾರೆ. ದೇಶದ ಆಗರ್ಭ ಶ್ರೀಮಂತ ಮಹಿಳೆ ಹೀಗೆ ರಣ್ವೀರ್ ಸಿಂಗ್ ನಟನೆಯ ಹಾಗೂ ಆದಿತ್ಯ ಧರ್ ನಿರ್ದೇಶನದ ಸಿನಿಮಾನ ಪ್ರಶಂಸಿಸಿರೋದು ಸಿನಿಮಾ ತಂಡದ ಉತ್ಸಾಹ ದುಪ್ಪಟ್ಟು ಮಾಡಿದೆ.

ಯಶಸ್ವೀ 25 ದಿನ ಪೂರೈಸಿರೋ ಧುರಂಧರ್-2, ಬಾಕ್ಸ್ ಆಫೀಸ್‌‌ನಲ್ಲಿ ಇಂದಿಗೂ ದೊಡ್ಡ ಮಟ್ಟದಲ್ಲೇ ಕಮಾಯಿ ಮಾಡ್ತಿದೆ. ವೀಕೆಂಡ್‌‌ನಲ್ಲಿ ಸುಮಾರು 14 ಕೋಟಿ ತನಕ ಪೈಸಾ ವಸೂಲ್ ಮಾಡ್ತಿದೆ. ಅಲ್ಲದೆ 25 ದಿನದಲ್ಲಿ ವರ್ಲ್ಡ್ ವೈಡ್ ಗ್ರಾಸ್ 1700 ಕೋಟಿಗೂ ಅಧಿಕ ಮೊತ್ತ ಗಳಿಸಿದೆ ಸಿನಿಮಾ. ಈ ಮೂಲಕ ಎಲ್ಲರ ಹುಬ್ಬೇರಿಸಿದೆ. ದಾಖಲೆಗಳ ಮೇಲೆ ದಾಖಲೆಗಳನ್ನ ಮಾಡ್ತಿರೋ ಧುರಂಧರ್ ಮತ್ತೊಂದು ರೆಕಾರ್ಡ್ ಕೂಡ ಮಾಡಿದೆ.

ಮುಂಬೈನಲ್ಲಿ ಅತಿಹೆಚ್ಚು ಗಳಿಸಿದ ಸಿನಿಮಾಗಳಲ್ಲಿ ಅಗ್ರಸ್ಥಾನಕ್ಕೇರುವ ಮೂಲಕ ವ್ಹಾವ್ ಫೀಲ್ ಗರಿಸಿದೆ. ಹೌದು.. ಮುಂಬೈನಲ್ಲಿ ಇಲ್ಲಿಯ ತನಕ ವಿಕ್ಕಿ ಕೌಶಲ್ ನಟನೆಯ ಛಾವಾ ಸಿನಿಮಾ 265 ಕೋಟಿ ಕಲೆಕ್ಷನ್ ಮಾಡಿ ನಂಬರ್ ಒನ್ ಸಿನಿಮಾ ಅನಿಸಿಕೊಂಡಿತ್ತು. ಆದ್ರೀಗ ಛಾವಾ ಎರಡನೇ ಸ್ಥಾನಕ್ಕೆ ಕುಸಿದಿದೆ. ಯಾಕಂದ್ರೆ 317 ಕೋಟಿ ಕಲೆಕ್ಷನ್‌ನಿಂದ ನಂಬರ್ ಒನ್ ಪಟ್ಟಕ್ಕೇರಿದೆ ಧುರಂಧರ್ ದಿ ರಿವೆಂಜ್. ಇಲ್ಲಿಯ ತನಕ ಮುಂಬೈ ಒಂದರಲ್ಲೇ 300 ಕೋಟಿ ಗಳಿಸಿದ ಮೊದಲ ಸಿನಿಮಾ ಅನ್ನೋ ಹೆಗ್ಗಳಿಕೆಗೂ ಪಾತ್ರವಾಗಿದೆ.

ಪಾಕಿಸ್ತಾನ ಸೇರಿದಂತೆ ಗಲ್ಫ್ ರಾಷ್ಟ್ರಗಳಾದ ದುಬೈ, ಸೌದಿ ಅರೇಬಿಯಾ, ಕತಾರ್, ಕುವೈತ್, ಓಮನ್, ಬಹರೇನ್ ನಲ್ಲಿ ಧುರಂಧರ್ ಸಿನಿಮಾದ ರಿಲೀಸ್‌ಗೆ ನಿರ್ಬಂಧವಿದೆ. ಗಲ್ಫ್ ಕೋ ಆಪರೇಷನ್ ಕೌನ್ಸಿಲ್‌‌ನಿಂದ ಧುರಂಧರ್ ಸೀಕ್ವೆಲ್ ರಿಲೀಸ್‌ನ ಅಷ್ಟೂ ದೇಶಗಳಲ್ಲಿ ಬ್ಯಾನ್ ಮಾಡಿದೆ. ಆದಾಗ್ಯೂ ಕೂಡ ಸಿನಿಮಾ ಬಾಕ್ಸ್ ಆಫೀಸ್‌‌ನಲ್ಲಿ ಇಷ್ಟು ದೊಡ್ಡ ಮೊತ್ತದ ಹಣ ಕಲೆ ಹಾಕಿರೋದು ಗ್ರೇಟ್. ಇನ್ನೂ ನಾಯಕನಟಿ ಸಾರಾ ಅರ್ಜುನ್, ಅಕ್ಷಯ್ ಖನ್ನಾ, ಅರ್ಜುನ್ ರಾಂಪಾಲ್, ರಾಕೇಶ್ ಬೇಡಿ, ಸಂಜಯ್ ದತ್ ಹಾಗೂ ರಣ್ವೀರ್ ಸಿಂಗ್ ಸ್ಟಾರ್‌‌ಡಮ್ ಜೊತೆ ಸ್ಟಾರ್ ವ್ಯಾಲ್ಯೂ ಕೂಡ ಹೆಚ್ಚಿದೆ.

ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್